മ​രി​ച്ച കു​ട്ടി​ക​ളു​ടെ വാ​യി​ൽ എ​ന്തി​ന് നാ​ണ​യ​ങ്ങ​ൾ ? ആ​ർ​ക്കു​ള്ള കൈ​ക്കൂ​ലി? ആ ​ക​ഥ ഇ​ങ്ങ​നെ…

മ​ണ്ണ​ട​രു​ക​ൾ പ​റ​ഞ്ഞ​ത് അ​പ​രി​ചി​ത​വും അ​സാ​ധാ​ര​ണ​വു​മാ​യ ഒ​രു ക​ഥ​യാ​ണ്. താ​ഴ്ന്നു​ചെ​ല്ലും​തോ​റും നി​ര​നി​ര​യാ​യി കു​ട്ടി​ക​ളു​ടെ ശ​രീ​രാ​വ​ശി​ഷ്ട​ങ്ങ​ൾ.

മ​ല​ർ​ന്ന്, കൈ​ക​ൾ ഇ​രു​വ​ശ​ത്തേക്കും നി​വ​ർ​ത്തി​വ​ച്ച്, ഒ​രു സ്കൂ​ൾ അ​സം​ബ്ലി​യി​ലെ അ​ച്ച​ട​ക്ക​ത്തോ​ടെ എ​ന്ന​വി​ധം അ​വ​ർ കി​ട​ക്കു​ന്നു. അ​ച്ച​ട​ക്ക​മി​ല്ലാ​ത്ത മ​ര​ണം എ​ങ്ങ​നെ​ വ​ന്നു​വെ​ന്ന് അ​റി​വി​ല്ലാ​ത്ത 115 പേ​ർ. പ​ര്യ​വേ​ക്ഷ​ക​ർ വി​ചി​ത്ര​മാ​യൊ​ന്നു​കൂ​ടി ക​ണ്ടെ​ത്തി- അ​വ​രു​ടെ വാ​യി​ൽ നാ​ണ​യ​ങ്ങ​ൾ കു​ത്തി​നി​റ​ച്ചി​രി​ക്കു​ന്നു!

കാ​ടു​വെ​ട്ടി​യ​ത് റോ​ഡി​ന്

ഗ്രീ​സ് മു​ത​ൽ ലി​ത്വാ​നി​യ വ​രെ നീ​ളു​ന്ന ഒ​രു എ​ക്സ്പ്ര​സ് മോ​ട്ടോ​ർ​ വേ ഒരുങ്ങുന്നുണ്ട്. പോ​ള​ണ്ടി​ൽ ആ ​പാ​ത​യ്ക്കാ​യി കാ​ടു​വെ​ട്ടി​ത്തെ​ളി​ക്കു​ന്ന​തി​നി​ടെ​യാ​ണ് ഈ ​കൂ​ട്ട​ക്കു​ഴി​മാ​ടം ക​ണ്ടെ​ത്തി​യ​ത്.

നി​സ്കോ എ​ന്നു​പേ​രു​ള്ള ഒ​രു പ​ട്ട​ണ​ത്തോ​ടു ചേ​ർ​ന്ന് കാ​ണ​പ്പെ​ട്ട ഇ​വി​ടെ ഇ​പ്പോ​ൾ വാ​ഹ​ന​ങ്ങ​ൾ​ക്കു​മു​ന്പ് ഓ​ർ​മ​ക​ൾ ചീ​റി​പ്പാ​യു​ന്നു. ഇ​ങ്ങ​നെ​യൊ​രു കു​ഴി​മാ​ട​മു​ണ്ടെ​ന്ന് ആ ​പ്ര​ദേ​ശ​വാ​സി​ക​ൾ​ക്കി​ട​യി​ൽ ഏ​റെ​ക്കാ​ല​മാ​യി ഒ​രു ക​ഥ നി​ല​നി​ന്നി​രു​ന്നു.

