ഊ​ര​ത്തൂ​ർ​പ​റ​മ്പി​ൽ നിന്നും പെൺകുട്ടിയുടെ മൃ​ത​ദേ​ഹ അ​വ​ശി​ഷ്ട​ങ്ങ​ൾ കിട്ടിയ സംഭവം;  അവിശിഷ്ടങ്ങൾക്കൊപ്പം കിട്ടിയ ​ബനി​യ​നിലും ലു​ങ്കിയിലും ര​ക്ത​ക്ക​റ​യു​ള്ള​താ​യി  ഫോ​റ​ൻ​സി​ക് റി​പ്പോ​ർ​ട്ട്

ശ്രീ​ക​ണ്ഠ​പു​രം: ഊ​ര​ത്തൂ​ർ​പ​റ​മ്പി​ൽ നി​ന്ന് മൃ​ത​ദേ​ഹ അ​വ​ശി​ഷ്ട​ങ്ങ​ളോ​ടൊ​പ്പം ല​ഭി​ച്ച വ​സ്ത്ര​ങ്ങ​ളി​ൽ ര​ക്ത​ക്ക​റ​യു​ള്ള​താ​യി ഫോ​റ​ൻ​സി​ക് റി​പ്പോ​ർ​ട്ട്. പ​രി​ശോ​ധ​ന റി​പ്പോ​ർ​ട്ട് ഫോ​റ​ൻ​സി​ക് അ​ധി​കൃ​ത​ർ ഇ​രി​ക്കൂ​ർ പോ​ലീ​സി​ന് കൈ​മാ​റി. ത​ല​യോ​ട്ടി​യും എ​ല്ലു​ക​ളും കീ​ഴ്ത്താ​ടി ഉ​ൾ​പ്പെ​ടു​ന്ന പ​ല്ലു​ക​ളു​മാ​ണ് ഊ​ര​ത്തൂ​ർ പ​റ​മ്പി​ൽ നി​ന്ന് ആ​ദ്യം ല​ഭി​ച്ചി​രു​ന്ന​ത്.

നാ​ട്ടു​കാ​രു​ടെ നേ​തൃ​ത്വ​ത്തി​ൽ തു​ട​ർ​ന്ന് ന​ട​ത്തി​യ തെ​ര​ച്ചി​ലി​ലാ​ണ് ബ​നി​യ​നും ലു​ങ്കി​യും സ​മീ​പ​ത്ത് നി​ന്ന് ല​ഭി​ച്ച​ത്.
ഇ​തോ​ടെ നേ​ര​ത്തെ പ്ര​ദേ​ശ​ത്ത് വാ​ട​ക​ക്ക് താ​മ​സി​ച്ചി​രു​ന്ന അ​സം സ്വ​ദേ​ശി​ക​ളെ കേ​ന്ദ്രീ​ക​രി​ച്ചും അ​ന്വേ​ഷ​ണം തു​ട​ങ്ങി. ക്വാ​റി-​നി​ർ​മാ​ണ മേ​ഖ​ല​യി​ൽ ജോ​ലി ചെ​യ്തി​രു​ന്ന പു​രു​ഷ​ൻ​മാ​രും സ്ത്രീ​ക​ളും ഉ​ൾ​പ്പെ​ടെ സം​ഘം ക​ഴി​ഞ്ഞ ജ​നു​വ​രി​യി​ലാ​ണ് ഇ​വി​ടു​ന്ന് താ​മ​സം മാ​റി​യ​ത്

