Tag: sree

കോഴ കേസില്‍ ഡല്‍ഹി പ്രത്യേക കോടതി വെറുതെവിട്ടിട്ടും ബിസിസിഐ ആജീവനാന്ത വിലക്ക് തുടരുന്നത് നിയമപരമല്ലെന്ന ശ്രീശാന്തിന്റെ വാദം കോടതി അംഗീകരിച്ചു. വിലക്കിനെത്തുടര്‍ന്ന് സ്‌കോട്ടിഷ് ലീഗിലടക്കം കളിക്കാനുളള അവസരം നഷ്ടപ്പെട്ടെന്നും ഇക്കാര്യത്തില്‍ കോടതി ഇടപെട്ട് വിലക്ക് നീക്കണമെന്നുമാണ് ശ്രീശാന്ത് ആവശ്യപ്പെട്ടത്. ബിസിസിഐയുടെ ഇടക്കാല ഭരണസമിതി, മുന്‍ ഭരണസമിതി, കേരള ക്രിക്കറ്റ് അസോസിയേഷന്‍ എന്നിവരെ എതിര്‍കക്ഷികളാക്കിയായിരുന്നു ഹര്‍ജി നല്‍കിയിരുന്നത്. 2013 ഒക്ടോബര്‍ പത്തിനാണ് ശ്രീശാന്ത് കുറ്റക്കാരനെന്ന് കണ്ടെത്തി ബിസിസിഐ അദ്ദേഹത്തിന് ക്രിക്കറ്റില്‍നിന്നും ആജീവനാന്ത വിലക്ക് ഏര്‍പ്പെടുത്തിയത്. ഐപിഎല്‍ മല്‍സരങ്ങളില്‍ ഒത്തുകളി നടത്തിയെന്നാരോപിച്ച് ശ്രീശാന്തിനെ 2013 മെയ് 16 നാണ് മുംബൈയില്‍നിന്ന് പൊലീസ് അറസ്റ്റ് ചെയ്തത്. തുടര്‍ന്ന് ബിസിസിഐ ശ്രീശാന്തിനെ കളിക്കുന്നതില്‍നിന്നും സസ്‌പെന്‍ഡ് ചെയ്ത് അന്വേഷണത്തിന് ഉത്തരവിട്ടു. പിന്നീട് അച്ചടക്ക സമിതി നല്‍കിയ റിപ്പോര്‍ട്ടുകളുടെ അടിസ്ഥാനത്തിലാണ് ആജീവനാന്ത വിലക്ക് ഏര്‍പ്പെടുത്തിയത്.

ക്രിക്കറ്റ് താരം ശ്രീശാന്തും നിക്കി ഗില്‍റാണിയും കേന്ദ്ര കഥാപാത്രങ്ങളെ അവതരിപ്പിച്ച ചിത്രമായിരുന്നു ടീം ഫൈവ്. ബൈക്ക് റേസിംഗിന്റെ കഥ പറഞ്ഞ സിനിമയുടെ ഷൂട്ടിംഗ് രണ്ടുവര്‍ഷം മുമ്പ് കഴിഞ്ഞതായിരുന്നു. എന്നാല്‍ പലവിധ കാരണങ്ങള്‍ കൊണ്ട് ചിത്രം റിലീസിംഗിന് എത്തിയില്ല. ഈ വ്യാഴാഴ്ച്ച സിനിമ തിയറ്ററിലെത്തിയെങ്കിലും ആരും അറിഞ്ഞില്ലെന്നുമാത്രം. ഇപ്പോഴിതാ തങ്ങളെ ഒതുക്കാന്‍ ശ്രമം നടക്കുന്നതായ ആരോപണവുമായി നിര്‍മാതാവ് തന്നെ രംഗത്തെത്തിയിരിക്കുന്നു. രാജ് സഖറിയയാണ് ചിത്രം നിര്‍മിച്ചിരിക്കുന്നത്. റിലീസ് ദിവസം പോലും പ്രധാന കേന്ദ്രങ്ങളില്‍ ചിത്രത്തിന്റെ പോസ്റ്ററുകള്‍ ഇല്ലായിരുന്നെന്നും ഡിസ്ട്രിബ്യൂട്ടേഴ്‌സ് അസോസിയേഷന്റെ ഭാഗത്തുനിന്നും ഒരു സഹകരണവും ലഭിച്ചിട്ടില്ലെന്നും ടീം ഫൈവ് അണിയറക്കാര്‍ ആരോപിക്കുന്നു. സിനിമ തിയേറ്ററില്‍ എത്തിയ കാര്യം പോലും ജനങ്ങള്‍ അറിഞ്ഞിട്ടില്ല. സുഹൃത്തുക്കളും ബന്ധുക്കളും പോലും പിന്നീട് വിളിച്ചുചോദിച്ചപ്പോഴാണ് സിനിമ ഇറങ്ങിയ കാര്യമറിഞ്ഞത്. ഡിസ്ട്രിബ്യൂട്ടേഴ്‌സ് അസോസിയേഷനുമായി ബന്ധപ്പെട്ടെങ്കിലും ശരിയാക്കാം എന്ന മറുപടി മാത്രമാണ് ലഭിച്ചത്. വ്യാഴാഴ്ച മഴ കാരണമാണ്…