മങ്കൊമ്പ്: ” വെള്ളം വെള്ളം സർവ്വത്ര വെള്ളം… കുടിക്കാനൊരിറ്റു വെള്ളമില്ല” കുട്ടനാട്ടിലെ പല പഞ്ചായത്തുകളിലും കാലങ്ങളായി തുടരുന്ന ദുരവസ്ഥയാണിത്. മഴക്കാലംമുഴുവൻ നീളുന്ന വെള്ളക്കെട്ടു ദുരിതങ്ങൾക്കിടയിലും കുടിവെള്ളമില്ലാതെ വലയുന്ന നീലംപേരൂരിലെ ജനങ്ങൾക്കു പ്രതീക്ഷയേകി വാലടിയിലിപ്പോൾ പുതിയ വാട്ടർടാങ്കിന്‍റെ നിർമ്മാണം പുരോഗമിക്കുയാണ്. 2006വരെ നീലംപേരൂരിലും സമീപ പഞ്ചായത്തുമായ കാവാലത്തുമൊക്കെ ആഴ്ചയിൽ രണ്ടു ദവസമെങ്കിലും പൈപ്പുവെള്ളം ലഭ്യമായിരുന്നു. കുറെയേറെ വീടുകളിൽ വാട്ടർ അഥോറിറ്റിയുടെ ഹൗസ്കണക്ഷനും ഉണ്ടായിരുന്നു. തകരാറുകൾ പതിവാകുകയും പരിഹരിക്കുന്നതിനാവശ്യമായ ഇടപെടലുകൾ ഇല്ലാതാവുകയും ചെയ്തതോടെ ജലവിതരണം കാലക്രമേണ പൂർണ്ണമായും നിലയ്ക്കുകയാണുണ്ടായത്. പാടശേഖരങ്ങളിൽ രണ്ടാംകൃഷിക്കുവേണ്ടിയുള്ള പന്പിംഗ് ഇല്ലാതെ വന്നാൽ ജൂൺമുതലുള്ള ആറുമാസക്കാലം നിരന്തരം മലിനജലവുമായി സന്പർക്കത്തിലാകാൻ നിർബന്ധിതരാകാറുള്ളവരാണ് ഇവിടുത്തെ ജനങ്ങൾ. വെള്ളക്കെട്ടിനു പരിഹാരം കാണാൻ മന്ത്രിസഭയെടുത്ത തീരുമാനവും, നിയന്ത്രിതപന്പിംഗ് സംബന്ധിച്ചുള്ള നീലംപേരൂർ ഗ്രാമപഞ്ചായത്ത് ബഡ്ജറ്റിലെ പ്രഖ്യാപനങ്ങളുമൊക്കെ ഇത്തവണയും ജലരേഖയായി മാറുകയാണുണ്ടായത്. ദുരിതനിവാരണപദ്ധതികൾ അട്ടിമറിക്കപ്പെട്ടെന്നാണ് ആക്ഷേപം. ഇത്തരത്തിൽ ജലത്താൽ മുറിവേൽപ്പിക്കപ്പെടുന്പോഴും കുടിവെള്ളം കിട്ടാക്കനിയായിതുടരുന്ന അവസ്ഥയ്ക്കെങ്കിലും,…
Read Moreവെള്ളക്കെട്ടുദുരിതനിവാരണ പദ്ധതികൾ കടലാസ്സിൽ; കുടിവെള്ളത്തിനായുള്ള കാത്തിരിപ്പിന് ടാങ്ക് നിർമ്മാണം പരിഹാരമാകുമോ..?