. ഇ​തി​ൽ ചി​ല​ർ നാ​ട്ടി​ലെ​ത്തി​യെ​ങ്കി​ലും തു​ട​ർ​ന്ന് വി​വ​ര​ങ്ങ​ൾ ല​ഭ്യ​മ​ല്ലാ​ത്ത​വ​രും ഉ​ണ്ട്. ഇ​വ​രെ​ക്കു​റി​ച്ചാ​ണ് പോ​ലീ​സ് പ്ര​ധാ​ന​മാ​യും അ​ന്വേ​ഷി​ക്കു​ന്ന​ത്. കാ​ണാ​താ​യ അ​സം സ്വ​ദേ​ശി​ക​ളു​ടെ ബ​ന്ധു​ക്ക​ളു​ടെ ഡി​എ​ൻ​എ പ​രി​ശോ​ധി​ക്കാ​നും അ​ന്വേ​ഷ​ണ സം​ഘം ശ്ര​മം ന​ട​ത്തു​ന്നു​ണ്ട്.22നും 40​നും ഇ​ട​യി​ൽ പ്രാ​യ​മു​ള്ള സ്ത്രീ​യു​ടേ​താ​ണ് മൃ​ത​ദേ​ഹ അ​വ​ശി​ഷ്ട​ങ്ങ​ളെ​ന്നും മ​ര​ണ​പ്പെ​ട്ടി​ട്ട് ആ​റ് മാ​സ​ത്തോ​ള​മാ​യെ​ന്നും പ​രി​യാ​രം മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ നി​ന്നു​ള്ള പ​രി​ശോ​ധ​ന റി​പ്പോ​ർ​ട്ടി​ൽ വ്യ​ക്ത​മാ​ക്കി​യി​രു​ന്നു.

എ​ന്നാ​ൽ ക​ഴി​ഞ്ഞ ഒ​രു വ​ർ​ഷ​ത്തി​നു​ള​ളി​ൽ പ​ടി​യൂ​ർ പ​ഞ്ചാ​യ​ത്തി​ൽ ഈ ​പ്രാ​യ​ത്തി​ലു​ള്ള സ്ത്രീ​ക​ളാ​രും മ​രി​ച്ചി​ട്ടി​ല്ലെ​ന്നും കാ​ണാ​താ​യി​ട്ടി​ല്ലെ​ന്നും പ​ഞ്ചാ​യ​ത്ത് അ​ധി​കൃ​ത​രും അ​റി​യി​ച്ചി​രു​ന്നു. ഇ​ത്ത​ര​ത്തി​ലു​ള്ള കാ​ണാ​താ​യ പ​രാ​തി​ക​ൾ ര​ണ്ട് പ​ഞ്ചാ​യ​ത്തു​ക​ൾ ഉ​ൾ​പ്പെ​ടു​ന്ന ഇ​രി​ക്കൂ​ർ പോ​ലീ​സ് സ്റ്റേ​ഷ​നി​ലും ല​ഭി​ച്ചി​രു​ന്നി​ല്ല.

ക​ണ്ണൂ​ർ ജി​ല്ല​യി​ലെ മ​റ്റ് പോ​ലീ​സ് സ്റ്റേ​ഷ​നു​ക​ളി​ലും ഇ​ത്ത​ര​ത്തി​ൽ കാ​ണാ​താ​യ പ​രാ​തി​ക​ളൊ​ന്നും ല​ഭി​ച്ചി​ട്ടി​ല്ല. ഇ​തോ​ടെ​യാ​ണ് ഇ​ത​ര സം​സ്ഥാ​ന തൊ​ഴി​ലാ​ളി​ക​ളെ കേ​ന്ദ്രീ​ക​രി​ച്ച് അ​ന്വേ​ഷ​ണം ന​ട​ത്തു​ന്ന​ത്. ഇ​രി​ക്കൂ​ർ എ​സ്ഐ ര​ജീ​ഷ് തെ​രു​വ​ത്ത് പീ​ടി​ക​യി​ൽ, എ​എ​സ്ഐ ഇ.​വി. അ​ബ്ദു​ൾ റ​ഹ്മാ​ൻ എ​ന്നി​വ​രു​ടെ നേ​തൃ​ത്വ​ത്തി​ലാ​ണ് കേ​സ് അ​ന്വേ​ഷി​ക്കു​ന്ന​ത്.