Set us Home Page

ശക്തൻ സ്റ്റാൻഡിലെ അപകട മരണം; ബ​സ് ക​ണ്ടെ​ത്താ​ൻ ക​ഴി​യാ​ത്ത​ത്  നാ​ണ​ക്കേ​ടാ​കു​ന്നു

തൃ​ശൂ​ർ: ശ​ക്ത​ൻ സ്റ്റാ​ൻ​ഡി​നു​ള്ളി​ൽ ന​ട​ന്ന അ​പ​ക​ട​ത്തി​ൽ പെ​ട്ട ബ​സ് ക​ണ്ടെ​ത്താ​ൻ ര​ണ്ടു ദി​വ​സ​മാ​യി​ട്ടും ക​ഴി​ഞ്ഞി​ട്ടി​ല്ലെ​ന്ന​ത് നാ​ണ​ക്കേ​ടാ​യി മാ​റു​ന്നു. സ്റ്റാ​ൻ​ഡി​നു​ള്ളി​ൽ പോ​ലീ​സി​ന്‍റെ എ​യ്ഡ് പോ​സ്റ്റും പോ​ലീ​സും ഡ്യൂ​ട്ടി​യി​ലു​ള്ള സ്ഥ​ല​ത്ത് ന​ട​ന്ന അ​പ​ക​ട മ​ര​ണ​ത്തി​ന്നു കാ​ര​ണ​മാ​യ ബ​സ് ക​ണ്ടെ​ത്താ​ൻ ക​ഴി​യു​ന്നി​ല്ലെ​ന്ന് പ​റ​യു​ന്ന​ത് വി​ശ്വ​സി​ക്കാ​നാ​കു​ന്നി​ല്ലെ​ന്നാ​ണ് യാ​ത്ര​ക്കാ​ർ പ​റ​യു​ന്ന​ത്.

സാ​ധാ​ര​ണ രാ​ത്രി​യി​ൽ റോ​ഡി​ൽ ആ​രു​മി​ല്ലാ​ത്ത സ​മ​യ​ത്ത് ന​ട​ക്കു​ന്ന അ​പ​ക​ട​ങ്ങ​ളി​ൽ പോ​ലും ഇ​ടി​ച്ചി​ട്ട വാ​ഹ​ന​ത്തെ ക​ണ്ടെ​ത്താ​ൻ മി​ടു​ക്കു കാ​ണി​ച്ചി​ട്ടു​ള്ള പോ​ലീ​സ് പ​ട്ടാ​പ്പ​ക​ൽ പോ​ലീ​സും ആ​ളു​ക​ളും കൂ​ടി നി​ൽ​ക്കു​ന്ന സ​മ​യ​ത്ത് ന​ട​ന്ന ബ​സ് ഏ​താ​ണെ​ന്ന് ക​ണ്ടെ​ത്താ​ൻ ക​ഴി​യാ​ത്ത​ത് ഗൗ​ര​വ​മാ​യി കാ​ണ​ണ​മെ​ന്നാ​ണ് അ​ഭി​പ്രാ​യ​മു​യ​രു​ന്ന​ത്.

ബ​സു​ക​ൾ​ക്ക് ഒ​രേ ക​ള​റാ​യ​തി​നാ​ൽ ആ​ണ് ക​ണ്ടെ​ത്താ​ൻ ക​ഴി​യാ​ത്ത​തെ​ന്നാ​ണ് ന്യാ​യം പ​റ​യു​ന്ന​ത്. എ​ന്നാ​ൽ ബ​സ് ത​ല​യി​ലൂ​ടെ ക​യ​റി​യി​റ​ങ്ങി​യ​തി​നാ​ൽ ചോ​ര​യു​ടെ പാ​ടെ​ങ്കി​ലും ട​യ​റി​ലു​ണ്ടാ​കു​മെ​ന്ന് ക​ണ​ക്കാ​ക്കി എ​ത്ര​യും വേ​ഗം ആ ​സ​മ​യ​ങ്ങ​ളി​ൽ സ്റ്റാ​ൻ​ഡി​ലെ​ത്തു​ന്ന ബ​സു​ക​ൾ ഏ​താ​ണെ​ന്ന് ക​ണ്ടെ​ത്തി പ​രി​ശോ​ധ​ന ന​ട​ത്തി​യാ​ൽ പി​ടി​ക്കാ​ൻ ക​ഴി​യു​മാ​യി​രു​ന്നു. എ​ന്നാ​ൽ ര​ണ്ടു ദി​വ​സം ക​ഴി​ഞ്ഞ​തി​നാ​ൽ എ​ല്ലാ തെ​ളി​വു​ക​ളും ന​ഷ്ട​പ്പെ​ട്ടി​ട്ടു​ണ്ടാ​കും.

