തൃ​ക്ക​രി​പ്പൂ​ർ റെ​യി​ൽ​വേ സ്റ്റേ​ഷ​നി​ൽ പാ​ർ​ക്കിം​ഗി​ന്‍റെ പേ​രി​ൽ  പി​ടി​ച്ചുപ​റി; പ്രതിഷേധിക്കാനൊരുങ്ങി യാത്രക്കാർ

തൃ​ക്ക​രി​പ്പൂ​ർ: മേ​ൽ​ക്കൂ​ര​യോ പാ​ർ​ക്ക് ചെ​യ്യാ​ൻ സൗ​ക​ര്യ​മോ ഏ​ർ​പ്പെ​ടു​ത്താ​തെ റെ​യി​ൽ​വേ അ​ധി​കൃ​ത​ർ പാ​ർ​ക്കിം​ഗി​ന്‍റെ പേ​രി​ൽ പി​ടി​ച്ചു​പ​റി ന​ട​ത്തു​ന്നു. തൃ​ക്ക​രി​പ്പൂ​ർ റെ​യി​ൽ​വേ സ്റ്റേ​ഷ​നി​ലാ​ണ് എ​ങ്ങും കാ​ണാ​ത്ത പാ​ർ​ക്കിം​ഗ് ഫീ​സ് ഈ​ടാ​ക്ക​ൽ. റെ​യി​ൽ​വേ സ്റ്റേ​ഷ​ന് പി​ന്നി​ലെ കാ​ട് പി​ടി​ച്ച ഭാ​ഗ​ത്ത് പാ​ർ​ക്ക് ചെ​യ്ത കാ​റു​ക​ൾ​ക്കും ഇ​രു​ച​ക്ര വാ​ഹ​ങ്ങ​ൾ​ക്കു​മാ​ണ് ഇ​ന്ന​ലെ മു​ത​ൽ ഫീ​സ് ഈ​ടാ​ക്കാ​ൻ തു​ട​ങ്ങി​യ​ത്.

പാ​മ്പു​ൾ​പ്പെ​ടെ​യു​ള്ള ഇ​ഴജ​ന്തു​ക്ക​ൾ വി​ഹ​രി​ക്കു​ന്ന റെ​യി​ൽ​വേ സ്റ്റേ​ഷ​ന്‍റെ പ​ഴ​യ കെ​ട്ടി​ട​ത്തി​ന് പി​ന്നി​ൽ നി​ര​വ​ധി ഇ​രു​ച​ക്ര വാ​ഹ​ന​ങ്ങ​ളും കാ​റു​ക​ളും പാ​ർ​ക്ക് ചെ​യ്യാ​റു​ണ്ട്. കൂ​ടു​ത​ൽ വാ​ഹ​ന​ങ്ങ​ൾ എ​ത്തി​യാ​ൽ റെ​യി​ൽ​വേ​യു​ടെ ജീ​വ​ന​ക്കാ​ർ​ക്ക് പ​ണി​ത റെ​സ്റ്റ് റൂം ​ഉ​ൾ​പ്പെ​ടെ​യു​ള്ള സ്ഥ​ല​ങ്ങ​ളി​ൽ വാ​ഹ​നം നി​ർ​ത്തി​യി​ട്ട് ക​ണ്ണൂ​രി​ലേ​ക്കും കാ​സ​ർ​ഗോ​ഡി​ന്‍റെ വി​വി​ധ മേ​ഖ​ല​ക​ളി​ലേ​ക്കും അ​ധ്യാ​പ​ക​രും ജീ​വ​ന​ക്കാ​രും അ​തോ​ടൊ​പ്പം മം​ഗ​ളൂ​രു​വി​ലേ​ക്ക് ആ​ശു​പ​ത്രി​ക​ളി​ൽ ചി​കി​ത്സ തേ​ടി പോ​കു​ന്ന​വ​രു​മു​ണ്ട്.

