ഹോളിവുഡ് സൂപ്പർതാരം ടോം ഹോളണ്ട് നായകനായ ഏറ്റവും പുതിയ മാർവൽ ചിത്രം ‘സ്പൈഡർമാൻ: ബ്രാൻഡ് ന്യൂ ഡേ’ ലോക സിനിമയിൽ ഏറ്റവും കൂടുതൽ കളക്ഷൻ നേടുന്ന മൂന്നാമത്തെ ചിത്രമെന്ന ചരിത്രനേട്ടം സ്വന്തമാക്കി. ജെയിംസ് കാമറൂണിന്റെ ‘അവതാർ: ദി വേ ഓഫ് വാട്ടറിനെ’ മറികടന്നാണു ചിത്രം അപൂർവ നേട്ടത്തിലെത്തിയത്.
ഡെസ്റ്റിൻ ഡാനിയൽ ക്രെറ്റൺ സംവിധാനം ചെയ്ത ‘സ്പൈഡർമാൻ: ബ്രാൻഡ് ന്യൂ ഡേ’ ലോകമെമ്പാടുമുള്ള തിയേറ്ററുകളിൽനിന്ന് ഇതുവരെ 2.4 ബില്യൺ ഡോളറിലധികം കളക്ഷൻ നേടിയിട്ടുണ്ട്. കളക്ഷൻ റിക്കാർഡുകളിൽ 2.9 ബില്യൺ ഡോളറുമായി ജെയിംസ് കാമറൂണിന്റെ ‘അവതാർ’ ഒന്നും, 2.8 ബില്യൺ ഡോളറുമായി ‘അവഞ്ചേഴ്സ്: എൻഡ്ഗെയിം’ രണ്ടും സ്ഥാനങ്ങളിൽ തുടരുന്നു.
ഇന്ത്യയിലും ചിത്രം പ്രദർശനം തുടരുകയാണ്. ഇന്ത്യയിൽനിന്ന് ഏറ്റവും കൂടുതൽ കളക്ഷൻ നേടുന്ന ഹോളിവുഡ് ചിത്രമെന്ന റിക്കാർഡും ‘സ്പൈഡർമാൻ: ബ്രാൻഡ് ന്യൂ ഡേ’ കരസ്ഥമാക്കി.
