ന​ന്മ ചെ​യ്താ​ലും വ്യാ​ജ​പ​രാ​തി; തെ​ല്ലും കു​ലു​ങ്ങാ​തെ പ​ള്ളി​ക്ക​രയിലെ വ്യാ​പാ​രി​ക​ൾ ; ആരോപണങ്ങൾക്ക് പിന്നിലെ കാരണങ്ങൾ ഇങ്ങനെ…

പ​ള്ളി​ക്ക​ര: പ​ഞ്ചാ​യ​ത്തി​ന്‍റെ അ​നു​മ​തി​യോ​ടെ ഒ​ന്ന​ര ല​ക്ഷം രൂ​പ​യോ​ളം ചെ​ല​വു ചെ​യ്തു ഒ​രു മേ​ഖ​ല​യി​ലെ മാ​ലി​ന്യ​ങ്ങ​ളും ച​പ്പു​ച​വ​റു​ക​ളും നീ​ക്കം ചെ​യ്തു. ക്ലീ​നാ​ക്കി​യ പ​ള്ളി​ക്ക​ര മ​ർ​ച്ച​ന്‍റ്സ് അ​സോ​സി​യേ​ഷ​നെ​തി​രേ ന​ൽ​കി​യ പ​രാ​തി​ക്കു പി​ന്നി​ൽ വ്യാ​പാ​രി​ക​ളോ​ടു​ള്ള കു​ടി​പ്പ​ക​യെ​ന്ന ആ​രോ​പ​ണം ശ​ക്ത​മാ​കു​ന്നു.

കു​ന്ന​ത്തു​നാ​ട് പ​ഞ്ചാ​യ​ത്തി​ന്‍റെ അ​നു​മ​തി​യോ​ടെ എ​രു​മേ​ലി അ​ച്ച​പ്പ​ൻ ക​വ​ല മു​ത​ൽ അ​ന്പ​ല​പ്പ​ടി വ​രെ​യു​ള്ള റോ​ഡി​ന്‍റെ ഇ​രു​വ​ശ​ങ്ങ​ളി​ലു​മു​ള്ള കാ​ന​ക​ളി​ൾ കെ​ട്ടി​കി​ട​ന്ന മാ​ലി​ന്യ​ങ്ങ​ളും ച​പ്പു​ച​വ​റു​ക​ളും പ​ള്ളി​ക്ക​ര മ​ർ​ച്ച​ന്‍റ്സ് അ​സോ​സി​യേ​ഷ​ന്‍റെ​യും യൂ​ത്ത് വിം​ഗി​ന്‍റെ​യും നേ​തൃ​ത്വ​ത്തി​ൽ മു​പ്പ​തോ​ളം വ​രു​ന്ന സ​ന്ന​ദ്ധ പ്ര​വ​ർ​ത്ത​ക​ർ ജെ​സിബി​യു​ടെ സ​ഹാ​യ​ത്തോ​ടെ ഒ​ന്ന​ര​ല​ക്ഷ​ത്തി​ൽ​പ​രം രൂ​പ ചെ​ല​വ​ഴി​ച്ചാ​ണ് വൃ​ത്തി​യാ​ക്കി​യ​ത്.

എ​ന്നാ​ൽ മ​ണ്ണു​മോ​ഷ​ണം ആ​രോ​പി​ച്ചു പ​ള്ളി​ക്ക​ര മ​ർ​ച്ച​ന്‍റ്സ് അ​സോ​സി​യേ​ഷ​ൻ പ്ര​സി​ഡ​ന്‍റ് സി.​ജി. ബാ​ബു, യൂ​ത്ത് വിം​ഗ് ജി​ല്ലാ പ്ര​സി​ഡ​ന്‍റ് ടോ​ജി തോ​മ​സ് എ​ന്നി​വ​ർ​ക്കെ​തി​രേ ചി​ല​ർ പ​രാ​തി ന​ൽ​കി​യി​രി​ക്കു​ക​യാ​ണ്.

