നാളെയായിരുന്നു ആ ദിവസം! സു​മ​യ്യ​യും ഹ​നീ​ഫ​യും യാ​ത്ര​യാ​യത്‌ ഒ​ന്നാം വി​വാ​ഹവാ​ർ​ഷി​കം ആ​ഘോ​ഷി​ക്കാ​തെ; ച​ക്ക​പ്പു​ഴു​ക്കും കോ​ഴി​ക്ക​റി​യും ഉ​ണ്ടാ​ക്കി കാ​ത്തി​രു​ന്ന ഷ​ക്കീ​ന​യ്ക്ക് ദു​ര​ന്ത​വാ​ർ​ത്ത താ​ങ്ങാ​നാ​യി​ല്ല

മു​ണ്ട​ക്ക​യം: വി​വാ​ഹ വാ​ർ​ഷി​ക​ത്തി​ന് ര​ണ്ടു നാ​ൾ ശേ​ഷി​ക്കെ സു​മ​യ്യ​യെ​യും ഭ​ർ​ത്താ​വ് ഹ​നീ​ഫ​യെ​യും വി​ധി ത​ട്ടി​യെ​ടു​ത്ത​ത് വാ​ഹ​നാ​പ​ക​ട​ത്തി​ലൂ​ടെ.

പെ​രു​മ്പാ​വൂ​ർ പു​ല്ലു​വ​ഴി​യി​ൽ ഇ​ന്ന​ലെ പു​ല​ർ​ച്ചെ​യു​ണ്ടാ​യ വാ​ഹ​നാ​പ​ക​ട​ത്തി​ലാ​ണ് മു​ണ്ട​ക്ക​യം കു​ള​മാ​ക്ക​ൽ മ​ണ്ണാ​ർ​ത്തോ​ട്ടം ഇ​സ്മാ​യി​ൽ -ഷ​ക്കീ​ന ദ​മ്പ​തി​ക​ളു​ടെ മൂ​ത്ത മ​ക​ൾ സു​മ​യ്യ (21), ഭ​ർ​ത്താ​വ് ഹ​നീ​ഫ മൗ​ല​വി (29), ഭ​ർ​ത്താ​വി​ന്‍റെ സ​ഹോ​ദ​ര​ൻ ഷാ​ജ​ഹാ​ൻ എ​ന്നി​വ​ർ മ​ര​ണ​മ​ട​ഞ്ഞ​ത്.

നാ​ളെ​യാ​യി​രു​ന്നു സു​മ​യ്യ​യു​ടെ​യും ഹ​നീ​ഫ​യു​ടെ​യും ഒ​ന്നാം വി​വാ​ഹ വാ​ർ​ഷി​കം. ഏ​ഴുമാ​സം ഗ​ർ​ഭി​ണി​യാ​യി​രു​ന്ന സു​മ​യ്യ ഭ​ർ​ത്താ​വി​നൊ​പ്പം കു​ള​മാ​ക്ക​ലെ വീ​ട്ടി​ലേ​ക്കു വ​രുംവ​ഴി​യാ​ണ് അ​പ​ക​ട​ത്തി​ൽ​പ്പെ​ട്ട​ത്.

ഭ​ർ​ത്താ​വി​ന്‍റെ വീ​ട്ടി​ൽ നി​ന്നി​റ​ങ്ങി​യ സ​മ​യ​ത്ത് സു​മ​യ്യ മാ​താ​വ് ഷ​ക്കീ​ന​യെ ഫോ​ണി​ൽ വി​ളി​ച്ചി​രു​ന്നു. രാ​വി​ലെ വീ​ട്ടി​ലെ​ത്തു​മെ​ന്നു പ​റ​ഞ്ഞ മ​ക​ൾ​ക്കും ഭ​ർ​ത്താ​വി​നും ന​ൽ​കാ​ൻ ച​ക്ക​പ്പു​ഴു​ക്കും കോ​ഴി​ക്ക​റി​യും ഉ​ണ്ടാ​ക്കി കാ​ത്തി​രു​ന്ന ഷ​ക്കീ​ന​യ്ക്ക് ദു​ര​ന്ത​വാ​ർ​ത്ത താ​ങ്ങാ​നാ​യി​ല്ല.

ആ​ദ്യം ഇ​വ​ർ സ​ഞ്ച​രി​ച്ചി​രു​ന്ന കാ​ർ അ​പ​ക​ട​ത്തി​ൽ​പ്പെ​ട്ടു എ​ന്നാ​യി​രു​ന്നു വി​വ​രം. തു​ട​ർ​ന്ന് ഹൈ​വേ പോ​ലീ​സാ​ണ് മ​ര​ണ വി​വ​രം അ​റി​യി​ച്ച​ത്. ഇ​വ​ർ സ​ഞ്ച​രി​ച്ചി​രു​ന്ന കാ​ർ നി​യ​ന്ത്ര​ണം ന​ഷ്ട​പ്പെ​ട്ട് ലോ​റി​യി​ൽ ഇ​ടി​ക്കു​ക​യാ​യി​രു​ന്നു.

സു​മ​യ്യ​യു​ടെ പി​താ​വ് ഇ​സ്മയി​ൽ ര​ണ്ടു വ​ർ​ഷ​മാ​യി ഗ​ൾ​ഫി​ലാ​ണ്. വി​ദേ​ശ​ത്ത് ജോ​ലി​യി​ൽ പ്ര​വേ​ശി​ച്ച ഉ​ട​നെ​യാ​യ​തി​നാ​ൽ ഇ​സ്മ​യി​ലി​ന് മ​ക​ളു​ടെ വി​വാ​ഹ​ത്തി​ൽ പ​ങ്കെ​ടു​ക്കാൻ ക​ഴി​ഞ്ഞി​രു​ന്നി​ല്ല.

ഇ​പ്പോ​ഴാ​ക​ട്ടെ കൊ​റോ​ണ വൈ​റ​സ് മൂ​ലം നാ​ട്ടി​ലേ​ക്ക് വ​രാ​ൻ സാ​ധി​ക്കാ​ത്ത​തി​നാ​ൽ സം​സ്കാ​ര ച​ട​ങ്ങു​ക​ളി​ലും ഇ​ദ്ദേ​ഹ​ത്തി​ന് പ​ങ്കെ​ടു​ക്കാ​ൻ സാ​ധി​ക്കി​ല്ല. പ്ല​സ്ടു​വി​ലും ഒ​ന്പ​തി​ലും പ​ഠി​ക്കു​ന്ന ര​ണ്ട് സ​ഹോ​ദ​രി​മാ​രു​ണ്ട്. കബ​റ​ട​ക്കം മ​ല​പ്പു​റ​ത്തെ വീ​ട്ടി​ൽ ന​ട​ത്തി.