കൊച്ചി: സൗദി അറേബ്യയിലെ ബാങ്കില് നിന്ന് കോടികള് വായ്പയെടുത്ത് കേരളത്തിലേക്ക് കടത്തിയ കാസര്കോട് സ്വദേശികളുടെ 32 ലക്ഷം രൂപയുടെ സ്വത്തുക്കള് കൂടി എന്ഫോഴ്സ്മെന്റ് ഡയറക്ടറേറ്റ് (ഇഡി) കണ്ടുകെട്ടി.
കാസര്ഗോട് സ്വദേശികളായ സി.ടി. സുലൈമാന്, ഒ.ടി. നഫീസത്ത്, മുഹമ്മദ് സിനാന് സുലൈമാന് എന്നിവരുടെ ഭൂസ്വത്തുക്കളാണ് കണ്ടുകെട്ടിയത്. ഇവരുടെ 4.55 കോടിയുടെ സ്വത്തുക്കള് നേരത്തേ കണ്ടുകെട്ടിയിരുന്നു.അബുദാബിയിലെ ഹെക്സ ഓയില് ആന്ഡ് ഗ്യാസ് സര്വീസസ് എല്എല്സിയുടെ ഉടമയായിരുന്ന കാസര്കോട് തിരുത്തുമ്മല് ചേനോത്ത് അബ്ദുള് റഹിമാന് ഇന്വെസ്റ്റ്മെന്റ് ബാങ്ക് പിഎസ്സിയില് നിന്ന് 160 കോടിയോളം രൂപ വായ്പയെടുത്തിരുന്നു. 2013-17 കാലത്തെടുത്ത വായ്പത്തുക തിരിച്ചടച്ചില്ല.
ബിസിനസിനായി എടുത്ത വായ്പത്തുകയുടെ ഒരുഭാഗം സഹോദരനായ സി.ടി. സുലൈമാന്റെ എന്ആര്ഇ ബാങ്ക് അക്കൗണ്ട് വഴി കേരളത്തില് എത്തിച്ചു. ഇതുപയോഗിച്ച് 2022ല് കാസര്കോട്ട് വീട് നിര്മിച്ച് ഭാര്യയുടെയും മകന്റെയും പേരിലാക്കിയതായി ഇഡി കണ്ടെത്തിയിരുന്നു. ബാങ്ക് അധികൃതര് കാസര്കോട് ചന്ദേര പോലീസ് സ്റ്റേഷനില് നല്കിയ പരാതിയുടെ അടിസ്ഥാനത്തിലാണ് ഇഡിയും അന്വേഷണം ആരംഭിച്ചത്.
