Set us Home Page

ഇലകരിച്ചിൽ രോഗവും, മണ്ണിലെ അസിഡിറ്റി വർധനയും പ​റ​പ്പൂ​ർ ചെ​ല്ലി​പ്പാ​ട​ത്ത് 70 ഏക്കർ നെൽകൃഷി കരിഞ്ഞുണങ്ങി 

പ​റ​പ്പൂ​ർ: ചെ​ല്ലി​പ്പാ​ട​ത്ത് വി​ള​വെ​ടു​പ്പി​നു പാ​ക​മാ​യ നെ​ൽ​ക്ക​തി​രു​ക​ൾ ക​രി​ഞ്ഞു​ണ​ങ്ങു​ന്നു. ചെ​ല്ലിപാ​ട​ത്ത് 70 ഏ​ക്ക​ർ സ്ഥ​ല​ത്തെ നെ​ൽ​കൃ​ഷി​യാ​ണ് ക​രി​ഞ്ഞു​ണ​ങ്ങി​യ​ത്. ചെ​ടി​ക​ൾ​ക്ക് 50 ദി​വ​സം പ്രാ​യ​മാ​യ​പ്പോ​ൾ ക​ണ്ടുതു​ട​ങ്ങി​യ ഇ​ല​ക​രി​ച്ചി​ൽ വി​ള​വെ​ടു​പ്പി​നു സ​മ​യ​മാ​യ​പ്പോ​ഴേ​ക്കും നെ​ൽ​മ​ണി​ക​ൾ വ​രെ ക​രി​ഞ്ഞു​ണ​ങ്ങി പ​തി​രാ​യി ക​ഴി​ഞ്ഞു.

തോ​ളൂ​ർ കൃ​ഷി ഭ​വ​നി​ൽ ക​ർ​ഷ​ക​ർ വി​വ​ര​മ​റി​യി​ക്കു​ക​യും പ​രി​ഹാ​ര​മാ​ർ​ഗ​ങ്ങ​ൾ ചെ​യ്തു​വെ​ങ്കി​ലും വേ​ണ്ടത്ര ​ഫ​ലം ക​ണ്ടി​ല്ല. മ​ണ്ണി​ലെ അ​സി​ഡി​റ്റി വ​ർ​ധി​ച്ച​തും ഇ​ല​ക​രി​ച്ചി​ൽ യോ​ഗം മൂ​ർ​ച്ഛി​ച്ച​തു​മാ​ണ് കൃ​ഷി നാ​ശ​ത്തി​നു ഇ​ട​യാ​ക്കി​യ​തെ​ന്ന് കൃ​ഷി വ​കു​പ്പ് ഉ​ദ്യോ​ഗ​സ്ഥ​ർ വ്യ​ക്ത​മാ​ക്കി. വി​ള​വെ​ടു​പ്പ് ന​ട​ത്തി​യാ​ൽ കൂ​ലി​ച്ചെ​ല​വു പോ​ലും ല​ഭി​ക്കാ​ത്ത അ​വ​സ്ഥ​യി​ലാ​ണ​ന്ന് ജി​ല്ലാ വി​ക​സ​ന സ​മി​തി അം​ഗ​വും ക​ർ​ഷ​ക​നു​മാ​യ പി.​ഒ. ​സെ​ബാ​സ്റ്റ്യ​ൻ പ​റ​ഞ്ഞു.

