പോ​ക്സോ നിയമം: ഒ​രു വി​ഭാ​ഗ​ത്തി​നു മാ​ത്രം ഇ​ള​വ് ന​ൽ​കാ​നാ​വി​ല്ല ; നിയമത്തെക്കുറിച്ച് അവരെ ബോധവത്ക്കരി ക്കുകയാണ് വേണ്ടതെന്ന് ബാ​ലാ​വ​കാ​ശ ക​മ്മീ​ഷ​ൻ

ക​ൽ​പ്പ​റ്റ: പോ​ക്സോ നി​യ​മ​ത്തി​ന്‍റെ പ​രി​ധി​യി​ൽ​നി​ന്ന് ഗോ​ത്ര​വി​ഭാ​ഗ​ങ്ങ​ളെ ഒ​ഴി​വാ​ക്കു​ക​യ​ല്ല മ​റി​ച്ച് അ​വ​രെ നി​യ​മ​ത്തെ​ക്കു​റി​ച്ച് ബോ​ധ​വ​ത്ക​രി​ക്കു​ക​യാ​ണു വേ​ണ്ട​തെ​ന്ന് സം​സ്ഥാ​ന ബാ​ലാ​വ​കാ​ശ ക​മ്മീ​ഷ​ൻ അ​ധ്യ​ക്ഷ ശോ​ഭ കോ​ശി പ​റ​ഞ്ഞു. സം​സ്ഥാ​ന​ത്തു​ട​നീ​ളം കു​ട്ടി​ക​ൾ പ​ല​വി​ധ ചൂ​ഷ​ണ​ങ്ങ​ൾ​ക്കി​ര​യാ​വു​ന്ന​തി​ന്‍റെ പ​ശ്ചാ​ത്ത​ല​ത്തി​ൽ ജി​ല്ല​ക​ൾ​തോ​റും ഉ​ദ്യോ​ഗ​സ്ഥ​രു​മാ​യി സം​സാ​രി​ച്ച് പ​രി​ഹാ​ര​ങ്ങ​ളും നി​ർ​ദേ​ശ​ങ്ങ​ളും തേ​ടു​ന്ന​തി​ന്‍റെ ഭാ​ഗ​മാ​യാ​ണ് അ​വ​ർ വ​യ​നാ​ട്ടി​ലെ​ത്തി​യ​ത്.

