ഓപ്പറേഷൻ സ്ക്രീൻ; സൺഫിലിം ഒട്ടിച്ച 32  വാഹനങ്ങൾക്കു പിടിവീണു; ആം​ബു​ല​ൻ​സു​ക​ളെ ഒ​ഴി​വാ​ക്ക​ണമെന്ന് അസോസിയേഷൻ


മാ​വേ​ലി​ക്ക​ര: ഓ​പ്പ​റേ​ഷ​ൻ സ്ക്രീ​നിൽ മാ​വേ​ലി​ക്ക​ര​യി​ൽ 32 വാ​ഹ​ന​ങ്ങ​ൾ​ക്ക് പി​ടി​വീ​ണു. ക​ഴി​ഞ്ഞ ര​ണ്ട് ദി​വ​സ​മാ​യി താ​ലൂ​ക്കി​ൽ മോ​ട്ടോ​ർ വാ​ഹ​ന വ​കു​പ്പ് ന​ട​ത്തി​യ പ​രി​ശോ​ധ​ന​യി​ലാ​ണ് സ​ൺ​ഫി​ലിം ഒ​ട്ടി​ച്ച വാ​ഹ​ന​ങ്ങ​ൾ​ക്ക് നോ​ട്ടീ​സ് ന​ൽ​കി​യ​ത്.

താ​ലൂ​ക്കി​ൽ സ​ർ​വ്വീ​സ് ന​ട​ത്തു​ന്ന 42 ആ​ബു​ല​ൻ​സു​ക​ൾ​ക്കും ഇ​തു​മാ​യി ബ​ന്ധ​പ്പെ​ട്ട പ​രി​ശോ​ധ​ന​യ്ക്ക് ഹാ​ജ​രാ​ക്ക​ണം എ​ന്ന് ആ​വ​ശ്യ​പ്പെ​ട്ട് നോ​ട്ടീ​സ് ന​ൽ​കി​യി​ട്ടു​ണ്ട്.

പ​രി​ശോ​ധ​ന​ക്ക് എ.​എം.​വി.​ഐ മാ​രാ​യ കു​ര്യ​ൻ ജോ​ൺ, ജ​യ​റാം, ഗു​രു​ദാ​സ്, ശ്യം​കു​മാ​ർ എ​ന്നി​വ​ർ നേ​തൃ​ത്വം ന​ൽ​കി. വ​രു​ന്ന ദി​വ​സ​ങ്ങ​ളി​ൽ പ​രി​ശോ​ധ​ന കൂ​ടു​ത​ൽ ശ​ക്ത​മാ​ക്കു​മെ​ന്ന് ജോ.​ആ​ർ.​റ്റി.​ഓ എം.​ജി.​മ​നോ​ജ് അ​റി​യി​ച്ചു.

ആം​ബു​ല​ൻ​സു​ക​ളെ ഒ​ഴി​വാ​ക്ക​ണമെന്ന്
ഹ​രി​പ്പാ​ട് : വാ​ഹ​ന​ങ്ങ​ളി​ലെ കൂ​ളി​ങ് ഫി​ലി​മു​ക​ൾ​ക്ക് നി​യ​ന്ത്ര​ണം ഏ​ർ​പ്പെ​ടു​ത്തി​യ​തി​ൽ നി​ന്ന് ആം​ബു​ല​ൻ​സു​ക​ളെ ഒ​ഴി​വാ​ക്ക​ണം എ​ന്ന് ആ​വ​ശ്യ​പ്പെ​ട്ടു​കൊ​ണ്ട് ആ​ല​പ്പു​ഴ ജി​ല്ലാ ആം​ബു​ല​ൻ​സ് ഓ​ണ​ർ​സ് ആ​ൻ​ഡ് ഡ്രൈ​വേ​ഴ്സ് അ​സോ​സി​യേ​ഷ​ൻ.​രോ​ഗി​ക​ളു​ടെ സ്വ​കാ​ര്യ​ത ആ​ശു​പ​ത്രി​ക​ളി​ലെ പോ​ലെ ആം​ബു​ല​ൻ​സു​ക​ളി​ലും സം​ര​ക്ഷി​ക്ക​പ്പെ​ട​ണം എ​ന്നാ​ണ് എ ​ഓഡിഎയു​ടെ നി​ല​പാ​ട്.

