കോ​ടി​ക​ളു​ടെ ന​ഷ്ടം; ചൂ​ര​ക്കാ​ട്ടെ സ്ഫോ​ട​ന​ത്തി​ന്‍റെ ഉ​ത്ത​ര​വാ​ദി​ക​ള്‍ ന​ഷ്ട​പ​രി​ഹാ​രം ന​ല്‍​ക​ണം; 8 വീ​ടു​ക​ള്‍ പൂ​ര്‍​ണ​മാ​യും 40 വീ​ടു​ക​ള്‍​ ഭാ​ഗീ​ക​മാ​യും തകർന്നെന്ന് നാ​ട്ടു​കാ​ർ

തൃ​പ്പൂ​ണി​ത്തു​റ: ചൂ​ര​ക്കാ​ട്ടെ ശ​ക്ത​മാ​യ പൊ​ട്ടി​ത്തെ​റി​യി​ൽ നി​ര​വ​ധി വീ​ടു​ക​ൾ​ക്കാ​ണ് ഗു​രു​ത​ര​മാ​യ ത​ക​രാ​റു​ക​ൾ സം​ഭ​വി​ച്ചി​ട്ടു​ള്ള​ത്. 8 വീ​ടു​ക​ള്‍ പൂ​ര്‍​ണ​മാ​യും ത​ക​ര്‍​ന്ന അ​വ​സ്ഥ​യി​ലും 40 വീ​ടു​ക​ള്‍​ക്ക് ഭാ​ഗീ​ക​മാ​യും നാ​ശ​ന​ഷ്ട​മു​ണ്ടാ​യി​ട്ടു​ണ്ട്.

എ​ല്ലാം പ​ഴ​യ​പ​ടി​യാ​കാ​ൻ കോ​ടി​ക​ൾ ചെ​ല​വ് വ​രും. സ്ഫോ​ട​ന​ത്തി​ന്‍റെ ഉ​ത്ത​ര​വാ​ദി​ക​ള്‍ ന​ഷ്ട​പ​രി​ഹാ​രം ന​ല്‍​ക​ണ​മെ​ന്നാ​ണ് വീ​ട് ത​ക​ര്‍​ന്ന​വ​ര്‍ ആ​വ​ശ്യ​പ്പെ​ടു​ന്ന​ത്.

അ​മ്പ​ല​ക​മ്മ​റ്റി​ക്കാ​ണ് പൂ​ര്‍​ണ ഉ​ത്ത​ര​വാ​ദി​ത്ത​മെ​ന്ന് ന​ഗ​ര​സ​ഭാ കൗ​ണ്‍​സി​ല​ര്‍​മാ​ര​ട​ക്കം ത​റ​പ്പി​ച്ച് പ​റ​യു​ന്നു. വെ​ടി​ക്കെ​ട് ന​ട​ക്കു​ന്ന മേ​ഖ​ല​യി​ല്‍ ഇ​ന്‍​ഷു​റ​ന്‍​സ് എ​ടു​ക്ക​ണ​മെ​ന്ന് ച​ട്ട​മു​ണ്ട്.

പു​തി​യ​കാ​വി​ല്‍ ക​രി​മ​രു​ന്ന് പ്ര​യോ​ഗം ന​ട​ക്കു​ന്ന മൈ​താ​ന​ത്തി​ന് ചു​റ്റും ഇ​ന്‍​ഷു​റ​ന്‍​സ് ഉ​ണ്ടെ​ന്നാ​ണ് വി​വ​രം. എ​ന്നാ​ല്‍ ക​ഴി​ഞ്ഞ ദി​വ​സം സ്ഫോ​ട​ന​മു​ണ്ടാ​യ പ്ര​ദേ​ശം ഇ​ന്‍​ഷു​റ​ന്‍​സ് പ​രി​ധി​ക്ക് പു​റ​ത്താ​ണ് താ​നും.

മെ​ഡി​ക്ക​ൽ പ​രി​ശോ​ധ​ന 
തൃ​പ്പൂ​ണി​ത്തു​റ: സ്ഫോ​ട​ന​ത്തി​ന്‍റെ പ​ശ്ചാ​ത്ത​ല​ത്തി​ൽ ആ​ളു​ക​ളു​ടെ മാ​ന​സി​കാ​രോ​ഗ്യം പ​രി​ശോ​ധി​ക്കാ​ൻ ഇ​ന്ന് ചൂ​ര​ക്കാ​ട് ക്യാ​മ്പി​ൽ സൈ​ക്കോ​ള​ജി​സ്റ്റ്, സൈ​ക്കാ​ട്രി​സ്റ്റ് ഉ​ൾ​പ്പെ​ടെ​യു​ള്ള​വ​രു​ടെ വി​ദ​ഗ്ധ സേ​വ​നം തൃ​പ്പൂ​ണി​ത്തു​റ​ന​ഗ​ര​സ​ഭ ല​ഭ്യ​മാ​ക്കി​യി​ട്ടു​ണ്ട്.

