ബേ​ക്ക​റി ഉ​ട​മ​യുടെയും ഓ​ട്ടോ ഡ്രൈ​വറുടെയും ല​ക്ഷ​ങ്ങ​ൾ തട്ടി; യു​വ​തി​ക്കെ​തി​രേ കേ​സ്

ക​ണ്ണൂ​ർ: ബേ​ക്ക​റി ഉ​ട​മ​യി​ൽനി​ന്നും കു​ടും​ബ​സു​ഹൃ​ത്താ​യ ഓ​ട്ടോ ഡ്രൈ​വ​റി​ൽനി​ന്നും 20 ല​ക്ഷം രൂ​പ വീ​തം ക​ടം​വാ​ങ്ങി വ​ഞ്ചി​ച്ചെ​ന്ന പ​രാ​തി​യി​ൽ യു​വ​തി​ക്കെ​തി​രേ കോ​ട​തി നി​ർ​ദേ​ശ പ്ര​കാ​രം പോ​ലീ​സ് കേ​സെ​ടു​ത്തു.

പൊ​ന്ന്യം കു​ണ്ടു​ചി​റ ഓം​കാ​ര​ത്തി​ൽ ദീ​പയ്​ക്കെ​തി​രെ​യാ​ണ് ത​ല​ശേ​രി ജു​ഡീ​ഷൽ ഫ​സ്റ്റ് ക്ലാ​സ് മ​ജി​സ്ട്രേ​ട്ട് കോ​ട​തി നി​ർ​ദേ​ശ പ്ര​കാ​രം ന്യൂ​മാ​ഹി, ത​ല​ശേ​രി പോ​ലീ​സ് കേ​സു​ക​ളെ​ടു​ത്ത​ത്.

മൈ​സൂ​രു​വി​ൽ ബേ​ക്ക​റി ന​ട​ത്തു​ന്ന വ​യ​ല​ളം സ്വ​ദേ​ശി ടി.​കെ. വി​കാ​സ്, ടെ​ന്പി​ൾ ഗേ​റ്റ് സ്വ​ദേ​ശി​യും ഓ​ട്ടോ ഡ്രൈ​വ​റു​മാ​യ ടി. ​ജ​നീ​ഷ് എ​ന്നി​വ​രു​ടെ പ​രാ​തി​യി​ലാ​ണ് ന​ട​പ​ടി.

വി​കാ​സി​ന്‍റെ പ​രാ​തി​യി​ൽ ന്യൂ​മാ​ഹി പോ​ലീ​സും ജ​നീ​ഷി​ന്‍റെ പ​രാ​തി​യി​ൽ ത​ല​ശേ​രി പോ​ലീ​സു​മാ​ണ് യു​വ​തി​ക്കെ​തി​രേ വി​ശ്വാ​സ വ​ഞ്ച​ന, ത​ട്ടി​പ്പ് എ​ന്നി​വ​യ്​ക്ക് കേ​സെ​ടു​ത്ത​ത്.

ത​ന്‍റെ സ​ഹോ​ദ​രി​ക്ക് അ​ധ്യാ​പി​ക​യാ​യി ചേ​രാ​ൻ വേ​ണ്ടി​യാ​ണെ​ന്നും ആ​റു മാ​സ​ത്തി​നു​ള്ളി​ൽ തി​രി​ച്ചു ന​ൽ​കു​മെ​ന്ന ഉ​റ​പ്പി​ലാ​ണ് 20 ല​ക്ഷം വാ​ങ്ങി​യ​തെ​ന്ന് വി​കാ​സ് ന​ൽ​കി​യ പ​രാ​തി​യി​ൽ പ​റ​യു​ന്നു.

പി​ന്നീ​ട് പ​ല​ത​വ​ണ പ​ണം തി​രി​ച്ചു ത​രാ​ൻ ആ​വ​ശ്യ​പ്പെ​ട്ടെ​ങ്കി​ലും ത​യാ​റാ​യി​ല്ലെ​ന്നും കേ​സ് ന​ൽ​കു​മെ​ന്ന് പ​റ​ഞ്ഞ​പ്പോ​ൾ ക​ടം കൊ​ടു​ത്ത പ​ണ​ത്തി​ന് ഉ​പ​യോ​ഗ​ത്തി​ലി​ല്ലാ​ത്ത ബാ​ങ്ക് ചെ​ക്ക് ന​ൽ​കിയെന്നും പറയുന്നു.

വീ​ടും സ്ഥ​ല​വും ജ​പ്തി ഭീ​ഷ​ണി​യി​ലാ​ണെ​ന്നും ആ​ത്മ​ഹ​ത്യ​യ​ല്ലാ​തെ മ​റ്റു മാ​ർ​ഗ​മി​ല്ലെ​ന്നും പ​റ​ഞ്ഞ് ത​ന്നെ സ​മീ​പി​ച്ച​തി​നെ തു​ട​ർ​ന്നാ​ണ് കു​ടും​ബ​സു​ഹൃ​ത്തും നേ​ര​ത്തെ അ​യ​ൽ​ക്കാ​രി​യു​മാ​യി​രു​ന്ന യു​വ​തി​യെ 20 ല​ക്ഷം രൂ​പ ന​ൽ​കി സ​ഹാ​യി​ച്ച​തെ​ന്നാ​ണ് ജ​നീ​ഷി​ന്‍റെ പ​രാ​തി.

പ​ണം തി​രി​ച്ചു ത​രാ​ൻ ആ​വ​ശ്യ​പ്പെ​ട്ട​പ്പോ​ൾ ഉ​പ​യോ​ഗ​ത്തി​ലി​ല്ലാ​ത്ത ചെ​ക്കാണത്രെ ന​ൽ​കിയത്. അ​ഡ്വ. വി​നോ​ദ് കു​മാ​ർ ച​ന്പ​ളോ​ൻ മു​ഖേ​ന​യാ​ണ് കോ​ട​തി​യി​ൽ പ​രാ​തി സ​മ​ർ​പ്പി​ച്ച​ത്.