സി​നി​മാ സ്റ്റൈ​ലി​ൽ മ​ണ​ൽ​വേ​ട്ട! അ​നു​കൂ​ലി​ച്ചും പ്ര​തി​കൂ​ലി​ച്ചും നാ​ട്ടു​കാ​ർ; മു​ക്കൂ​ട്ടു​ത​റയില്‍ നടന്ന സംഭവം ഇങ്ങനെ…

മു​ക്കൂ​ട്ടു​ത​റ: എ​രു​മേ​ലി പോ​ലീ​സ് എ​ത്തി​യ​ത് പി​ക്ക്അ​പ്പ് വാ​നി​ൽ. എ​സ്ഐ കൈ ​നീ​ട്ടി​യ​ത് ക​ണ്ട് നി​ർ​ത്താ​തെ പാ​ഞ്ഞ മ​ണ​ൽ​ലോ​റി ഒ​ടു​വി​ൽ ക​യ്യാ​ല​യി​ൽ ഇ​ടി​പ്പി​ച്ച് നി​ർ​ത്തി​യി​ട്ട് ഡ്രൈ​വ​ർ ഓ​ടി രക്ഷ​പ്പെ​ട്ടു.

ന​മ്പ​ർ പ്ലേ​റ്റ് ഇ​ല്ലാ​ത്ത ലോ​റി ക്രെയി​നി​ൽ വ​ലി​ച്ചു കെ​ട്ടി സ്റ്റേ​ഷ​നി​ൽ എ​ത്തി​ച്ച് പ​രി​ശോ​ധി​ച്ച​പ്പോ​ൾ വാ​ഹ​ന​ത്തി​ന് രേ​ഖ​ക​ളു​മി​ല്ല.

വ​ലി​യ ക​ള്ള​ക്ക​ട​ത്ത് പി​ടി​ക്കു​ന്ന രീ​തി​യി​ൽ അ​തി​രാ​വി​ലെ സി​നി​മാ സ്റ്റൈ​ലി​ൽ പോ​ലീ​സ് നട​ത്തി​യ മ​ണ​ൽവേ​ട്ട​യോ​ട് അ​നു​കൂ​ലി​ച്ചും പ്ര​തി​കൂ​ലി​ച്ചും നാ​ട്ടു​കാ​ർ.

പ്ര​ള​യം വി​ഴു​ങ്ങി​യ ന​ദി​ക​ളി​ൽ അ​പ​ക​ട​മാ​യി നി​റ​ഞ്ഞ മ​ണ​ൽ വാ​രാ​ൻ നി​യ​ന്ത്ര​ണ വി​ധേ​യ​മാ​യി നി​ശ്ചി​ത കാ​ല​ത്തേ​ക്ക് അ​നു​മ​തി ന​ൽ​കി​യാ​ൽ മ​ണ​ൽക്കൊ​ള്ള ന​ട​ക്കു​മോ​യെ​ന്ന് നാ​ട്ടു​കാ​ർ. ന​ദി​യെ ര​ക്ഷ​പ്പെ​ടു​ത്താ​നു​മാ​കും പ​ഞ്ചാ​യ​ത്തു​ക​ൾ​ക്ക് വ​രു​മാ​ന​വു​മാ​കും.

ക​ഴി​ഞ്ഞ ദി​വ​സം രാ​വി​ലെ ഇ​ട​ക​ട​ത്തി​യി​ലാ​ണ് എ​സ്ഐ ഷാ​ബു​മോ​ൻ ജോ​സ​ഫ്, സി​വി​ൽ പോ​ലീ​സ് ഓ​ഫീ​സ​ർ​മാ​രാ​യ ടൈ​റ്റ​സ്, ബെ​ന്നി എ​ന്നി​വ​ർ ഉ​ൾ​പ്പെ​ട്ട സം​ഘം മ​ഫ്തി വേ​ഷ​ത്തി​ൽ ചക്ക ക​യ​റ്റു​ന്ന പി​ക്ക്അ​പ്പ് വാ​നി​ൽ എ​ത്തി മ​ണ​ൽ ക​യ​റ്റി പാ​ഞ്ഞ ലോ​റി പി​ന്തു​ട​ർ​ന്ന് പി​ടി​കൂ​ടി​യ​ത്.

