ചോ​ദി​ച്ചാ​ൽ ച​ങ്കു മാ​ത്ര​മ​ല്ല പാ​സ്‌വേഡും കൊ​ടു​ക്കും മ​ല​യാ​ളി; ഓൺലൈൻ തട്ടിപ്പിന് ഉത്തരേന്ത്യൻ തട്ടിപ്പുകാർ തെരഞ്ഞെടുക്കുന്നത് മലയാളികളെ; എന്തുകൊണ്ടേന്ന കാരണം കേട്ടാൽ ഞെട്ടും….

ചോ​ദി​ച്ചാ​ൽ ച​ങ്കു പ​റി​ച്ചു​കൊ​ടു​ക്കു​ന്ന​തി​ന​പ്പു​റം എ​ല്ലാ പാ​സ്വേ​ഡു​ക​ള​ട​ക്കം കൊ​ടു​ക്കു​ന്ന​വ​രാ​ണ് മ​ല​യാ​ളി​ക​ൾ എ​ന്നാ​ണ് ഉ​ത്ത​രേ​ന്ത്യ​ൻ ത​ട്ടി​പ്പു​കാ​ർ പ​റ​യു​ന്ന​ത്. അ​തീ​വ​ര​ഹ​സ്യ​മാ​യി സൂ​ക്ഷി​ക്കേ​ണ്ട പാ​സ് വേ​ഡു​ക​ൾ വ​രെ അ​പ​രി​ചി​ത​ർ ചോ​ദി​ച്ചാ​ൽ പോ​ലും ഒ​രു ബു​ദ്ധി​മു​ട്ടും കൂ​ടാ​തെ എ​ടു​ത്തു​കൊ​ടു​ക്കു​ന്ന ശീ​ലം മ​ല​യാ​ളി​ക്ക് മാ​റു​ന്നി​ല്ല. എ​ത്ര​യോ ത​വ​ണ ഇ​തു​സം​ബ​ന്ധി​ച്ച് പോ​ലീ​സും മാ​ധ്യ​മ​ങ്ങ​ളും ബോ​ധ​വ​ത്ക​ര​ണം ന​ട​ത്തി​യി​ട്ടും മ​ല​യാ​ളി​ക​ൾ പ​ഠി​ക്കു​ന്നി​ല്ലെ​ന്ന് ഓ​രോ ത​ട്ടി​പ്പു​ക​ൾ പു​റ​ത്തു​വ​രു​ന്പോ​ഴും ബോ​ധ്യ​മാ​കു​ന്നു.

ഒന്ന് ഓർഡർ ചെയ്താൽ എല്ലാം വീട്ടിൽ കിട്ടുമെന്ന  സൗകര്യം മലയാളികളെ കൂടുതൽ മടിയൻമാരാക്കുന്നു. എല്ലാം സുഖ സൗകര്യങ്ങളും പുറത്തേക്കിറങ്ങാതെ കിട്ടുമ്പോൾ മലയാളികൾ ഇത്തരത്തിലുള്ള അപകടത്തിൽപ്പെടുന്നതും നിത്യസംഭവമാകുകയാണ്. പുറത്തുവരുന്ന തട്ടിപ്പുകളുടെ വിവരങ്ങൾ  കുറവാണെങ്കിലും ഇതിലും കൂടുതൽ തട്ടിപ്പുകൾ നടക്കുന്നുണ്ടെന്നാണ് അധികാരികൾ പറയുന്നത്.

സ്വ​ന്തം ലേ​ഖ​ക​ൻ
തൃ​ശൂ​ർ: ഹോ​ട്ട​ലു​ക​ളി​ൽ നി​ന്നും മ​റ്റും ഓ​ണ്‍​ലൈ​ൻ വ​ഴി പ​ണം ത​ട്ടു​ന്ന സം​ഘ​ത്ത​ല​വ​ൻ അ​റ​സ്റ്റി​ലാ​യ സം​ഭ​വ​ത്തി​ൽ കൂ​ടു​ത​ൽ​പേ​രു​ണ്ടെ​ന്ന് പോ​ലീ​സ്. ഇ​വ​ർ​ക്കാ​യി തി​ര​ച്ചി​ൽ തു​ട​രു​ന്നു​ണ്ടെ​ങ്കി​ലും സം​ഘാം​ഗ​ങ്ങ​ൾ ക്യാ​ന്പു ചെ​യ്യു​ന്ന ഉ​ത്ത​രേ​ന്ത്യ​ൻ ഗ്രാ​മ​ങ്ങ​ളി​ൽ ചെ​ന്ന് ഇ​വ​രെ പി​ടി​കൂ​ടു​ക​യെ​ന്ന​ത് ഒ​ട്ടും എ​ളു​പ്പ​മ​ല്ലാ​ത്ത കാ​ര്യ​മാ​ണെ​ന്ന് കേ​ര​ള​പോ​ലീ​സ് സ​മ്മ​തി​ക്കു​ന്നു.