എ​വി​ടെ​യെ​ന്നോ എ​ങ്ങ​നെ​യെ​ന്നോ അ​റി​യാ​ത്ത ഒ​രി​ട​മാ​യി​രു​ന്നു ഇ​തു​വ​രെ​യും അ​ത്. ഇ​പ്പോ​ൾ അ​ത് യാ​ഥാ​ർ​ഥ്യ​മാ​യി​രി​ക്കു​ന്നു. ഗ​വേ​ഷ​ക​ർ​ക്ക് ഒ​ട്ടേ​റെ പ​ഠ​ന​ങ്ങ​ൾ​ക്കു വ​ഴി​തു​റ​ന്നി​രി​ക്കു​ന്നു.

പ​തി​നാ​റാം നൂ​റ്റാ​ണ്ടി​ലേ​ക്ക്

ഗ​വേ​ഷ​ക​രു​ടെ അ​ഭി​പ്രാ​യ​മ​നു​സ​രി​ച്ച് ഈ ​കു​ഴി​മാ​ടം പ​തി​നാ​റാം നൂ​റ്റാ​ണ്ടി​ലേ​താ​ണ്. ഇ​വി​ടെ അ​ട​ക്കം ചെ​യ്ത​വ​രി​ൽ ഏ​താ​ണ്ട് 80 ശ​ത​മാ​ന​വും കു​ട്ടി​ക​ൾ. അ​ങ്ങ​നെ ക​ണ്ടെ​ത്തി​യ ശ​രീ​രാ​വ​ശി​ഷ്ട​ങ്ങ​ളു​ടെ വാ​യ്ഭാ​ഗ​ത്താ​ണ് നാ​ണ​യ​ശേ​ഖ​രം.

1587 മു​ത​ൽ 1632 വ​രെ പോ​ള​ണ്ട് ഭ​രി​ച്ച സി​ഗി​സ്മ​ണ്ട് മൂ​ന്നാ​മ​ന്‍റെ​യും 1648 മു​ത​ൽ 1668 വ​രെ രാ​ജാ​വാ​യി​രു​ന്ന ജോ​ണ്‍ ര​ണ്ടാ​മ​ൻ കാ​സി​മി​റി​ന്‍റെ​യും കാ​ല​ത്തെ നാ​ണ​യ​ങ്ങ​ളാ​ണ് ഇ​വ​യെ​ന്നു ഗ​വേ​ഷ​ക​ർ ക​ണ്ടെ​ത്തി.

മ​രി​ച്ച​വ​ർ​ക്ക് എ​ന്തി​ന് പ​ണം?

ന്യാ​യ​മാ​യ ചോ​ദ്യ​മാ​ണ്. ജ​നി​ക്കു​ന്പോ​ൾ ആ​രും ഒ​ന്നും കൊ​ണ്ടു​വ​രു​ന്നി​ല്ല, വെ​ട്ടി​പ്പി​ടി​ച്ച​തൊ​ന്നും മ​രി​ക്കു​ന്പോ​ൾ കൊ​ണ്ടു​പോ​കു​ന്നു​മി​ല്ല. കു​ട്ടി​ക​ളാ​ണെ​ങ്കി​ൽ പ​ണം സ​ന്പാ​ദി​ക്കാ​നു​ള്ള പ്രാ​യ​വു​മാ​യി​ട്ടി​ല്ല. പി​ന്നെ​ന്തി​ന്, എ​വി​ടെ​നി​ന്നാ​ണ് ഈ ​നാ​ണ​യ​ങ്ങ​ൾ എ​ന്ന ചോ​ദ്യ​ത്തി​ന് ഉ​ത്ത​ര​മു​ണ്ട്.

കു​ഴി​മാ​ടം ക​ണ്ടെ​ത്തി​യ സ്ഥ​ല​ത്ത് ജോ​ലി​ചെ​യ്യു​ന്ന ഗ​വേ​ഷ​ക​യാ​യ ക​താ​ർ​സി​ന ഒ​ലേ​സേ​ക് പ​റ​യു​ന്ന​ത് ഇ​ങ്ങ​നെ​യാ​ണ്- അ​ക്കാ​ല​ത്ത് അ​ങ്ങ​നെ​യൊ​രു നാ​ടോ​ടി പാ​ര​ന്പ​ര്യം നി​ല​നി​ന്നി​രു​ന്നു.

