വാഷിംഗ്ടൺ ഡിസി: അമേരിക്കൻ ഇടക്കാല തെരഞ്ഞെടുപ്പിൽ ഭരണകക്ഷിയായ റിപ്പബ്ലിക്കൻ പാർട്ടിയെയും പ്രസിഡന്‍റ് ഡോണൾഡ് ട്രംപിനെയും നിഷ്പ്രഭരാക്കി ഡെമോക്രാറ്റിക് പാർട്ടിക്ക് അട്ടിമറിവിജയം. രാജ്യമെമ്പാടും വീശിയടിച്ച ‘നീലതരംഗത്തിൽ’ സെനറ്റിന്‍റെയും ജനപ്രതിനിധി സഭയുടെയും പൂർണ നിയന്ത്രണം ഡെമോക്രാറ്റുകൾ പിടിച്ചെടുത്തു. റിപ്പബ്ലിക്കൻ പാർട്ടിയുടെ പരമ്പരാഗത കോട്ടകളിൽപ്പോലും വൻ വിള്ളലുകൾ വീഴ്ത്തിയാണ് ഡെമോക്രാറ്റുകൾ ഈ ചരിത്രപരമായ തിരിച്ചുവരവ് നടത്തിയത്. സർക്കാർ വിരുദ്ധ തരംഗത്തിൽ ട്രംപിന്‍റെ വിശ്വസ്തരെല്ലാം കടപുഴകി. വോട്ടെണ്ണൽ അവസാനഘട്ടത്തിൽ എത്തിയപ്പോൾ 435 അംഗ ജനപ്രതിനിധി സഭയിൽ 228 സീറ്റുകൾ സ്വന്തമാക്കിയ ഡെമോക്രാറ്റിക് പാർട്ടി 100 അംഗ സെനറ്റിൽ അംഗബലം 54 ആയി വർധിപ്പിച്ചും വ്യക്തമായ മേൽക്കൈ നേടി. ഭൂരിഭാഗം സംസ്ഥാനങ്ങളിലെയും ഗവർണർ പദവികൾ ഡെമോക്രാറ്റിക് പാർട്ടി പിടിച്ചെടുത്തു. 16 വർഷത്തിനിടെ ആദ്യമായാണ് ഗവർണർമാരുടെ എണ്ണത്തിൽ ഡെമോക്രാറ്റുകൾക്ക് ഭൂരിപക്ഷം ലഭിക്കുന്നത്. 2024ലെ പ്രസിഡന്‍റ് തെരഞ്ഞെടുപ്പിൽ ഡോണൾഡ് ട്രംപ് വിജയിച്ച അഞ്ചു സംസ്ഥാനങ്ങളിലെ ഗവർണർ ഭരണമാണ്…
Read Moreട്രംപിനു ട്രാപ്; തെരഞ്ഞെടുപ്പ് തോൽവിക്ക് കാരണം യുദ്ധമാണെന്ന വാദം വലിയൊരു പരിധി വരെ ശരിയാണെങ്കിലും ഇറാന് ആണവായുധം ലഭിക്കാതിരിക്കാൻ യുദ്ധം ആവശ്യമായിരുന്നുവെന്നും തീരുമാനത്തിൽ ഖേദമില്ലെന്നും ട്രംപ്
