കുളിമുറി ദൃശ്യങ്ങൾ കൈയിലുണ്ടെന്നു ഭീഷണിപ്പെടുത്തി 17കാ​രി​യെ പീ​ഡി​പ്പി​ച്ച​ സം​ഭ​വം; കൂ​ടു​ത​ൽ​പേ​ർ കു​ടു​ങ്ങും

കൊ​ല്ലം: പ്രാ​യ​പൂ​ർ​ത്തി​യാ​കാ​ത്ത പെ​ൺ​കു​ട്ടി​യെ കു​ളി​മു​റി ദൃ​ശ്യ​ങ്ങ​ൾ കൈ​യി​ലു​ണ്ടെ​ന്ന് ഭീ​ഷ​ണി​പ്പെ​ടു​ത്തി പീ​ഡി​പ്പി​ച്ച കേ​സി​ൽ കൂ​ടു​ത​ൽപേർ കു​ടു​ങ്ങു​മെ​ന്ന് അ​ഞ്ചാ​ലും​മൂ​ട് പോ​ലീ​സ് പ​റ​ഞ്ഞു. സം​ഭ​വ​വു​മാ​യി ബ​ന്ധ​പ്പെ​ട്ട് ഏ​ഴു​പേ​രാ​ണ് പി​ടി​യി​ലാ​യ​ത്. ഇ​വ​രെ കോ​ട​തി​യി​ൽ ഹാ​ജ​രാ​ക്കി​യി​രു​ന്നു. പെ​ൺ​കു​ട്ടി​യു​ടെ അ​ടു​ത്ത ബ​ന്ധു​വാ​യ സ്ത്രീ​യും ക​രു​നാ​ഗ​പ്പ​ള്ളി ലോ​ഡ്ജ് ന​ട​ത്തി​പ്പു​കാ​ര​നു​മാ​ണ് ആ​ദ്യം പി​ടി​യി​ലാ​യ​ത്.

ഹോം​സ്റ്റേ​ന​ട​ത്തു​ന്ന ഷി​ജു, തി​രു​വ​ന​ന്ത​പു​രം സ്വ​ദേ​ശി​നി മി​നി എ​ന്നി​വ​രെ കൂ​ടാ​തെ പെ​ൺ​കു​ട്ടി​യു​ടെ ബ​ന്ധു​വാ​യ മ​റ്റൊ​രു സ്ത്രീ​യു​മാ​ണ് ഏ​റ്റ​വും ഒ​ടു​വി​ൽ പി​ടി​യി​ലാ​യ​ത്. കു​ട്ടി​യെ പ​ല​ത​വ​ണ ഹോം ​സ്റ്റേ​യി​ലും ക​രു​നാ​ഗ​പ്പ​ള്ളി​യി​ലെ ലോ​ഡ്ജി​ലും കൊ​ണ്ടു​വ​ന്ന് പീ​ഡി​പ്പി​ച്ചി​രു​ന്ന​താ​യി പോ​ലീ​സി​ന് വി​വ​രം ല​ഭി​ച്ചി​രു​ന്നു. പെ​ൺ​വാ​ണി​ഭ സം​ഘ​ത്തി​ന്‍റെ ക​ണ്ണി​ക​ളാ​ണ് പി​ടി​യി​ലാ​യ​വ​രി​ൽ പ​ല​രും.

പ​തി​നേ​ഴു​കാ​രി​യെ ക​ഴി​ഞ്ഞ പ​ത്തി​ന് കാ​ണാ​താ​യെ​ന്ന അ​മ്മ​യു​ടെ പ​രാ​തി​യി​ൽ അ​ഞ്ചാ​ലും​മൂ​ട് പോ​ലീ​സ് കേ​സെ​ടു​ത്തി​രു​ന്നു. അ​ന്ന് ഉ​ച്ച​യോ​ടെ പെ​ൺ​കു​ട്ടി വീ​ട്ടി​ൽ തി​രി​ച്ചെ​ത്തി. തു​ട​ർ​ന്ന് അ​മ്മ പെ​ൺ​കു​ട്ടി​യെ പോ​ലീ​സ് സ്റ്റേ​ഷ​നി​ൽ ഹാ​ജ​രാ​ക്കി. പെ​ൺ​കു​ട്ടി​യെ വൈ​ദ്യ​പ​രി​ശോ​ധ​ന​യ്ക്ക് വി​ധേ​യ​മാ​ക്കി​യ​പ്പോ​ഴാ​ണ് പീ​ഡ​ന​ത്തി​നി​ര​യാ​യ​താ​യി ക​ണ്ട​ത്. കോ​ട​തി​യി​ൽ ഹാ​ജ​രാ​ക്കി​യെ​ങ്കി​ലും കു​ട്ടി​യെ ഏ​റ്റെ​ടു​ക്കാ​ൻ മാ​താ​വ് വ​ന്നി​ല്ല.

കോ​ട​തി നി​ർ​ദേ​ശ​പ്ര​കാ​രം കു​ട്ടി​യെ കൊ​ട്ടി​യ​ത്തെ അ​ഭ​യ​കേ​ന്ദ്ര​ത്തി​ലാ​ക്കി. അ​വി​ടെ അ​മ്മ കാ​ണാ​നെ​ത്തി​യ​പ്പോ​ഴാ​ണ് ത​ന്നെ ഭീ​ഷ​ണി​പ്പെ​ടു​ത്തി മാ​സ​ങ്ങ​ളാ​യി പ​ല​സ്ഥ​ല​ങ്ങ​ളി​ലും കൊ​ണ്ടു​പോ​യി പീ​ഡി​പ്പി​ച്ചി​രു​ന്ന​താ​യി പെ​ൺ​കു​ട്ടി വെ​ളി​പ്പെ​ടു​ത്തി​യ​ത്. കു​ളി​മു​റി ദൃ​ശ്യ​ങ്ങ​ൾ കൈ​യി​ലു​ണ്ടെ​ന്ന് പ​റ​ഞ്ഞ ബ​ന്ധു​വാ​യ സ​ത്രീ ഭീ​ഷ​ണി​പ്പെ​ടു​ത്തി കൊ​ണ്ടു​പോ​യ​താ​യാ​ണ് മൊ​ഴി.