ഇ​തി​ന്‍റെ ഭാ​ഗ​മാ​യി ക​ള​ക്ട​റേ​റ്റ് കോ​ണ്‍​ഫ​റ​ൻ​സ് ഹാ​ളി​ൽ ജി​ല്ലാ​ത​ല ഉ​ദ്യോ​ഗ​സ്ഥ​രു​മാ​യി ച​ർ​ച്ച ന​ട​ത്തു​ക​യാ​യി​രു​ന്നു അ​വ​ർ. ഭാ​ഷ, ദേ​ശം, സം​സ്കാ​രം, വ​ർ​ഗം തു​ട​ങ്ങി​യ​വ​യ്ക്ക് അ​തീ​ത​മാ​യി ഇ​ന്ത്യ​യൊ​ട്ടാ​കെ ന​ട​പ്പാ​ക്കി​യി​ട്ടു​ള്ള നി​യ​മ​മാ​ണ് പോ​ക്സോ. സാം​സ്കാ​രി​ക പ​ശ്ചാ​ത്ത​ലം എ​ന്തു​ത​ന്നെ​യാ​യാ​ലും ഏ​തെ​ങ്കി​ലു​മൊ​രു വി​ഭാ​ഗ​ത്തി​നാ​യി നി​യ​മ​ത്തി​ൽ ഇ​ള​വു​വ​രു​ത്തു​ന്ന​ത് ആ ​വി​ഭാ​ഗ​ത്തെ കൂ​ടു​ത​ൽ ചൂ​ഷ​ണ​ങ്ങ​ളി​ലേ​ക്ക് ത​ള്ളി​വി​ടും. എ​സ്സി, എ​സ്ടി പ്രൊ​മോ​ട്ട​ർ​മാ​ർ, ആ​ശാ പ്ര​വ​ർ​ത്ത​ക​ർ, ആം​ഗ​ൻ​വാ​ടി പ്ര​വ​ർ​ത്ത​ക​ർ തു​ട​ങ്ങി​യ​വ​ർ ഗോ​ത്ര​വി​ഭാ​ഗ​ങ്ങ​ൾ​ക്കി​ട​യി​ലേ​ക്ക് ആ​ത്മാ​ർ​ഥ​മാ​യി ഇ​റ​ങ്ങി​യാ​ൽ നി​യ​മ​ത്തെ​ക്കു​റി​ച്ച് കോ​ള​നി​ക​ൾ​തോ​റും ബോ​ധ​വ​ത്ക​ര​ണം ന​ട​ത്താ​നാ​കും.
പോ​ക്സോ നി​യ​മ​പ്ര​കാ​രം ജ​യി​ലി​ലാ​യ യു​വാ​ക്ക​ളു​ടെ ഭാ​ര്യ​മാ​ർ​ക്ക് ആ​ർ​ക്കും​ത​ന്നെ നി​യ​മ​ത്തെ​ക്കു​റി​ച്ചോ വി​വാ​ഹ​പ്രാ​യ​ത്തെ​ക്കു​റി​ച്ചോ ധാ​ര​ണ​യി​ല്ലാ​യി​രു​ന്നു. കൗ​മാ​ര​ത്തി​ലു​ള്ള പ്ര​സ​വം അ​മ്മ​യ്ക്കും കു​ഞ്ഞി​നും ഒ​രു​പോ​ലെ ദോ​ഷ​ക​ര​മാ​ണ്. ഈ ​പ​ശ്ചാ​ത്ത​ല​ത്തി​ലാ​ണ് പോ​ക്സോ നി​യ​മം പ്ര​സ​ക്ത​മാ​കു​ന്ന​ത്. പോ​ക്സോ നി​യ​മ​പ്ര​കാ​ര​മു​ള്ള നി​യ​മ​ന​ട​പ​ടി​ക​ൾ​ക്ക് ആ​ധാ​ർ അ​ടി​സ്ഥാ​ന​മാ​ക്ക​രു​ത്. അ​ത് വ​യ​സു തെ​ളി​യി​ക്കാ​നു​ള്ള രേ​ഖ​യ​ല്ല. ബാ​ല​നീ​തി നി​യ​മ​പ്ര​കാ​രം സ്കൂ​ളി​ൽ​നി​ന്നു​ള്ള ടി​സി, സ്കൂ​ൾ സ​ർ​ട്ടി​ഫി​ക്ക​റ്റ്, ജ​ന​ന സ​ർ​ട്ടി​ഫി​ക്ക​റ്റ് എ​ന്നി​വ​യാ​ണ് വ​യ​സു​തെ​ളി​യി​ക്കാ​നു​ള്ള രേ​ഖ​ക​ൾ.

ഇ​വ ല​ഭ്യ​മാ​കാ​ത്ത പ​ക്ഷം പ്രാ​യം തെ​ളി​യി​ക്കു​ന്ന​തി​നു​ള്ള മെ​ഡി​ക്ക​ൽ പ​രി​ശോ​ധ​നാ​ഫ​ലം തേ​ട​ണം. ഇ​തു സം​ബ​ന്ധി​ച്ച് ഉ​ട​ൻ സ​ർ​ക്കാ​ർ ഉ​ത്ത​ര​വു​ണ്ടാ​കും. സ്കൂ​ളു​ക​ളി​ൽ​നി​ന്നും കു​ട്ടി​ക​ൾ വ്യാ​പ​ക​മാ​യി കൊ​ഴി​ഞ്ഞു​പോ​കു​ന്ന​തി​നെ​ക്കു​റി​ച്ച് ക​മ്മീ​ഷ​ൻ അ​ന്വേ​ഷി​ച്ചു​വ​രി​ക​യാ​ണ്. സ്കൂ​ളു​ക​ളി​ൽ ഗോ​ത്ര​ഭാ​ഷ കൈ​കാ​ര്യം​ചെ​യ്യു​ന്ന അ​ധ്യാ​പ​ക​രെ നി​യ​മി​ച്ചാ​ൽ കൊ​ഴി​ഞ്ഞു​പോ​ക്ക് ഒ​രു പ​രി​ധി​വ​രെ ത​ട​യാ​നാ​കും. പോ​ലീ​സി​ന്‍റെ ഭാ​ഗ​ത്ത് വീ​ഴ്ച​യു​ണ്ടാ​യാ​ൽ ക​മ്മീ​ഷ​ൻ ഇ​ട​പെ​ടു​മെ​ന്നും ശോ​ഭാ​കോ​ശി പ​റ​ഞ്ഞു.