പാ​യി​പ്പാ​ട് അ​തി​ഥി തൊ​ഴി​ലാ​ളി​ക​ൾ സം​ഘ​ടി​ച്ച സം​ഭ​വം; കൂടുതൽ അറസ്റ്റിന് സാധ്യത


ച​ങ്ങ​നാ​ശേ​രി: പാ​യി​പ്പാ​ട് അ​തി​ഥി തൊ​ഴി​ലാ​ളി​ക​ൾ സം​ഘ​ടി​ച്ച സം​ഭ​വ​ത്തി​ലെ ഗൂ​ഢാ​ലോ​ച​ന പു​റ​ത്തു​കൊ​ണ്ടു​വ​രാ​ൻ പോ​ലീ​സി​ലെ പ്ര​ത്യേ​ക സം​ഘം അ​ന്വേ​ഷ​ണം ഉൗ​ർ​ജി​ത​മാ​ക്കി. പ്ര​ത്യേ​ക സം​ഘ​ത്തി​ന്‍റെ ആ​ദ്യ യോ​ഗം ഇ​ന്ന​ലെ ച​ങ്ങ​നാ​ശേ​രി ഡി​വൈ​എ​സ്പി ഓ​ഫീ​സി​ൽ ചേ​ർ​ന്നു. ഇ​തു​വ​രെ​യു​ള്ള സ്ഥി​തി​ഗ​തി​ക​ൾ വി​ല​യി​രു​ത്തി.

സാ​വ​ധാ​നം കൂ​ടു​ത​ൽ പേ​രെ ചോ​ദ്യം ചെ​യ്ത് അ​റ​സ്റ്റ് രേ​ഖ​പ്പെ​ടു​ത്താ​നു​ള്ള സാ​ധ്യ​ത​യു​ണ്ട്. ഇ​തേ​സ​മ​യം ച​ങ്ങ​നാ​ശേ​രി ത​ഹ​സി​ൽ​ദാ​ർ ജി​നു പൂ​ന്നൂ​സി​ന്‍റെ നേ​തൃ​ത്വ​ത്തി​ൽ വി​വി​ധ ക്യാ​ന്പു​ക​ളി​ൽ ക​ഴി​യു​ന്ന അ​തി​ഥി തൊ​ഴി​ലാ​ളി​ക​ളു​ടെ ഫോ​ണ്‍ ന​ന്പ​ർ, ആ​ധാ​ർ ന​ന്പ​ർ ഉ​ൾ​പ്പെ​ടെ​യു​ള്ള വി​വ​ര​ങ്ങ​ളും ശേ​ഖ​രി​ച്ചു.

100 ക്യാ​ന്പു​ക​ളി​ലാ​യി നാ​ലാ​യി​രം പേ​ർ പാ​യി​പ്പാ​ട്് ഉ​ണ്ടെ​ന്ന് ത​ഹ​സി​ൽ​ദാ​ർ അ​റി​യി​ച്ചു. നാ​ല് വി​ല്ലേ​ജ് ഓ​ഫീ​സ​ർ​മാ​രു​ടെ സ​ഹ​ക​ര​ണ​ത്തോ​ടെ​ നടന്ന ക​ണ​ക്കെ​ടു​പ്പ് ഇ​ന്ന​ലെ രാ​ത്രി 11നാണ്​ പൂ​ർ​ത്തി​ക​രി​ച്ച​ത്.അ​തി​ഥി തൊ​ഴി​ലാ​ളി​ക​ൾ​ക്കു​ള്ള ആ​ഹാ​രാ സാ​ധ​ന​ങ്ങ​ൾ ഇ​ന്നു രാ​വി​ലെ എ​ത്തി​ച്ചേ​ർ​ന്നു.