മ​രി​ച്ച​വ​രെ മ​ര​ണാ​ന​ന്ത​ര ജീ​വി​ത​ത്തി​നു പൂ​ർ​ണ​സ​ജ്ജ​രാ​ക്കി വേ​ണം സം​സ്കാ​രം. മ​ര​ണാ​ന​ന്ത​ര ജീ​വി​ത​ത്തി​ലേ​ക്കു പ്ര​വേ​ശി​ക്കാ​ൻ പ​ണം​വേ​ണം. ഈ ​പ​ണം ഒ​രു ചെ​റി​യ കൈ​ക്കൂ​ലി കൊ​ടു​ക്കാ​ൻ വേ​ണ്ടി​യു​ള്ള​തു​മാ​ണ്.

ആ​ർ​ക്കു​ള്ള കൈ​ക്കൂ​ലി? ആ ​ക​ഥ ഇ​ങ്ങ​നെ:

ജീ​വ​നു​ള്ള ലോ​ക​ത്തെ​യും മ​രി​ച്ച​വ​ർ​ക്കു​ള്ള ലോ​ക​ത്തെ​യും വേ​ർ​തി​രി​ക്കു​ന്ന ഒ​രു വ​ലി​യ ന​ദി​യു​ണ്ട് ആ ​സ​ങ്ക​ല്പ​ത്തി​ൽ. ആ ​ന​ദി​യി​ലെ ക​ട​ത്തു​കാ​ര​നാ​യ കാ​രോ​ണി​നു പ​ണം കൊ​ടു​ത്തേ​പ​റ്റൂ. ന​ദി​ക​ട​ന്ന് മ​രി​ച്ച​വ​രു​ടെ ലോ​ക​ത്തെ​ത്താ​ൻ ആ​ത്മാ​വി​ന് അ​യാ​ളു​ടെ സ​ഹാ​യം കൂ​ടി​യേ​തീ​രൂ!

പ​ഠ​നം തു​ട​രു​ന്നു

ക​താ​ർ​സി​ന അ​ട​ക്ക​മു​ള്ള ഗ​വേ​ഷ​ക​ർ കു​ഴി​മാ​ടം ക​ണ്ടെ​ത്തി​യ സ്ഥ​ല​ത്ത് പ​ഠ​നം തു​ട​രു​ക​യാ​ണ്. മൃ​ത​ശ​രീ​ര​ങ്ങ​ൾ അ​ട​ക്കം ചെ​യ്ത​തും സൂ​ക്ഷി​ച്ച​തു​മാ​യ രീ​തി​ക​ൾ കാ​ണു​ന്പോ​ൾ ഇ​തൊ​രു ക്രി​സ്ത്യ​ൻ സെ​മി​ത്തേ​രി​യാ​ണോ എ​ന്നു സം​ശ​യി​ക്കു​ന്ന​താ​യി അ​വ​ർ പ​റ​യു​ന്നു.

പ​ല​പ്പോ​ഴാ​യി അ​ട​ക്കി​യി​ട്ടു​ള്ള ശ​രീ​ര​ങ്ങ​ൾ​ക്ക് ഒ​രു കേ​ടും വ​രാ​ത്ത​വി​ധം ശ്ര​ദ്ധ​യോ​ടെ​യാ​ണു സൂ​ക്ഷി​പ്പു​കാ​ർ ഇ​വി​ടെ സം​സ്കാ​രം ന​ട​ത്തി​യി​രു​ന്ന​ത്.

തൊ​ട്ട​ടു​ത്തു​ത​ന്നെ എ​വി​ടെ​യെ​ങ്കി​ലും മു​തി​ർ​ന്ന​വ​രു​ടെ കു​ഴി​മാ​ട​ങ്ങ​ളു​ണ്ടോ​യെ​ന്നു പ​രി​ശോ​ധി​ക്കു​ക​യാ​ണ് ഗ​വേ​ഷ​ക​രി​പ്പോ​ൾ. ച​രി​ത്രം ഈ ​കു​ഴി​മാ​ട​ത്തി​ലും സ്പ​ന്ദി​ക്കു​ന്നു.

തയാറാക്കിയത്: വി.ആർ. ഹരിപ്രസാദ്

Related posts

Leave a Comment