നി​രീ​ക്ഷ​ണ​ത്തി​ലു​ള്ള​വ​ർ പു​റ​ത്തി​റ​ങ്ങി​യാ​ൽ ക​ണ്ണൂ​രി​ൽ “ചു​വ​പ്പ് കാ​ർ​ഡ്’​കാ​ണി​ച്ച് അ​ക​ത്താ​ക്കാൻ യതീഷ് ചന്ദ്രയും സഹ പ്രവർത്തകരും

ക​ണ്ണൂ​ർ: വി​ദേ​ശ​ത്ത് നി​ന്ന് തി​രി​കെ നാ​ട്ടി​ലെ​ത്തി നി​രീ​ക്ഷ​ണ​ത്തി​ൽ ക​ഴി​യു​ന്ന​വ​രും നി​ല​വി​ൽ വീ​ടു​ക​ളി​ൽ നി​രീ​ക്ഷ​ണ​ത്തി​ലു​ള്ള​വ​രും ക​ണ്ണ് വെ​ട്ടി​ച്ച് പു​റ​ത്തി​റ​ങ്ങി​യാ​ൽ ഇ​നി മു​ത​ൽ പോ​ലീ​സ് റെ​ഡ് കാ​ർ​ഡ് കാ​ണി​ച്ച് അ​ക​ത്താ​ക്കും.

ഇ​തി​നാ​യി ജി​ല്ല​യി​ലെ എ​ല്ലാ പോ​ലീ​സ് സ്റ്റേ​ഷ​നു​ക​ളി​ലേ​ക്കും ജി​ല്ലാ പോ​ലീ​സ് മേ​ധാ​വി നി​ർ​ദേ​ശം ന​ല്കി. ജി​ല്ലാ പോ​ലീ​സ് മേ​ധാ​വി പ്ര​ത്യേ​ക​മാ​യ ചു​വ​പ്പ് നോ​ട്ടീ​സ് എ​ല്ലാ പോ​ലീ​സ് സ്റ്റേ​ഷ​നു​ക​ളി​ലേ​ക്ക് അ​യ​ച്ചു കൊ​ടു​ത്തു.

അ​താ​ത് പോ​ലീ​സ് സ്റ്റേ​ഷ​ൻ പ​രി​ധി​യി​ൽ നി​രീ​ക്ഷ​ണ​ത്തി​ലു​ള്ള ആ​ളു​ക​ളു​ടെ പേ​ര്, വി​ലാ​സം, ക്വാ​റ​ന്‍റൈ​ൻ കാ​ലാ​വ​ധി എ​ന്നി​വ പൂ​രി​പ്പി​ച്ച് നി​രീ​ക്ഷ​ണ​ത്തി​ലു​ള്ള ആ​ളു​ക​ളു​ടെ വീ​ടി​ന് സ​മീ​പ​മു​ള്ള വാ​ർ​ഡ് മെ​ന്പ​ർ​മാ​ർ, ആ​രോ​ഗ്യ​പ്ര​വ​ർ​ത്ത​ക​ർ, സ​ന്ന​ദ്ധ​പ്ര​വ​ർ​ത്ത​ക​ർ എ​ന്നി​വ​ർ​ക്ക് കൈ​മാ​റും.

നി​രീ​ക്ഷ​ണ​ത്തി​ൽ ക​ഴി​യാ​തെ ക​റ​ങ്ങി ന​ട​ന്നാ​ൽ ഇ​വ​ർ ഉ​ട​ൻ വി​വ​രം പോ​ലീ​സി​നെ അ​റി​യി​ക്കു​ക​യും പോ​ലീ​സെ​ത്തി ന​ട​പ​ടി കൈ​കൊ​ള്ളു​ക​യും ചെ​യ്യും. അ​ന്യ​സം​സ്ഥാ​ന​ങ്ങ​ളി​ൽ നി​ന്നോ വി​ദേ​ശ​ത്ത് നി​ന്നോ വ​ന്ന​വ​രി​ൽ നി​ന്ന് കോ​വി​ഡ് 19 ന്‍റെ സാ​മൂ​ഹ്യ വ്യാ​പ​നം ത​ട​യു​ക എ​ന്ന ല​ക്ഷ്യ​ത്തോ​ടെ​യാ​ണ് പോ​ലീ​സ് ഈ ​ഒ​രു രീ​തി​യു​മാ​യി മു​ന്നോ​ട്ട് പോ​കു​ന്ന​ത്.

നി​ങ്ങ​ളു​ടെ പ​രി​സ​ര​ത്തെ ഒ​രു വ്യ​ക്തി നി​രീ​ക്ഷ​ണ​ത്തി​ൽ ക​ഴി​യു​ക​യാ​ണെ​ന്നും അ​യാ​ൾ സ​ർ​ക്കാ​രി​ന്‍റെ ആ​രോ​ഗ്യ പ്ര​വ​ർ​ത്ത​ക​രു​ടെ​യും പോ​ലീ​സി​ന്‍റെ നി​ർ​ദ്ദേ​ശ​ങ്ങ​ൾ പാ​ലി​ക്കാ​തെ പു​റ​ത്തി​റ​ങ്ങി ക​റ​ങ്ങി ന​ട​ക്കു​ക​യാ​ണെ​ങ്കി​ൽ പോ​ലീ​സി​നെ അ​റി​യി​ക്കു​ന്ന​തി​നാ​ണ് മൊ​ബൈ​ൽ ന​ന്പ​ർ അ​ട​ക്ക​മു​ള്ള ചു​വ​പ്പ് കാ​ർ​ഡ് ത​യാ​റാ​ക്കി​യി​രി​ക്കു​ന്ന​തെ​ന്ന് ജി​ല്ലാ പോ​ലീ​സ് മേ​ധാ​വി യ​തീ​ഷ് ച​ന്ദ്ര പ​റ​ഞ്ഞു.

Related posts

Leave a Comment