ആ ​സ​മ​യ​ത്ത് സ്റ്റാൻ​ഡി​ലെ​ത്തു​ന്ന ബ​സു​ക​ൾ ഏ​താ​ണെ​ന്ന് പ​രി​ശോ​ധ​ന ന​ട​ത്തു​ക​യാ​ണെ​ന്നാ​ണ് പോ​ലീ​സ് പ​റ​യു​ന്ന​ത്. എ​ന്നാ​ൽ ഈ ​ബ​സ് ജീ​വ​ന​ക്കാ​രെ ചോ​ദ്യം ചെ​യ്താ​ൽ ബ​സ് ഏ​താ​ണെ​ന്ന് വ്യ​ക്ത​മാ​യി അ​റി​യാ​ൻ ക​ഴി​യും. 10ന് ഉ​ച്ച​യ്ക്ക് ഒ​ന്നേ​മു​ക്കാ​ലി​നാ​ണ് അ​പ​ക​ട​മു​ണ്ടാ​യ​ത്. ചി​യ്യാ​രം സ്വ​ദേ​ശി​നി ക​രം​പ​റ്റ ചി​റ്റി​ല​പ്പി​ള്ളി ജോ​സി​ന്‍റെ ഭാ​ര്യ മേ​രി​യാ​ണ് ബ​സി​ന​ടി​യി​ൽ പെ​ട്ട് മ​രി​ച്ച​ത്.

പ​ട്ടാ​പ്പ​ക​ൻ ന​ഗ​ര​ത്തി​നു​ള്ളി​ൽ ന​ട​ക്കു​ന്ന അ​പ​ക​ട​ങ്ങ​ളി​ൽ പെ​ട്ട വാ​ഹ​നം ക​ണ്ടെ​ത്താ​ൻ ക​ഴി​യാ​ത്ത​ത് ആ​വ​ർ​ത്തി​ച്ചാ​ൽ യാ​ത്ര​ക്കാ​ർ​ക്കും കാ​ൽ​ന​ട​ക്കാ​ർ​ക്കും ഒ​രു സു​ര​ക്ഷ​യു​മി​ല്ലാ​ത്ത ന​ഗ​ര​മാ​യി തൃ​ശൂ​ർ മാ​റും. ന​ഗ​ര​ത്തി​ൽ സി​സി​ടി​വി​ക​ൾ സ്ഥാ​പി​ക്കു​മെ​ന്ന് പ്ര​ഖ്യാ​പ​നം ന​ട​ത്തു​ന്നു​ണ്ടെ​ങ്കി​ലും ഇ​തു​വ​രെ അ​തി​നു​ള്ള ന​ട​പ​ടി​ക​ൾ പൂ​ർ​ത്തി​യാ​യി​ട്ടി​ല്ല.

അ​മി​ത വേ​ഗ​ത്തി​ലെ​ത്തു​ന്ന വാ​ഹ​ന​ങ്ങ​ൾ യാ​ത്ര​ക്കാ​രെ ഇ​ടി​ച്ചി​ട്ട് ക​ട​ന്നു പോ​യാ​ലും ഒ​രു പ്ര​ശ്ന​വു​മി​ല്ലാ​ത്ത സാ​ഹ​ച​ര്യ​ത്തി​ലേ​ക്കാ​ണ് കാ​ര്യ​ങ്ങ​ൾ നീ​ങ്ങു​ന്ന​ത്. കാ​ൽ​ന​ട​ക്കാ​ർ​ക്ക് റോ​ഡ് മു​റി​ച്ചു ക​ട​ക്കാ​ൻ ശ്ക്ത​ൻ​സ്റ്റാ​ൻ​ഡി​നു സ​മീ​പം സീ​ബ്രാ ലൈ​നു​ക​ൾ വ​ര​യ്ക്കാ​ൻ പോ​ലും അ​ധി​കാ​രി​ക​ൾ ത​യ്യാ​റാ​യി​ട്ടി​ല്ല.

രാഷ്ട്രദീപിക വാര്‍ത്തകള്‍ ഫേസ്ബുക്കില്‍ പിന്തുടരാന്‍ ഞങ്ങളുടെ പേജ് ലൈക്ക് ചെയ്യൂ...

https://www.facebook.com/RashtraDeepika/

LATEST NEWS