ഹ​ർ​ത്താ​ലി​നെ​തി​രേ ശ​ക്ത​മാ​യ നി​ല​പാ​ട് സ്വീ​ക​രി​ച്ച വ്യാ​പാ​രി​ക​ളെ താ​റ​ടി​ച്ചു കാ​ണി​ക്കാ​നു​ള്ള നീ​ക്ക​മാ​ണ് ഇ​തി​നു പി​ന്നി​ലു​ള്ള​തെ​ന്നു വ്യാ​പാ​രി​ക​ളും നാ​ട്ടു​കാ​രും വ്യ​ക്ത​മാ​ക്കു​ന്നു. എ​ന്നാ​ൽ ഇ​തി​ലൊ​ന്നും തെ​ല്ലു കു​ലു​ങ്ങി​ല്ലെ​ന്നും പ്ര​വ​ർ​ത്ത​ന​ങ്ങ​ളു​മാ​യി ഒ​റ്റ​ക്കെ​ട്ടാ​യി മു​ന്നോ​ട്ടു പോ​കു​മെ​ന്നും വ്യാ​പാ​രി​ക​ൾ വ്യ​ക്ത​മാ​ക്കി ക​ഴി​ഞ്ഞു.

ചി​ല​രെ ചൊ​ടി​പ്പി​ച്ച ചി​ല നന്മ ​പ്ര​വ​ർ​ത്ത​ന​ങ്ങ​ൾ വ്യാ​പാ​രി​ക​ൾ പ​ള്ളി​ക്ക​ര മേ​ഖ​ല​യി​ൽ ചെ​യ്തി​രു​ന്നു. അ​തി​ൽ ഏ​റ്റ​വും പ്ര​ധാ​ന​പ്പെ​ട്ട​താ​യി​രു​ന്നു ഹ​ർ​ത്താ​ലി​നെ​തി​രേ​യു​ള്ള കാ​ന്പ​യി​ൻ. ജ​ന​ങ്ങ​ളെ​യാ​കെ വ​ല​ച്ചു അ​ടി​ക്ക​ടി ഉ​ണ്ടാ​യി​ക്കൊ​ണ്ടി​രു​ന്ന ഹ​ർ​ത്താ​ലു​ക​ൾ​ക്കെ​തി​രേ അ​സോ​സി​യേ​ഷ​ന്‍റെ നേ​തൃ​ത്വ​ത്തി​ൽ ഗു​ഡ് ബൈ ​ഹ​ർ​ത്താ​ൽ കാ​ന്പ​യി​ൻ സം​ഘ​ടി​പ്പി​ച്ചു.

ക​ഴി​ഞ്ഞ മൂ​ന്നു വ​ർ​ഷ​ത്തി​ലേ​റെ​യാ​യി അ​സോ​സി​യേ​ഷ​ൻ അം​ഗ​ങ്ങ​ളു​ടെ എ​ല്ലാ സ്ഥാ​പ​ന​ങ്ങ​ളും ഹ​ർ​ത്താ​ൽ ദി​ന​ത്തി​ൽ തു​റ​ന്നു പ്ര​വ​ർ​ത്തി​ക്കു​ക​യും ചെ​യ്യുന്നുണ്ട്. ​

പ​ള്ളി​ക്ക​ര മ​ർ​ച്ച​ന്‍റ്സ് അ​സോ​സി​യേ​ഷ​നെ​യും നേ​താ​ക്ക​ളെ​യും അ​പ​കീ​ർ​ത്തി​പ്പെ​ടു​ത്താനും ക​ള്ള​ക്കേ​സി​ൽ​പ്പെ​ടു​ത്താ​നും ഇ​റ​ങ്ങി​യി​രി​ക്കു​ന്ന​ത് ഹ​ർ​ത്ത​ൽ ദി​ന​ത്തി​ൽ അ​സോ​സി​യേ​ഷ​ൻ അം​ഗ​ങ്ങ​ളെ ആ​ക്ര​മി​ച്ച കേ​സി​ലെ പ്ര​തി​ക​ളും അ​വ​രു​ടെ കൂ​ട്ടാ​ളി​ക​ളു​മാ​ണെ​ന്നും​വ്യാ​പാ​രി​ക​ൾ വ്യ​ക്ത​മാ​ക്കു​ന്നു.

കാ​ൽ നൂ​റ്റാ​ണ്ടി​ലേ​റെ​യാ​യി പ​ള്ളി​ക്ക​ര​യി​ൽ ഒ​ട്ടേ​റെ സാ​മൂ​ഹ്യ സു​ര​ക്ഷാ പ്ര​വ​ർ​ത്ത​ന​ങ്ങ​ൾ ന​ട​ത്തി വ​രു​ന്ന സം​ഘ​ട​ന​യാ​ണ് പ​ള്ളി​ക്ക​ര മ​ർ​ച്ച​ന്‍റ്സ് അ​സോ​സി​യേ​ഷ​നെ​ന്നും വ്യാ​പാ​രി​ക​ൾ പ​റ​യു​ന്നു. പൊ​തു​ജ​ന​ങ്ങ​ൾ​ക്കു ഗു​ണപ്ര​ദ​മാ​യ രീ​തി​യി​ൽ പ​ള്ളി​ക്ക​ര ടൗ​ണ്‍ മു​ഴു​വ​ൻ നി​രീ​ക്ഷ​ണ കാ​മ​റ​ക​ൾ സ്ഥാ​പി​ക്കു​ക​യും,