അ​രി, സ​വോ​ള, ഉ​രു​ള​ക്കി​ഴ​ങ്ങ് എ​ന്നി​വ ഉ​ൾ​പ്പെ​ടു​ന്ന ഹോ​ർ​ട്ടികോ​ർ​പ്പി​ൽ നി​ന്നു​ള്ള ഒ​രു ലോ​ഡ് സാ​ധ​ന​ങ്ങ​ളും സ്പോ​ണ്‍​സ​ർ​ഷി​പ്പി​ലു​ടെ ല​ഭി​ച്ച സാ​ധ​ന​ങ്ങ​ളു​മാ​ണ് രാ​വി​ലെ പാ​യി​പ്പാ​ട് എ​ത്തി​ച്ചേ​ർ​ന്ന​ത്. ഇ​തു ക്യാ​ന്പു​ക​ളി​ൽ എ​ത്തി​ക്കു​ന്ന ജോ​ലി​ക​ൾ ന​ട​ക്കു​ക​യാ​ണ്. സ​ർ​ക്കാ​ർ അ​നു​വ​ദി​ച്ച അ​ഞ്ച് ട​ണ്‍ അ​രി ഇ​ന്നോ നാ​ളെ​യോ എ​ത്തി​ച്ചേ​രും.

അ​തേ​സ​മ​യം ഇ​ന്ന​ലെ പാ​യി​പ്പാ​ട്ടെ അ​തി​ഥി തൊ​ഴി​ലാ​ളി​ക​ൾ താ​മ​സി​ക്കു​ന്ന ക്യാ​ന്പു​ക​ൾ ക്രൈം​ബ്രാ​ഞ്ച് ഐ​ജി എ​സ്. ശ്രീ​ജി​ത്ത് സ​ന്ദ​ർ​ശി​ച്ചു. തൊ​ഴി​ലാ​ളി​ക​ളെ ഉ​ട​മ​ക​ൾ​ക്ക് നി​യ​ന്ത്രി​ക്കാ​ൻ സാ​ധി​ക്കാ​തെ വ​ന്നാ​ൽ പോ​ലീ​സി​നെ വി​വ​രം അ​റി​യി​ക്ക​ണം. കോ​വി​ഡു​മാ​യി ബ​ന്ധ​പ്പെ​ട്ട പ്ര​തി​സ​ന്ധി പ​രി​ഹ​രി​ക്കു​ന്ന​തു​വ​രെ വാ​ട​ക​യോ മ​റ്റു​ചെ​ല​വു​ക​ളോ ഇ​വ​രി​ൽ​നി​ന്ന് ഈ​ടാ​ക്ക​രു​തെ​ന്നും ഐ​ജി നി​ർ​ദേ​ശം ന​ൽ​കി.

യാ​ത്ര അ​നു​വ​ദി​ക്കി​ല്ലെ​ന്ന കാ​ര്യം ഹോം​ഗാ​ർ​ഡി​ന്‍റെ സ​ഹാ​യ​ത്തോ​ടെ മ​ന​സി​ലാ​കു​ന്ന ഭാ​ഷ​യി​ൽ തൊ​ഴി​ലാ​ളി​ക​ളെ ബോ​ധ്യ​പ്പെ​ടു​ത്ത​ണ​മെ​ന്നും ഐ​ജി ശ്രീ​ജി​ത് നി​ർ​ദേ​ശി​ച്ചു. ജി​ല്ലാ പോ​ലീ​സ് ചീ​ഫ് ജി. ​ജ​യ്ദേ​വ്, ച​ങ്ങ​നാ​ശേ​രി ഡി​വൈ​എ​സ്പി എ​സ്. സു​രേ​ഷ്കു​മാ​ർ, തൃ​ക്കൊ​ടി​ത്താ​നം സി​ഐ സാ​ജു വ​ർ​ഗീ​സ് എ​ന്നി​വ​രും ഐ​ജി​ക്ക് ഒ​പ്പ​മു​ണ്ടാ​യി​രു​ന്നു.

Related posts

Leave a Comment