5 വ​യ​സി​ൽ താ​ഴെ​യു​ള്ള കു​ട്ടി​ക​ൾ​ക്കും കേ​ൾ​വി​ക്ക് പ്ര​ശ്ന​മു​ണ്ടാ​യ​വ​ർ​ക്കും പ്ര​ത്യേ​ക ശ്ര​വ​ണ പ​രി​ശോ​ധ​ന തു​ട​ർ​ച്ച​യാ​യി ന​ട​ത്തു​ന്നു​ണ്ട്. കൂ​ടാ​തെ ജൂ​നി​യ​ർ ഹെ​ൽ​ത്ത് ഇ​ൻ​സ്പെ​പെ​ക്ട​ർ, ജൂ​നി​യ​ർ ഹെ​ൽ​ത്ത് ന​ഴ്‌​സ്, എം​എ​ൽ​എ​സ്പി ന​ഴ്‌​സ്, ആ​ശ വ​ർ​ക്ക​ർ, വൊ​ള​ന്‍റി​യ​ർ എ​ന്നി​വ​രു​ൾ​പ്പെ​ടു​ന്ന സം​ഘ​ങ്ങ​ൾ ചൂ​ര​ക്കാ​ട് ഭാ​ഗ​ത്തെ 28, 29, 31 വാ​ർ​ഡു​ക​ളി​ൽ രാ​വി​ലെ മു​ത​ൽ ഭ​വ​ന സ​ന്ദ​ർ​ശ​നം ന​ട​ത്തു​ന്നു​ണ്ട്.

കേ​ൾ​വി സം​ബ​ന്ധ​മാ​യ പ്ര​ശ്ന​ങ്ങ​ൾ പ​രി​ശോ​ധി​ക്കാ​ൻ ഓ​ഡി​യോ​ള​ജി​സ്റ്റ് ഉ​ൾ​പ്പെ​ടെ​യു​ള്ള മെ​ഡി​ക്ക​ൽ വി​ദ​ഗ​ധ​രു​ടെ സേ​വ​ന​വും ല​ഭ്യ​മാ​ക്കു​ന്നു​ണ്ട്.

നാലുപേർ അറസ്റ്റിൽ
തൃ​പ്പൂ​ണി​ത്തു​റ: ചൂ​ര​ക്കാ​ട് അ​ന​ധി​കൃ​ത​മാ​യി സ്ഫോ​ട​ന വ​സ്തു​ക്ക​ൾ ശേ​ഖ​രി​ച്ച കെ​ട്ടി​ട​ത്തി​ലു​ണ്ടാ​യ സ്ഫോ​ട​ന​ത്തി​നി​ടെ ര​ണ്ടു പേ​ർ മ​രി​ക്കാ​നി​ട​യാ​യ സം​ഭ​വ​ത്തി​ൽ അ​റ​സ്റ്റ് ചെ​യ്ത നാ​ലു പേ​രെ ഇ​ന്ന് കോ​ട​തി​യി​ൽ ഹാ​ജ​രാ​ക്കും.

ക​ര​യോ​ഗം ഭാ​ര​വാ​ഹി​ക​ളാ​യ സ​തീ​ശ​ൻ, ശ​ശി​കു​മാ​ർ, ക​രാ​റു​കാ​ര​ന്‍റെ തൊ​ഴി​ലാ​ളി​ക​ളാ​യ വി​നീ​ത്, വി​നോ​ദ് എ​ന്നി​വ​രെ​യാ​ണ് ഹി​ൽ​പാ​ല​സ് പോ​ലീ​സ് അ​റ​സ്റ്റ് ചെ​യ്ത​ത്. ഇ​വ​ർ​ക്കെ​തി​രേ എ​ക്പ്ലോ​സീ​വ് ആ​ക്ട്, മ​ന:​പ്പൂ​ർ​വ്വ​മ​ല്ലാ​ത്ത ന​ര​ഹ​ത്യ​ക്കു​റ്റം എ​ന്നി​വ​യാ​ണ് ചു​മ​ത്തി​യി​ട്ടു​ള്ള​ത്.

സ്ഫോ​ട​ക വ​സ്തു​ക്ക​ൾ തി​രു​വ​ന​ന്ത​പു​ര​ത്തു​നി​ന്ന് എ​ത്തി​ച്ച​വ​രെ കേ​ന്ദ്രീ​ക​രി​ച്ചും അ​ന്വേ​ഷ​ണ​മു​ണ്ട്. അ​തി​നി​ടെ, ക​രാ​റു​കാ​ർ​ക്കെ​തി​രേ പോ​ത്ത​ൻ​കോ​ട് പോ​ലീ​സും കേ​സെ​ടു​ത്തു. അ​ന​ധി​കൃ​ത​മാ​യി സ്ഫോ​ട​ക വ​സ്തു​ക്ക​ൾ സൂ​ക്ഷി​ച്ച​തി​നാ​ണ് കേ​സെ​ടു​ത്ത​ത്.

ആ​ദ​ർ​ശി​ന്‍റെ സ​ഹോ​ദ​ര​ൻ അ​ഖി​ലി​നെ​തി​രെ​യാ​ണ് കേ​സെ​ടു​ത്തി​രി​ക്കു​ന്ന​ത്. ക​രാ​റു​കാ​ര​ൻ ആ​ദ​ർ​ശി​ന്‍റെ സ​ഹോ​ദ​ര​ന്‍റെ പേ​രി​ൽ വാ​ട​ക​ക്കെ​ടു​ത്ത വീ​ട്ടി​ലാ​ണ് സ​ഫോ​ട​ക വ​സ്തു​ക്ക​ൾ ശേ​ഖ​രി​ച്ച​ത്.