ഇ​ത്ര​യും ഭം​ഗി​യി​ല്ലാ​ത്ത ഒ​രു കെ​ട്ടി​ടം താ​ൻ ക​ണ്ടി​ട്ടി​ല്ല; 37 ലക്ഷം നൽകിയതിൽ കരാറുകാരൻ  12 ലക്ഷം തട്ടി; പി.​കെ.​മെ​മ്മോ​റി​യ​ൽ ഗ്ര​ന്ഥ​ശാ​ലായുടെ ഉദ്ഘാന വേദിയിൽ അ​ഴി​മ​തി​യാ​രോ​പ​ണ​വു​മാ​യി മ​ന്ത്രി ജി.​സു​ധാ​ക​ര​ൻ

അ​ന്പ​ല​പ്പു​ഴ: ഗ്ര​ന്ഥ​ശാ​ലാ കെ​ട്ടി​ട​നി​ർ​മാ​ണ​ത്തി​ൽ അ​ഴി​മ​തി​യാ​രോ​പ​ണ​വു​മാ​യി മ​ന്ത്രി ജി.​സു​ധാ​ക​ര​ൻ. അ​ന്പ​ല​പ്പു​ഴ പി.​കെ.​മെ​മ്മോ​റി​യ​ൽ ഗ്ര​ന്ഥ​ശാ​ല​ക്ക് ത​ന്‍റെ ആ​സ്തി വി​ക​സ​ന ഫ​ണ്ടി​ൽ നി​ന്ന് 37 ല​ക്ഷം രൂ​പാ ചെ​ല​വ​ഴി​ച്ചു നി​ർ​മി​ച്ച കെ​ട്ടി​ട​ത്തി​ന്‍റെ ഉ​ദ്ഘാ​ട​ന വേ​ദി​യി​ലാ​ണ് മ​ന്ത്രി ഈ ​ആ​രോ​പ​ണ​മു​ന്ന​യി​ച്ച​ത്. കെ​ട്ടി​ട​ത്തി​ന്‍റെ നി​ർ​മാ​ണ​ത്തി​ൽ കു​റ​ഞ്ഞ​ത് 12 ല​ക്ഷം രൂ​പ​യെ​ങ്കി​ലും ക​രാ​റു​കാ​ര​ൻ അ​ടി​ച്ചെ​ടു​ത്തു​വെ​ന്ന് മ​ന്ത്രി ആ​രോ​പി​ച്ചു.

ഗ​വ​ണ്‍​മെ​ന്‍റു​മാ​യി ക​രാ​റു​ണ്ടാ​ക്കി​യ ആ​ള​ല്ല കെ​ട്ടി​ടം നി​ർ​മി​ച്ചി​രി​ക്കു​ന്ന​ത്. ക​രാ​റു​കാ​ര​ൻ മ​റി​ച്ചു​വി​ൽ​ക്കു​ക​യാ​യി​രു​ന്നു. ഇ​ങ്ങ​നെ മ​റി​ച്ചു​വി​ൽ​ക്കു​ന്ന​ത് ഗു​രു​ത​ര​മാ​യ തെ​റ്റാ​ണ്. ഇ​ങ്ങ​നെ മ​റി​ച്ചു​വി​റ്റ​യാ​ൾ​ക്ക് ക​രാ​റു​കാ​ര​നാ​യി തു​ട​രാ​ൻ അ​വ​കാ​ശ​മി​ല്ല. ഇ​യാ​ളു​ടെ ക​രാ​ർ റ​ദ്ദാ​ക്കാ​ൻ ന​ട​പ​ടി​യെ​ടു​ക്കും.​ഇ​യാ​ൾ ചെ​യ്യു​ന്ന റോ​ഡെ​ല്ലാം പൊ​ളി​യു​ക​യാ​ണ്. ഇ​ത്ര​യും ഭം​ഗി​യി​ല്ലാ​ത്ത ഒ​രു കെ​ട്ടി​ടം താ​ൻ ക​ണ്ടി​ട്ടി​ല്ല. ന​ല്ല രീ​തി​യി​ലു​ള്ള ക്ര​മ​ക്കേ​ടാ​ണ് ഇ​തി​ന്‍റെ നി​ർ​മാ​ണ​ത്തി​ൽ ന​ട​ന്ന​ത്.

ജി​ല്ലാ പ​ഞ്ചാ​യ​ത്ത് എ​ക്സി​ക്യു​ട്ടീ​വ് എ​ഞ്ചി​നീ​യ​ർ ഇ​തി​ന് മ​റു​പ​ടി പ​റ​യ​ണം. പ​രി​പാ​ടി​യി​ൽ ഓ​വ​ർ​സീ​യ​ർ റി​പ്പോ​ർ​ട്ട് വാ​യി​ച്ച​ത് ശു​ദ്ധ തോ​ന്ന്യാ​സ​മാ​ണ്. കെ​ട്ടി​ട നി​ർ​മാ​ണ​ത്തെ​ക്കു​റി​ച്ച് ത​ന്നോ​ടാ​രും പ​റ​ഞ്ഞി​ട്ടി​ല്ല. ഗ്രാ​മ പ​ഞ്ചാ​യ​ത്ത് പ്ര​സി​ഡ​ന്‍റ് ജി.​വേ​ണു ലാ​ൽ അ​ധ്യ​ക്ഷ​ത വ​ഹി​ച്ചു. ബ്ലോ​ക്ക് പ​ഞ്ചാ​യ​ത്ത് പ്ര​സി​ഡ​ന്‍റ് പ്ര​ജി​ത്ത് കാ​രി​ക്ക​ൽ മു​ഖ്യ പ്ര​ഭാ​ഷ​ണം ന​ട​ത്തി.

പ​ഞ്ചാ​യ​ത്ത് വൈ​സ് പ്ര​സി​ഡ​ന്‍റ് ശ്രീ​ജാ ര​തീ​ഷ്, അം​ഗം ആ​ർ.​ശ്രീ​കു​മാ​ർ , ബ്ലോ​ക്ക് പ​ഞ്ചാ​യ​ത്തം​ഗം ബി​ന്ദു ബൈ​ജു, കേ​ര​ള ഗ്ര​ന്ഥ​ശാ​ല സം​ഘം ജി​ല്ലാ സെ​ക്ര​ട്ട​റി മാ​ലൂ​ർ ശ്രീ​ധ​ര​ൻ, താ​ലൂ​ക്ക് സെ​ക്ര​ട്ട​റി സി.​കെ.​ര​തി​കു​മാ​ർ ,ഗ്ര​ന്ഥ​ശാ​ലാ പ്ര​സി​ഡ​ന്‍റ് എം.​നാ​ജ, സെ​ക്ര​ട്ട​റി എ​ൻ.​എ​സ്.​ഗോ​പാ​ല​കൃ​ഷ്ണ​ൻ, എ. ​ഓ​മ​ന​ക്കു​ട്ട​ൻ, സി.​രാ​ധാ​കൃ​ഷ്ണ​ൻ ,എ​ന്നി​വ​ർ പ്ര​സം​ഗി​ച്ചു.