2018-19 കാ​ല​യ​ള​വി​ലെ പ്ര​ള​യ​ത്തി​ൽ വീ​ടും ക​ട​ക​ളും ന​ഷ്ട​പ്പെ​ട്ടു പോ​യ പ​റ​വൂ​ർ, നെ​ടു​ന്പാ​ശേ​രി മേ​ഖ​ല​ക​ളി​ലെ അ​ന്പ​തോ​ളം വ​രു​ന്ന വ്യാ​പാ​രി​ക​ൾ​ക്കു പു​ന​ര​ധി​വാ​സം ന​ൽ​കു​ക​യും പ​ള്ളി​ക്ക​ര​യി​ൽ എ​ത്തു​ന്ന ആ​രും പ​ണ​മി​ല്ലാ​ത്ത​തി​ന്‍റെ പേ​രി​ൽ വി​ശ​ന്നി​രി​ക്ക​രു​തെ​ന്ന ഉ​ദ്ദേ​ശ​ത്തോ​ടെ നി​റ​വ് എ​ന്ന സൗ​ജ​ന്യ ഉ​ച്ച​ഭ​ക്ഷ​ണ പ​ദ്ധ​തി അ​സോ​സി​യേ​ഷ​ന്‍റെ സാ​ധു​സ​ഹാ​യ നി​ധി​യു​ടെ ഭാ​ഗ​മാ​യി ന​ട​പ്പാ​ക്കി വ​രു​ന്നു​ണ്ട്.

അ​വ​ശ​രും നി​ർ​ധ​ന​രു​മാ​യി​ട്ടു​ള്ള ആ​ളു​ക​ൾ​ക്ക് പ്ര​തി​മാ​സ പെ​ൻ​ഷ​ൻ, അ​ർ​ഹ​രാ​യ രോ​ഗി​ക​ൾ​ക്കു ചി​കി​ത്സാ​സ​ഹാ​യം, പാ​വ​പ്പെ​ട്ട വി​ദ്യാ​ർ​ത്ഥി​ക​ൾ​ക്കു പ​ഠ​ന​സ​ഹാ​യം, അ​വ​രെ ദ​ത്തെ​ടു​ക്ക​ൽ, സൗ​ജ​ന്യ പി​എ​സ്‌​സി കോ​ച്ചിം​ഗ് ക്ലാ​സ് എ​ന്നി​വ​യും പ​ള്ളി​ക്ക​ര വ്യാ​പാ​രി​ക​ളു​ടെ പ്ര​വ​ർ​ത്ത​ന​മേ​ഖ​ല​യി​ൽ ഉ​ൾ​പ്പെ​ട്ട​താ​ണ്.

ഇ​ത്ത​ര​ത്തി​ലു​ള്ള മി​ക​ച്ച പ്ര​വ​ർ​ത്ത​ന​ങ്ങ​ൾ​ക്ക് അം​ഗീ​കാ​ര​മാ​യി എ​റ​ണാ​കു​ളം ജി​ല്ല​യി​ലെ ഏ​റ്റ​വും ന​ല്ല യൂ​ണി​റ്റാ​യി പ​ള്ളി​ക്ക​ര മ​ർ​ച്ച​ന്‍റ്സ് അ​സോ​സി​യേ​ഷ​ൻ തെ​ര​ഞ്ഞെ​ടു​ക്ക​പ്പെ​ടു​ക​യും ചെ​യ്തി​ട്ടു​ണ്ട്.

ഇ​ത്ത​രം പ്ര​വ​ർ​ത്ത​ന​ങ്ങ​ളു​മാ​യി മു​ന്നോ​ട്ടു പോ​കു​ന്ന വ്യാ​പാ​രി നേ​താ​ക്ക​ളെ​യും വ്യാ​പാ​ര​മേ​ഖ​ല​യേ​യും ത​ക​ർ​ക്കാ​നു​ള്ള നീ​ക്ക​മാ​ണ് ഇ​പ്പോ​ൾ ന​ട​ക്കു​ന്ന​തെ​ന്നും ജ​ന​റ​ൽ സെ​ക്ര​ട്ട​റി എ​ൻ.​പി. ജോ​യി പ​റ​ഞ്ഞു.