എ​സ്ഐ കൈ ​നീ​ട്ടി​യ​ത് ക​ണ്ട് ലോ​റി പാ​ഞ്ഞു​പോ​കു​ക​യാ​യി​രു​ന്നു. പോ​ലീ​സ് പി​ന്തു​ട​ർ​ന്ന​പ്പോ​ൾ റോ​ഡ​രി​കി​ൽ ക​യ്യാ​ല​യി​ൽ ലോ​റി ഇ​ടി​പ്പി​ച്ച് നി​ർ​ത്തി ഡ്രൈ​വ​ർ ഓ​ടി ര​ക്ഷ​പ്പെ​ട്ടു.

ന​മ്പ​ർ പ്ലേ​റ്റ് ഇ​ല്ലാ​തി​രു​ന്ന ലോ​റി​യി​ൽ വാ​ഹ​ന രേ​ഖ​ക​ളും ഇ​ല്ലാ​യി​രു​ന്നു.

ന​ദി​യി​ൽ​നി​ന്നു മ​ണ​ൽ വാ​രി​യാ​ൽ പോ​ലീ​സി​ൽ അ​റി​യി​ക്കു​ന്ന​ത് പാ​റ​മ​ട ലോ​ബി​യാ​ണെ​ന്ന് ആ​ക്ഷേ​പ​വു​മു​ണ്ട്.

ക​ഴി​ഞ്ഞ​യി​ടെ എ​രു​മേ​ലി​യു​ടെ കി​ഴ​ക്ക​ൻ മേ​ഖ​ല​യി​ൽ നി​ന്നു മൂ​ന്ന് ലോ​ഡ് മ​ണ​ൽ പോ​ലീ​സ് പി​ടി​ച്ചെ​ടു​ത്തി​രു​ന്നു.

ക​ഴി​ഞ്ഞ ദി​വ​സം ഇ​ട​ക​ട​ത്തി ഭാ​ഗ​ത്തു നി​ന്നു ലോ​റി​യും മ​ണ​ൽ ലോ​ഡും ഡ്രൈ​വ​റും പി​ടി​യി​ലാ​യി​രു​ന്നു.

ഇ​തി​ന് പി​ന്നാ​ലെ​യാ​ണ് ഇ​ന്ന​ലെ ലോ​റി പി​ടി​കൂ​ടി​യ​ത്. രാ​ത്രി​യി​ലും പു​ല​ർ​ച്ചെ​യു​മാ​യി ര​ഹ​സ്യ കേ​ന്ദ്ര​ങ്ങ​ളി​ലേ​ക്ക് മാ​റി​യി​രി​ക്കു​ക​യാ​ണ് മ​ണ​ൽ വാ​ര​ൽ. ഒരു ലോ​ഡ് മ​ണ​ലി​ന് 15,000 രൂ​പ വ​രെ​യാ​യി വി​ല ഉ​യ​ർ​ന്നി​രി​ക്കു​ക​യാ​ണ്.

ന​ദി​ക​ളി​ൽ​നി​ന്നു വ​ൻ തോ​തി​ലു​ള്ള മ​ണ​ൽവാ​രൽ അ​നു​വ​ദി​ച്ചാ​ൽ പാ​റ​മ​ണ​ൽ വി​ൽ​പ്പ​ന ഗ​ണ്യ​മാ​യി കു​റ​യും. മ​ണ​ൽവാ​ര​ൽ നി​രോ​ധ​നം മൂ​ലം പാ​റ​മ​ണ​ലാ​ണ് പ്ര​ചാ​ര​ത്തി​ലാ​യ​ത്.

വ​ർ​ഷ​ങ്ങ​ളാ​യി പാ​റ​മ​ണ​ൽ വി​ൽ​പ്പ​ന​യി​ലൂ​ടെ വ​ൻ ലാ​ഭ​മാ​ണ് പാ​റ​മ​ട​ലോ​ബി നേ​ടി​ക്കൊ​ണ്ടി​രി​ക്കു​ന്ന​ത്. മ​ണ​ൽവാ​ര​ൽ നി​രോ​ധ​നം പി​ൻ​വ​ലി​ച്ചാ​ൽ പാ​റ​മ​ണ​ൽ വി​ൽ​പ്പ​ന​യി​ൽ വ​ൻ ഇ​ടി​വു​ണ്ടാ​കും.

