ജമ്മു കാശ്മീരില്‍ പുതിയ തന്ത്രവുമായി ഭീകരര്‍. വാഹനങ്ങളില്‍ ഒട്ടിച്ചുവെക്കാവുന്ന ഇംപ്രൊവൈസ്ഡ് എക്‌സ്പ്ലൊസീവ് ഡിവൈസ് (ഐ.ഇ.ഡി.) ഉപയോഗിച്ചുള്ള സ്‌ഫോടനങ്ങള്‍ക്ക് ജമ്മു കാശ്മീരില്‍ സാധ്യതയുണ്ടെന്നാണ് പോലീസ് മുന്നറിയിപ്പ് നല്‍കിയിരിക്കുന്നത്. വാഹനത്തില്‍ ഒട്ടിപ്പിടിക്കുന്ന തരത്തിലുള്ള ഈ ബോംബുകള്‍ റിമോട്ടിന്റെയോ ടൈമറിന്റെയോ സഹായത്തോടെ പ്രവര്‍ത്തിപ്പിക്കാവുന്നവയാണ്. ഫെബ്രുവരി 14-ന് ജമ്മുവിലെ സാംബ മേഖലയില്‍ നിന്നും പാക്കിസ്ഥാനില്‍ നിന്നും ഡ്രോണിലെത്തിച്ച വന്‍ ആയുധശേഖരം പോലീസ് കണ്ടെടുത്തിരുന്നു.അവയില്‍ ഐ.ഇ.ഡികളും ഉണ്ടായിരുന്നു. ലഷ്‌കര്‍ ഇ തൊയ്ബയുമായി ബന്ധമുള്ള പീപ്പിള്‍സ് ആന്റി ഫാസിസ്റ്റ് ഫ്രണ്ട് (പി.എ.എഫ്.എഫ്.) പുറത്തിറക്കിയ ഇത്തരം ബോംബുകളെക്കുറിച്ചുള്ള വീഡിയോ സമൂഹ മാധ്യമങ്ങളില്‍ വ്യാപകമായി പ്രചരിക്കുന്നുണ്ട്.
Read Moreവാഹനങ്ങളില്‍ ഒട്ടിച്ചു വെച്ച് സ്‌ഫോടനം നടത്താം ! പുതിയ തരം ബോംബുകളെക്കുറിച്ചുള്ള ഞെട്ടിക്കുന്ന വെളിപ്പെടുത്തലുമായി ജമ്മു കാശ്മീര്‍ പോലീസ്…
