മാഡ്രിഡ്: മാഡ്രിഡ് ഓപ്പണ്‍ ടെന്നീസില്‍ റഫേല്‍ നദാലിനെ അട്ടിമറിച്ച് സ്റ്റെഫാനോസ് സിറ്റ്‌സിപാസ് ഫൈനലില്‍. ഫൈനലില്‍ ഗ്രീക്ക് താരം ലോക ഒന്നാം നമ്പര്‍ നൊവാക് ജോക്കോവിച്ചിനെ നേരിടും.
ആവേശകരമായ സെമി ഫൈനലില്‍ മൂന്നു സെറ്റുകള്‍ (6-4, 2-6, 6-3) നീണ്ട പോരാട്ടത്തിലാണ് നദാലിനെ സിറ്റ്‌സിപാസ് അട്ടിമറിച്ചത്. ഇതോടെ നദാല്‍-ജോക്കോവിച്ച് ക്ലാസിക് ഫൈനലിനായി കാത്തിരുന്ന ആരാധകര്‍ നിരാശരായി. ഈ സീസണില്‍ സിറ്റ്‌സിപാസിന്‍റെ നാലാമത്തെ ഫൈനലാണ്.
ഡൊമിനിക് തീമിനെ നേരിട്ടുള്ള സെറ്റുകള്‍ക്ക് തോല്‍പ്പിച്ചാണ് ജോക്കോവിച്ച് ഫൈനലില്‍ പ്രവേശിച്ചത്.