120 ദി​വ​സം മൂ​പ്പു​ള്ള ജ്യോ​തി നെ​ൽ​വി​ത്ത് ഉ​പ​യോ​ഗി​ച്ചാ​ണ് കൃ​ഷി ചെ​യ്തി​ട്ടു​ള്ള​ത്. പ്ര​ള​യാ​ന​ന്ത​രം മ​ണ്ണി​ന്‍റെ ഘ​ട​ന മാ​റി​യ​താ​ണോ, ഇ​ല​ക​രി​ച്ചി​ൽ രോ​ഗം മൂ​ല​മാ​ണോ, എ​ന്താ​ണ് കൃ​ഷി​നാ​ശ​ത്തി​നു കാ​ര​ണ​മെ​ന്ന് ഇ​തു​വ​രെ​യും ക​ണ്ടെത്താ​ൻ ക​ഴി​ഞ്ഞി​ട്ടി​ല്ല. ഇ​രി​പ്പൂ കൃ​ഷി​യി​റ​ക്കാ​നാ​യി നേ​ര​ത്തെ വാ​യ്പ​യെ​ടു​ത്ത് കൃ​ഷി​യി​റ​ക്കു​ക​യും കൃ​ഷിനാ​ശം സം​ഭ​വി​ക്കു​ക​യും ചെ​യ്ത ക​ർ​ഷ​ക​ർ ഇ​പ്പോ​ൾ പ്ര​തി​സ​ന്ധി​യി​ലാ​യി​രി​ക്കു​ക​യാ​ണ്.

ഒ​രു ഏ​ക്ക​റി​ന് ഇ​രു​പ​തി​നാ​യി​രം രൂ​പ​യി​ലേ​റെ ചെ​ല​വു ചെ​യ്താ​ണ് ചെ​ല്ലി​പ്പാ​ട​ത്ത് നെ​ൽ​കൃ​ഷി ചെ​യ്തി​ട്ടു​ള്ള​ത്. ചെ​ല്ലി​പ്പാ​ട​ത്തെ ഭൂ​രി​ഭാ​ഗം ക​ർ​ഷ​ക​രും ഇ​ൻ​ഷു​റ​ൻ​സ് പ​രി​ര​ക്ഷ എ​ടു​ത്തി​ട്ടി​ല്ലെ​ന്നും പ​റ​യു​ന്നു. ഏ​നാ​മാ​വ്, മ​ണ​ലൂ​ർ മേ​ഖ​ല​യി​ലെ കോ​ൾപ​ട​വു​ക​ളി​ൽ ഇ​രിപ്പൂ കൃ​ഷി ചെ​യ്യാ​നാ​യി ഞാ​റ്റ​ടി ത​യാ​റാ​ക്കാ​ൻ ഉ​ദേ​ശി​ച്ചി​ട്ടു​ള്ള​ത് തോ​ളൂ​ർ പ​ഞ്ചാ​യ​ത്തി​ലെ ചെ​ല്ലിപാ​ട​ത്താ​ണ്.

സ​മ​യ​ത്തി​ന് വി​ള​വെ​ടു​ത്തു നി​ല​മൊ​രു​ക്കി ഞാ​റ്റ​ടി ത​യാ​റാ​ക്കി​യി​ല്ലെ​ങ്കി​ൽ ഏ​നാ​മാ​വ്, മ​ണ​ലൂ​ർ മേ​ഖ​ല​യി​ലെ 600 ഏ​ക്ക​റി​ലേ​റെ സ്ഥ​ല​ത്തെ ഇ​രിപ്പു കൃ​ഷി​യും അ​വ​താ​ള​ത്തി​ലാ​കുമെ​ന്ന​താ​ണ് സ്ഥി​തി. ബ​ന്ധ​പ്പെ​ട്ട അ​ധി​കൃ​ത​ർ എ​ത്ര​യും വേ​ഗം ന​ട​പ​ടി സ്വീ​ക​രി​ക്ക​ണ​മെ​ന്നാ​ണ് ക​ർ​ഷ​ക​രു​ടെ ആ​വ​ശ്യം.

രാഷ്ട്രദീപിക വാര്‍ത്തകള്‍ ഫേസ്ബുക്കില്‍ പിന്തുടരാന്‍ ഞങ്ങളുടെ പേജ് ലൈക്ക് ചെയ്യൂ...

https://www.facebook.com/RashtraDeepika/

LATEST NEWS