സം​സ്ഥാ​ന​ത്തെ 11 പോ​പ്പു​ല​ര്‍ ഫ്ര​ണ്ട് കേ​ന്ദ്ര​ങ്ങ​ളി​ല്‍ ഹ​വാ​ല പ​ണം തേടി ഇ​ഡി റെ​യ്ഡ്

കൊ​ച്ചി: കേ​ര​ള​ത്തി​ലേ​ക്ക് തീ​വ്ര​വാ​ദ പ്ര​വ​ര്‍​ത്ത​ന​ങ്ങ​ള്‍​ക്ക് ഹ​വാ​ല പ​ണംവ​ന്നു​വെ​ന്ന വിവരത്തിന്‍റെ അടിസ്ഥാനത്തിൽ വി​വി​ധ ജി​ല്ല​ക​ളി​ലെ 11 പോ​പ്പു​ല​ര്‍ ഫ്ര​ണ്ട് കേ​ന്ദ്ര​ങ്ങ​ളി​ല്‍ എ​ന്‍​ഫോ​ഴ്‌​സ്‌​മെ​ന്‍റ് ഡ​യ​റ​ക്ട​റേ​റ്റ് (ഇ​ഡി) റെയ്ഡ്.

എ​റ​ണാ​കു​ളം, തൃ​ശൂ​ര്‍, മ​ല​പ്പു​റം, വ​യ​നാ​ട് ജി​ല്ല​ക​ളി​ലാണ് കൊ​ച്ചി ഇ​ഡി ഓ​ഫീ​സി​ല്‍നി​ന്നു​ള്ള ഉ​ദ്യോ​ഗ​സ്ഥ​രു​ടെ നേ​തൃ​ത്വ​ത്തി​ലാ​ണ് ഇ​ന്നു രാ​വി​ലെ മു​ത​ല്‍ പ​രി​ശോ​ധ​ന ന​ട​ക്കു​ന്ന​ത്. മ​ല​പ്പു​റ​ത്ത് എ​ട്ടു കേ​ന്ദ്ര​ങ്ങ​ളി​ലും മ​റ്റു ജില്ലകളി​ലെ ഓ​രോ കേ​ന്ദ്ര​ങ്ങ​ളി​ലു​മാ​ണ് പ​രി​ശോ​ധ​ന ന​ട​ക്കു​ന്ന​ത്.

കൊ​ച്ചി കു​മ്പ​ള​ത്ത് പി​എ​ഫ്‌​ഐ മു​ന്‍ ജി​ല്ലാ പ്ര​സി​ഡ​ന്‍റ് ജ​മാ​ല്‍ മു​ഹ​മ്മ​ദ്, തൃ​ശ്ശൂ​ർ ചാ​വ​ക്കാ​ട് മു​ന​യ്ക്ക​ക​ട​വി​ല്‍ പോ​പ്പു​ല​ര്‍ ഫ്ര​ണ്ട് സംസ്ഥാന നേ​താ​വ് ല​ത്തീ​ഫ് പോ​ക്കാ​ക്കി​ല്ല​ത്ത്, മ​ല​പ്പു​റം അ​രീ​ക്കോ​ട് എ​സ്ഡി​പി​ഐ നേ​താ​വ് മൂ​ര്‍​ക്ക​നാ​ട്ട് നൂ​റു​ല്‍ അ​മീ​ൻ എ​ന്നി​വ​രു​ടെ വീ​ടു​ക​ളി​ല്‍ ഉ​ള്‍​പ്പെ​ടെ​യാ​ണ് റെ​യ്ഡ​ഡ് ന​ട​ക്കു​ന്ന​ത്.

മൂ​ര്‍​ക്ക​നാ​ട്ടെ സ്വ​കാ​ര്യ സ്‌​കൂ​ളി​ലെ അ​റ​ബി​ക് അ​ധ്യാ​പ​ക​നാ​ണ് നൂ​റു​ല്‍ അ​മീ​ന്‍. മ​ല​പ്പു​റം മ​ഞ്ചേ​രി കി​ഴ​ക്കേ​ത്ത​ല സ്വ​ദേ​ശി അ​ബ്ദു​ള്‍ ജ​ലീ​ല്‍, കാ​രാ​പ്പ​റ​മ്പ് സ്വ​ദേ​ശി ഹം​സ എ​ന്നി​വ​രു​ടെ വീ​ടു​ക​ളി​ലും പ​രി​ശോ​ധ​ന ന​ട​ക്കു​ന്നു​ണ്ട്.

250 ല​ധി​കം സി​ആ​ര്‍​പി​എ​ഫ് ഉ​ദ്യോ​ഗ​സ്ഥ​രാ​ണ് പ​രി​ശോ​ധ​ന​യ്ക്ക് സു​ര​ക്ഷ ഒ​രു​ക്കു​ന്ന​ത്. ഉ​ച്ച​യോ​ടെ പ​രി​ശോ​ധ​ന പൂ​ര്‍​ത്തി​യാ​കു​മെ​ന്നാ​ണ് വി​വ​രം.

