നെല്ലുസംഭരണം പെരുവഴിയിൽ; നെഞ്ചിടിപ്പോടെ കർഷകർ; കനത്ത വെയിലിലും നെ​ല്ലി​ന് ഈ​ർ​പ്പ​മു​ണ്ടെ​ന്ന മുടന്തൻ ന്യായവുമായി മുല്ലുടമകൾ

മ​ങ്കൊ​ന്പ്: ലോ​ക്ഡൗ​ണ്‍ കാ​ല​ത്ത് ക​ർ​ഷ​ക​ർ​ക്ക് വേ​ദ​ന​യാ​യി നെ​ല്ല് കെ​ട്ടി​ക്കി​ട​ക്കു​ന്നു. നെ​ടു​മു​ടി കൃ​ഷി​ഭ​വ​ൻ പ​രി​ധി​യി​ലെ മ​ഠ​ത്തി​ൽ മു​ല്ലാ​ക്ക​ൽ പാ​ട​ശേ​ഖ​ര​ത്തി​ലെ നെ​ല്ലാ​ണ് പ​ത്തു ദി​വ​സ​ത്തോ​ള​മാ​യി സം​ഭ​രി​ക്കാ​നാ​കാ​തെ കെ​ട്ടി​ക്കി​ട​ക്കു​ന്ന​ത്. 90 ഏ​ക്ക​റിനടുത്തു വ​രു​ന്ന പാ​ട​ശേ​ഖ​ര​ത്തി​ൽ 21നാ​ണ് വി​ള​വെ​ടു​പ്പാ​രം​ഭി​ച്ച​ത്.

24 നു ​പൂ​ർ​ത്തി​യാ​യി. ഇ​തു​വ​രെ നെ​ല്ലു സം​ഭ​രി​ക്കാ​നാ​കാ​ത്ത​ത് ക​ർ​ഷ​ക​രെ അ​ങ്ക​ലാ​പ്പി​ലാ​ക്കു​ന്നു. നേ​ര​ത്തെ മി​ല്ലു​ട​മ​ക​ൾ സ്ഥ​ല​ത്തെ​ത്തി നെ​ല്ലു പ​രി​ശോ​ധി​ച്ചി​രു​ന്നു.

ക​ത്തു​ന്ന വേ​ന​ൽ​ചൂ​ടി​ലും നെ​ല്ലി​ന് ഈ​ർ​പ്പ​മു​ണ്ടെ​ന്നു പ​റ​ഞ്ഞാ​ണ് മി​ല്ലു​ട​മ​ക​ളും ഇ​ട​നി​ല​ക്കാ​രും നെ​ല്ലെ​ടു​ക്കാ​ൻ വൈ​കു​ന്ന​ത്. എ​ന്നാ​ൽ, ത​ങ്ങ​ളി​ൽ നി​ന്നു കി​ഴി​വ് ഈ​ടാ​ക്കാ​നു​ള്ള ത​ന്ത്ര​മാ​ണി​തെ​ന്നാ​ണ് ക​ർ​ഷ​ക​ർ പ​റ​യു​ന്ന​ത്. ക​ർ​ഷ​ക​രു​ടെ പ​രാ​തി​യെ​ത്തു​ട​ർ​ന്ന് ഇ​ന്ന​ലെ നെ​ടു​മു​ടി കൃ​ഷി ഓ​ഫീ​സ​ർ സ്ഥ​ല​ത്തെ​ത്തി.

വ​ള​രെ ചെ​റി​യ പാ​ട​ശേ​ഖ​ര​ത്തി​ൽ ഒ​ന്നും, ര​ണ്ടും ഏ​ക്ക​ർ കൃ​ഷി​യു​ള്ള സാ​ധാ​ര​ണ ക​ർ​ഷ​ക​രാ​ണേ​റെ​യും. ഏ​തു​നി​മി​ഷ​വും എ​ത്താ​വു​ന്ന വേ​ന​ൽ​മ​ഴ ക​ർ​ഷ​ക​രി​ൽ ആ​ശ​ങ്ക​യു​ണ്ടാ​ക്കു​ന്നു.

അ​ടു​ത്ത കാ​ല​ത്തു​ണ്ടാ​യ നെ​ല്ലു​മോ​ഷ​ണ​ങ്ങ​ളും ക​ർ​ഷ​ക​രെ വീ​ട്ടി​ലി​രു​ത്താ​ൻ അ​നു​വ​ദി​ക്കു​ന്നി​ല്ല. കൊ​റോ​ണ ഭീ​ഷ​ണി​യെ​യും അ​തി​ജീ​വി​ച്ച് രാ​ത്രി​യും പ​ക​ലു​മി​ല്ലാ​തെ പാ​ട​ത്തു കൂ​ട്ടി​യി​ട്ടി​രി​ക്കു​ന്ന നെ​ല്ലി​നു കാ​വ​ലി​രി​ക്കു​ക​യാ​ണു ക​ർ​ഷ​ക​ർ.