ഏ​റെ സാ​ഹ​സി​ക​മാ​യാ​ണ് സം​ഘ​ത്ത​ല​വ​നെ പി​ടി​കൂ​ടാ​നാ​യ​ത്. ഡ​ൽ​ഹി കേ​ന്ദ്രീ​ക​രി​ച്ച് പ്ര​ത്യേ​കി​ച്ച് ഡ​ൽ​ഹി​യു​ടെ ഉ​ൾ​ഗ്രാ​മ​ങ്ങ​ൾ കേ​ന്ദ്രീ​ക​രി​ച്ചാ​ണ് ഇ​ത്ത​രം ത​ട്ടി​പ്പു സം​ഘ​ങ്ങ​ൾ പ്ര​വ​ർ​ത്തി​ക്കു​ന്ന​ത്. ഓ​ണ്‍​ലൈ​ൻ ത​ട്ടി​പ്പി​ലൂ​ടെ ല​ക്ഷ​ങ്ങ​ൾ ഒ​റ്റ​യ​ടി​ക്ക് നേ​ടാ​മെ​ന്ന​തു​കൊ​ണ്ടു​ത​ന്നെ അ​വി​ടെ​യു​ള്ള​വ​രി​ൽ മി​ക്ക​വ​രും ഓ​ണ്‍​ലൈ​ൻ ത​ട്ടി​പ്പു​ക​ളി​ൽ മി​ക​വു പു​ല​ർ​ത്തു​ന്ന​വ​രാ​ണ്.

ഇ​വ​രി​ൽ ഭൂ​രി​ഭാ​ഗ​ത്തി​നും സാ​മാ​ന്യ വി​ദ്യാ​ഭ്യാ​സം പോ​ലു​മി​ല്ലെ​ന്ന​താ​ണ് പോ​ലീ​സി​നെ അ​ന്പ​ര​പ്പി​ക്കു​ന്ന​ത്. ഐ​ടി വി​ദ​ഗ്ധ​രെ പോ​ലും വെ​ല്ലു​ന്ന​ത​ര​ത്തി​ൽ കം​പ്യൂ​ട്ട​ർ ഓ​പ്പ​റേ​ഷ​നു​ക​ൾ വ​ഴി ഓ​ണ്‍​ലൈ​ൻ ത​ട്ടി​പ്പ് ന​ട​ത്തു​ന്ന​തി​ൽ കേ​മ​ൻ​മാ​രാ​ണ് ഇ​വ​ർ. ത​ട്ടി​പ്പ് ന​ട​ത്താ​ൻ ഇ​റ​ങ്ങി​പ്പു​റ​പ്പെ​ട്ടാ​ൽ അ​ത് ന​ട​ത്തി മാ​ത്ര​മേ ഇ​ത്ത​ര​ക്കാ​ർ തി​രി​ച്ചെ​ത്താ​റു​ള്ളു​വ​ത്രെ. അ​തി​ന് ഏ​തു മാ​ർ​ഗം വേ​ണ​മെ​ങ്കി​ലും ഇ​വ​ർ സ്വീ​ക​രി​ക്കും.

