അബുജ: നൈജീരിയൻ വ്യോമസേനയുടെ വിമാനം തകർന്നുവീണ് 25 പേർ മരിച്ചു. തിങ്കളാഴ്ച തെക്കൻ നൈജീരിയയിലെ ഒൺഡോ സംസ്ഥാനത്താണ് അപകടമുണ്ടായത്. വിമാനത്തിലുണ്ടായിരുന്ന 20 യാത്രക്കാരും അഞ്ച് ജീവനക്കാരുമാണ് മരിച്ചത്. അപകടത്തിൽ ആരും രക്ഷപ്പെട്ടിട്ടില്ലെന്ന് അധികൃതർ അറിയിച്ചു.
റഡാറിൽനിന്ന് അപ്രത്യക്ഷമായ വിമാനം ഇഗ്ബോകോഡ ടൗണിലാണ് തകർന്നുവീണത്. വിമാനത്തിൽ 32 പേരുണ്ടായിരുന്നുവെന്നായിരുന്നു നേരത്തെ പുറത്തുവന്ന റിപ്പോർട്ടുകൾ.
