വാഷിംഗ്ടൺ ഡിസി: ട്രംപ് ഭരണകൂടത്തിന്‍റെ വിലയിരുത്തലായി അമേരിക്കയിൽ ഇന്ന് ഇടക്കാല തെരഞ്ഞെടുപ്പ്. അധികാരത്തിലിരിക്കുന്ന പ്രസിഡന്‍റിന്‍റെ ഭരണത്തിനും നയങ്ങൾക്കും ജനങ്ങൾ നൽകുന്ന മറുപടിയാണ് അമേരിക്കയിൽ സാധാരണയായി ഇടക്കാല തെരഞ്ഞെടുപ്പുകൾ. ജനപ്രതിനിധിസഭയിലെ മുഴുവൻ 435 സീറ്റുകളിലേക്കും സെനറ്റിലെ 34 സീറ്റുകളിലേക്കുമാണ് പോരാട്ടം. സഭകൾക്കു പുറമേ 36 സംസ്ഥാനങ്ങളിലെ 39 ഗവർണർ പദവികളിലേക്കും സംസ്ഥാന നിയമസഭകളിലേക്കും ഇതോടൊപ്പം വോട്ടെടുപ്പ് നടക്കുന്നുണ്ട്. അടുത്ത പ്രസിഡന്‍റ് തെരഞ്ഞെടുപ്പിലേക്കുള്ള ദിശാസൂചികയായും ഈ ഫലം മാറും. 435 അംഗ ജനപ്രതിനിധി സഭയിൽ 218-214 എന്ന നേരിയ ഭൂരിപക്ഷവും 100 അംഗ സെനറ്റിൽ 53-47 എന്ന ഭൂരിപക്ഷവുമാണ് നിലവിൽ റിപ്പബ്ലിക്കൻ പാർട്ടിക്കുള്ളത്. ഇരുസഭകളുടെയും ഭരണം പിടിച്ചെടുക്കാൻ ഡെമോക്രാറ്റിക് പാർട്ടിക്ക് ഇനി നാല് സീറ്റുകൾ വീതം അധികമായി വിജയിക്കേണ്ടതുണ്ട്. സെപ്റ്റംബറിലെ സർവേകൾ പ്രകാരം പ്രസിഡന്‍റ് ഡോണൾഡ് ട്രംപിന്‍റെ ജനപ്രീതി താഴ്ന്നത് റിപ്പബ്ലിക്കൻ പാർട്ടിക്കു തിരിച്ചടിയാണ്. വർധിച്ചുവരുന്ന ജീവിതച്ചെലവിൽ അസംതൃപ്തരായ ജനങ്ങളുടെ…
Read Moreഅമേരിക്കയിൽ ഇന്നു നടക്കുന്ന ഇടക്കാല തെരഞ്ഞെടുപ്പിനു പിന്നാലെ ടെഹ്റാനുമായുള്ള നയതന്ത്ര കരാറിന് സാധ്യതയെന്ന് ഡോണൾഡ് ട്രംപ്