കേ​ര​ളം ത​ന്നെ​യാ​ണ് ഇ​വ​ർ​ക്ക് ഏ​റെ പ്രി​യ​പ്പെ​ട്ട സ്ഥ​ലം. കേ​ര​ളം ഓ​ണ്‍​ലൈ​ൻ വ്യാ​പാ​ര​ങ്ങ​ളി​ലേ​ക്ക് കൂ​ടു​ത​ൽ ശ്ര​ദ്ധ കൊ​ടു​ക്കു​ന്ന കാ​ല​മാ​യ​തി​നാ​ൽ ഇ​വി​ടെ ത​ട്ടി​പ്പ് പെ​ട്ട​ന്ന് സാ​ധ്യ​മാ​ണെ​ന്ന​തു​കൊ​ണ്ടു​ത​ന്നെ ഇ​വി​ടെ ഇ​വ​രു​ടെ സം​ഘാം​ഗ​ങ്ങ​ൾ പ​ല​യി​ട​ത്താ​യി ത​ന്പ​ടി​ച്ചി​ട്ടു​ണ്ടെ​ന്നാ​ണ് സൂ​ച​ന. പ​ല ത​ട്ടി​പ്പു​ക​ളും പു​റ​ത്തു​വ​രാ​നു​ണ്ടെ​ന്നും പോ​ലീ​സ് സം​ശ​യി​ക്കു​ന്നു.

ത​മി​ഴ്നാ​ട്ടി​ലെ തി​രു​ട്ടു​ഗ്രാ​മ​ത്തി​ന് സ​മാ​ന​മാ​ണ് ഉ​ത്ത​രേ​ന്ത്യ​ൻ സം​സ്ഥാ​ന​ങ്ങ​ളാ​യ രാ​ജ​സ്ഥാ​ൻ, ഉ​ത്ത​ർ​പ്ര​ദേ​ശ്, ഹ​രി​യാ​ന, ഡ​ൽ​ഹി എ​ന്നി​വി​ട​ങ്ങ​ളി​ലു​ള്ള ഇ​ത്ത​രം ത​ട്ടി​പ്പു ഗ്രാ​മ​ങ്ങ​ൾ. നാ​ട​ൻ തോ​ക്കും നാ​ട​ൻ ബോ​ബും പ്രാ​ദേ​ശി​ക​മാ​യി ഉ​പ​യോ​ഗി​ക്കു​ന്ന ആ​യു​ധ​ങ്ങ​ളു​മെ​ല്ലാം ക​യ്യി​ൽ വെ​ച്ച് ത​ട്ടി​പ്പു​ക​ൾ ക​ണ്‍​ട്രോ​ൾ ചെ​യ്യു​ന്ന​വ​രാ​ണ് ഉ​ത്ത​രേ​ന്ത്യ​ൻ ഗ്രാ​മ​ത്തി​ലു​ള്ള​ത്.

പു​റ​ത്തു​നി​ന്ന് ആ​രെ​ത്തി​യാ​ലും അ​വ​രെ സം​ശ​യ​ത്തോ​ടെ മാ​ത്ര​മേ ഇ​വി​ടു​ള്ള​വ​ർ നോ​ക്കാ​റു​ള്ളു. അ​തു​കൊ​ണ്ടു​ത​ന്നെ ഇ​വ​രു​ടെ താ​വ​ള​ത്തി​ലേ​ക്ക് ഒ​രു ഈ​ച്ച പോ​ലും ക​ട​ക്കി​ല്ല. പ​രി​ശോ​ധ​ന​ക​ൾ​ക്കും ചോ​ദ്യം ചെ​യ്യ​ലു​ക​ൾ​ക്കും ശേ​ഷ​മേ അ​പ​രി​ചി​ത​ർ​ക്ക് ഇ​വി​ട​ങ്ങ​ളി​ലേ​ക്ക് ക​ട​ന്നെ​ത്താ​നാ​കൂ. ഇ​വി​ട​ത്തെ പോ​ലീ​സ് പോ​ലും ഈ ​ത​ട്ടി​പ്പ് കേ​ന്ദ്ര​ങ്ങ​ളി​ലേ​ക്ക് പോ​കാ​റി​ല്ല​ത്രെ. അ​വി​ടേ​ക്കാ​ണ് അ​തി​സാ​ഹ​സി​ക​മാ​യി കേ​ര​ള പോ​ലീ​സ് ക​ട​ന്നെ​ത്തി വ​ള​രെ ത​ന്ത്ര​പൂ​ർ​വം സം​ഘ​ത്ത​ല​വ​നെ കു​ടു​ക്കി​യ​ത്.