കേ​ര​ള​ത്തി​ലേ​ക്ക് തീ​വ്ര​വാ​ദ പ്ര​വ​ര്‍​ത്ത​ന​ങ്ങ​ള്‍​ക്ക് ഖ​ത്ത​ര്‍ അ​ട​ക്ക​മു​ള്ള ഗ​ള്‍​ഫ് രാ​ജ്യ​ങ്ങ​ളി​ല്‍​നി​ന്നു ഹ​വാ​ല പ​ണം വ​ന്നു​വെ​ന്നാണ് ഇഡിക്കു ലഭിച്ച വിവരം.

ഈ പണം വെളുപ്പിച്ചെന്നും സൂചനയുണ്ട്. സംസ്ഥാനത്തെ പി​എ​ഫ്‌​ഐ സ്ലീ​പ്പ​ര്‍ സെ​ല്ലു​ക​ള്‍ സ​ജീ​വ​മാ​യി പ്ര​വ​ര്‍​ത്തി​ക്കു​ന്നു​ണ്ടെ​ന്ന വി​ല​യി​രു​ത്തലും ഇ​ഡി ഉ​ദ്യോ​ഗ​സ്ഥ​ ർക്കു​ണ്ട്. നേ​ര​ത്തെ എ​ന്‍​ഐ​എ അ​റ​സ്റ്റ് ചെ​യ്ത പ്ര​തി​ക​ളി​ല്‍​നി​ന്ന് ഇ​തുസം​ബ​ന്ധി​ച്ച് ഇ​ഡി​ക്ക് വി​വ​ര​ങ്ങ​ള്‍ ല​ഭി​ച്ചി​രു​ന്നു.

നി​ര​വ​ധി ട്ര​സ്റ്റു​ക​ളു​ടെ മ​റ​വി​ലാ​ണ് വി​ദേ​ശ​ത്തുനി​ന്നു പ​ണ​മെ​ത്തി​യ​തെ​ന്നും, അ​ത് ദേ​ശ​വി​രു​ദ്ധ പ്ര​വ​ര്‍​ത്ത​ന​ത്തി​ന് വി​നി​യോ​ഗി​ച്ചെ​ന്നു​മാ​ണ് എ​ന്‍​ഐ​എ​യു​ടെ​യും ഇ​ഡി​യു​ടെ​യും ക​ണ്ടെ​ത്ത​ല്‍.

മ​ല​പ്പു​റ​ത്ത് മ​ഞ്ചേ​രി, അ​രീ​ക്കോ​ട് അ​ട​ക്കം എ​ട്ടു കേ​ന്ദ്ര​ങ്ങ​ളി​ലാ​ണ് റെ​യ്ഡ് ന​ട​ക്കു​ന്ന​ത്. അ​രീ​ക്കോ​ട് എ​സ്ഡി​പി​ഐ നേ​താ​വ് നൂ​റു​ല്‍ അ​മീ​ന്‍റെ വീ​ട്ടി​ലും മ​ഞ്ചേ​രി​യി​ല്‍ കി​ഴ​ക്കേ​ത​ല സ്വ​ദേ​ശി അ​ബ്ദു​ള്‍ ജ​ലീ​ലി​ന്‍റെ​യും കാ​രാ​പ്പ​റ​മ്പ് സ്വ​ദേ​ശി ഹം​സ​യു​ടെ​യും വ​സ​തി​ക​ളി​ലും പ​രി​ശോ​ധ​ന ന​ട​ക്കു​ന്നു​ണ്ട്.

വ​യ​നാ​ട്ടി​ലെ മാ​ന​ന്ത​വാ​ടി​യി​ല്‍ പോ​പ്പു​ല​ര്‍ ഫ​ണ്ട് ഓ​ഫ് ഇ​ന്ത്യ സം​സ്ഥാ​ന കൗ​ണ്‍​സി​ല്‍ അം​ഗ​മാ​യി​രു​ന്ന ചെ​റ്റ​പ്പാ​ലം പൂ​ഴി​ത്ത​റ അ​ബ്ദു​ല്‍ സ​മ​ദി​ന്‍റെ വീ​ട്ടി​ലാ​ണ് റെ​യ്ഡ്.

പി​എ​ഫ്ഐ​യെ നി​രോ​ധി​ച്ച​തി​നു പി​ന്നാ​ലെ അ​ബ്ദു​ല്‍​സ​മ​ദി​ന്‍റെ സ്വ​ത്ത് ക​ണ്ട് കെ​ട്ടു​ന്ന​തി​ന്‍റെ ഭാ​ഗ​മാ​യി റ​വ​ന്യൂ അ​ധി​കൃ​ത​ര്‍ വീ​ടും പ​രി​സ​ര​വും അ​ള​ന്ന് തി​ട്ട​പ്പെ​ടു​ത്തി​യി​രു​ന്നു.