ഈ ​സാ​ഹ​ച​ര്യം ഒ​ഴി​വാ​ക്കാ​ൻ വേ​ണ്ടി​യാ​ണ് വ​ർ​ഷ​ങ്ങ​ളാ​യി മ​ണ​ൽവാ​ര​ൽ നി​രോ​ധ​നം നി​ല​നി​ർ​ത്താ​നും ഇ​പ്പോ​ൾ ന​ദി​ക​ളി​ലെ മ​ണ​ൽ വാ​രു​ന്ന​വ​രെ കു​ടു​ക്കാ​നും പാ​റ​മ​ടലോ​ബി ശ​ക്ത​മാ​യി രം​ഗ​ത്തു​ള്ള​തെ​ന്ന് പ​റ​യു​ന്നു.

പ്ര​ള​യ​ത്തി​ന്‍റെ കെ​ടു​തി​ക​ളു​ടെ പ​ശ്ചാ​ത്ത​ല​ത്തി​ൽ ന​ദി​ക​ളി​ലെ മ​ണ​ൽ വാ​രു​ന്ന​തി​നാ​യി അ​നു​മ​തി ന​ൽ​കു​മെ​ന്ന് പ​റ​ഞ്ഞ സ​ർ​ക്കാ​ർ പി​ന്നെ ആ ​തീ​രു​മാ​നം ന​ട​പ്പി​ലാ​ക്കി​യി​ല്ല.

പ്ര​ഖ്യാ​പ​നം വി​ശ്വ​സി​ച്ച് മ​ണ​ൽ വാ​രാ​ൻ അ​നു​മ​തി തേ​ടി എ​രു​മേ​ലി പ​ഞ്ചാ​യ​ത്ത്‌ ര​ണ്ട് ത​വ​ണ​യാ​ണ് പ്ര​മേ​യം പാ​സാ​ക്കി സ​മ​ർ​പ്പി​ച്ച​ത്.

ഇ​ക്ക​ഴി​ഞ്ഞ പ്ര​ള​യ​ത്തി​ൽ അ​നി​യ​ന്ത്രി​ത​മാ​യാ​ണ് ന​ദി​ക​ളി​ൽ മ​ണ​ൽ കു​മി​ഞ്ഞ​ത്. ന​ദി​ക​ളെ ര​ക്ഷി​ക്കാ​ൻ മ​ണ​ൽവാ​ര​ൽ അ​നി​വാ​ര്യ​മാ​ണെ​ന്നും കു​മി​ഞ്ഞു​കൂ​ടി​യ മ​ണ​ൽ മാ​റ്റി​യി​ല്ലെ​ങ്കി​ൽ മ​ഴ ശ​ക്ത​മാ​കു​മ്പോ​ൾ പ്ര​ള​യം നേ​രി​ട്ടേ​ക്കാ​മെ​ന്നും അ​ഭി​പ്രാ​യ​ങ്ങ​ൾ ഉ​യ​ർ​ന്നി​രു​ന്നു.

വേ​ന​ലി​ലും നി​റ​യെ വെ​ള്ളം ഉ​ണ്ടാ​കു​മാ​യി​രു​ന്ന ക​യ​ങ്ങ​ളൊ​ക്കെ മ​ണ​ൽ കൂ​ന​യാ​യി മാ​റി അ​പ്ര​ത്യ​ക്ഷ​മാ​യി. മ​ത്സ്യ സ​മ്പ​ത്തും ചു​രു​ങ്ങി.

ഇ​പ്പോ​ൾ വേ​ന​ൽ മൂ​ലം വെ​ള്ളം വ​റ്റി​ത്തു​ട​ങ്ങി​യ​തി​നാ​ൽ മ​ണ​ൽ വാ​രാ​ൻ എ​ളു​പ്പ​വു​മാ​യി. മ​ണ​ൽ വാ​രി നീ​ക്കി​യാ​ൽ ന​ദി​യി​ലെ ജ​ലല​ഭ്യ​ത തി​രി​കെ വ​രു​മെ​ന്ന പ​രി​സ്ഥി​തി അ​നു​കൂ​ല വാ​ദ​ങ്ങ​ൾ ശ​ക്ത​മാ​യി ഉ​യ​ർ​ന്നി​ട്ടും ന​ട​പ​ടി​ക​ളി​ല്ല.