എ​ന്നാ​ൽ കാ​ട് നീ​ക്കി വെ​യി​ലും മ​ഴ​യു​മേ​ൽ​ക്കാ​ത്ത രീ​തി​യി​ൽ പാ​ർ​ക്കിം​ഗി​ന് സൗ​ക​ര്യ​മൊ​രു​ക്കി​യി​ല്ലെ​ന്നു മാ​ത്ര​മ​ല്ല മ​ണി​ക്കൂ​ർ നി​ര​ക്കി​ൽ ഫീ​സും വാ​ങ്ങിത്തു​ട​ങ്ങി. ട്രെ​യി​ൻ യാ​ത്ര​ക്കാ​രു​ടെ വി​വി​ധ സം​ഘ​ട​ന​ക​ളും നാ​ട്ടു​കാ​രും പ്ര​തി​ഷേ​ധ​വു​മാ​യി ഇ​റ​ങ്ങി​യി​ട്ടു​മു​ണ്ട്.

രാ​ത്രി​യും രാ​വി​ലെ​യും മ​ല​ബാ​ർ എ​ക്സ്പ്ര​സ്, പാ​സ​ഞ്ച​ർ ട്രെ​യി​നു​ക​ളും മ​റ്റു സ​മ​യ​ങ്ങ​ളി​ൽ കോ​യ​മ്പ​ത്തൂ​ർ ഫാ​സ്റ്റ്, തി​രു​വ​ന​ന്ത​പു​രം-​മം​ഗ​ളൂ​രു എ​ക്സ്പ്ര​സ് എ​ന്നി​വയ്​ക്കും സ്റ്റോ​പ്പു​ള്ള തൃ​ക്ക​രി​പ്പൂ​ർ സ്റ്റേ​ഷ​നെ നൂ​റു​ക​ണ​ക്കി​ന് യാ​ത്ര​ക്കാ​രാ​ണ് ആ​ശ്ര​യി​ക്കു​ന്ന​ത്.

തൃ​ക്ക​രി​പ്പൂ​ർ ടൗ​ൺ ഭാ​ഗ​ത്ത് ജ​ന​ങ്ങ​ളു​ടെ സ​ഹ​ക​ര​ണ​ത്തോ​ടെ തൃ​ക്ക​രി​പ്പൂ​ർ റോ​ട്ട​റി ക്ല​ബ് പാ​ർ​ക്കിം​ഗ് ഏ​രി​യ നി​ർ​മി​ച്ചു സൗ​ക​ര്യ​മൊ​രു​ക്കി​യെ​ങ്കി​ലും ഇ​വി​ടെ മേ​ൽ​ക്കൂ​ര​യി​ല്ല. വാ​ഹ​ന​ങ്ങ​ൾ​ക്ക് മു​ക​ളി​ൽ മ​ര​ങ്ങ​ൾ വീ​ണു​ള്ള അ​പ​ക​ട​ങ്ങ​ൾ ഒ​ഴി​വാ​ക്കാ​ൻ ന​ട​പ​ടി ഇ​നി​യു​മാ​യി​ട്ടി​ല്ല. മ​ര​ത്തി​ന്‍റെ ചി​ല്ല​ക​ൾ മു​റി​ച്ചു​മാ​റ്റു​മ്പോ​ൾ പ​രി​സ്ഥി​തി പ്ര​വ​ർ​ത്ത​ക​ർ പ്ര​തി​ഷേ​ധ​വു​മാ​യി എ​ത്തു​മെ​ന്ന ആ​ശ​ങ്ക​യി​ലാ​ണ് മേ​ൽ​ക്കൂ​ര നി​ർ​മാ​ണം ന​ട​ക്കാത്തതെ​ന്നാ​ണ് അ​ധി​കൃ​ത​ർ ന​ൽ​കു​ന്ന വി​വ​രം.

ഇ​രു​ച​ക്ര വാ​ഹ​മങ്ങ​​ൾ​ക്ക് മി​നി​മം പ​ത്തു രൂ​പ​യും കാ​റു​ക​ൾ​ക്ക് 20 രൂ​പ​യു​മാ​ണ് പാ​ർ​ക്കിം​ഗ് നി​ര​ക്ക്. വി​വി​ധ യാ​ത്ര​ക്കാ​രു​ടെ സം​ഘ​ട​ന​ക​ളു​ടെ നേ​തൃ​ത്വ​ത്തി​ൽ യാ​ത്ര​ക്കാ​ർ ഇ​ന്നു മു​ത​ൽ ഫീ​സ് ന​ൽ​കാ​തെ പ്ര​തി​ഷേ​ധി​ക്കാ​നാ​ണ് തീ​രു​മാ​ന​മെ​ടു​ത്തി​ട്ടു​ള്ള​ത്.