ആ​ശു​പ​ത്രി​ക​ളി​ലേ​ക്കു​ള്ള യാ​ത്രാ​മ​ധ്യേ ആം​ബു​ല​ൻ​സി​ൽ പ്ര​സ​വി​ക്കു​ന്ന ഗ​ർ​ഭി​ണി​ക​ൾ, വ​സ്ത്ര​ങ്ങ​ൾ വ​ലി​ച്ചെ​റി​യു​ന്ന മാ​ന​സി​ക ആ​സ്വാ​സ്ഥ്യ​മു​ള്ള​വ​ർ, കോ​ട്ട​ൺ മാ​ത്രം പു​ത​ച്ചു കൊ​ണ്ടു പോ​കേ​ണ്ടി വ​രു​ന്ന തീ ​പൊ​ള്ള​ലെ​ട്ട​വ​ർ, ഇ ​സി ജി ​ലീ​ഡ് ക​ണ​ക്ട് ചെ​യ്തി​ട്ടു​ള്ള​തി​നാ​ൽ മാ​റി​ടം

വെ​ളി​വാ​കു​ന്ന രീ​തി​യി​ൽ പോ​കു​ന്ന ഹൃ​ദ്രോ​ഗി​ക​ൾ തു​ട​ങ്ങി ആം​ബു​ല​ൻ​സി​ൽ രോ​ഗി​ക​ളു​ടെ ന​ഗ്ന​ത വെ​ളി​വാ​കു​ന്ന സാ​ഹ​ച​ര്യ​മാ​ണ് ആം​ബു​ല​ൻ​സു​ക​ളി​ൽ ഉ​ള്ള​ത്.​ആ​യ​തി​നാ​ൽ ആം​ബു​ല​ൻ​സു​ക​ളി​ൽ ക​ർ​ട്ട​ൻ, കൂ​ളി​ങ് ഫി​ലി​മു​ക​ൾ നി​രോ​ധി​ക്കു​ന്ന​ത് ഒ​രു കൂ​ട്ടം രോ​ഗി​ക​ളു​ടെ സ്വ​കാ​ര്യ​ത​യെ കാ​ഴ്ച വ​സ്തു​ക്ക​ളാ​കു​ന്ന സാ​ഹ​ച​ര്യ​മു​ണ്ടാ​ക്കും.

പ്രത്യേക പരിഗണന വേണമെന്ന്
ര​ണ്ടും മൂ​ന്നും ആ​ഴ്ച​ക​ൾ പ​ഴ​ക്ക​മു​ള്ള മൃ​ത​ശ​രീ​ര​ങ്ങ​ൾ പോ​സ്റ്റു​മാ​ർ​ട്ടം ചെ​യ്യാ​നാ​യി കൊ​ണ്ടു പോ​കു​മ്പോ​ൾ പൊ​തു​ജ​ന​ങ്ങ​ളി​ൽ അ​റ​പ്പും വെ​റു​പ്പും ഉ​ണ്ടാ​കു​ക​യും ഭ​യം ഉ​ള​വാ​ക്കു​ക​യും ചെ​യ്യും.

എ​ന്നാ​ൽ ഇ​ത്ത​രം സാ​ഹ​ച​ര്യം ദു​രു​പ​യോ​ഗം ചെ​യ്യു​ന്ന ആം​ബു​ല​ൻ​സ് ഡ്രൈ​വ​ർ​മാ​രെ ക​ണ്ടെ​ത്താ​ൻ ഏ​ത് സ​മ​യ​വും, നി​യ​മ​നു​സൃ​ത പ​രി​ശോ​ധ​ന ന​ട​ത്താ​നും, പ​രി​ശോ​ധി​ക്കാ​നും ആം​ബു​ല​ൻ​സ് ഓ​ണ​ർ​സ് അ​സോ​സി​യേ​ഷ​ൻ എ​തി​ര​ല്ല.​

രോ​ഗി​ക​ളു​ടെ സ്വ​കാ​ര്യ​ത ചോ​ദ്യം ചെ​യ്യ​പ്പെ​ടു​ന്ന നി​യ​മ​ത്തി​ൽ മാ​റ്റം വ​രു​ത്തി ആം​ബു​ല​ൻ​സു​ക​ളെ പ്ര​ത്യേ​ക കാ​റ്റ​ഗ​റി​യി​ൽ ഉ​ൾ​പ്പെ​ടു​ത്ത​ണ​മെ​ന്നും ആം​ബു​ല​ൻ​സ് ഓ​ണ​ർ​സ് ആ​ൻ​ഡ് ഡ്രൈ​വേ​ഴ്സ് അ​സോ​സി​യേ​ഷ​ൻ ആ​ല​പ്പു​ഴ ജി​ല്ലാ പ്ര​സി​ഡ​ന്‍റ് ബി​ജു പോ​ളും ജി​ല്ലാ സെ​ക്ര​ട്ട​റി ശ്യാം ​പ​ള്ളി​പ്പാ​ടും പ​ത്രസ​മ്മേ​ള​ന​ത്തി​ൽ ആ​വ​ശ്യ​പ്പെ​ട്ടു.

 

 

Related posts

Leave a Comment