തുമ്പോളിയിൽ വൃ​ദ്ധ​യെ വീ​ടി​നു​മു​ന്നി​ൽ മ​രി​ച്ച നി​ല​യി​ൽ ക​ണ്ടെ​ത്തി​യ സം​ഭ​വം; ദു​രൂ​ഹ​തയുണ്ടോന്ന് ഫോ​റ​ൻ​സി​ക് പരിശോധനയിൽ അറിയാമെന്ന്  പോ​ലീസ്

ആ​ല​പ്പു​ഴ: തു​ന്പോ​ളി പ​ള്ളി​ക്ക് സ​മീ​പം വൃ​ദ്ധ​യെ വീ​ടി​നു​മു​ന്നി​ൽ ചോ​ര​വാ​ർ​ന്ന് മ​രി​ച്ച നി​ല​യി​ൽ ക​ണ്ടെ​ത്തി​യ സം​ഭ​വ​ത്തി​ൽ ദു​രൂ​ഹ​ത​യൊ​ന്നു​മി​ല്ലെ​ന്ന് പോ​ലീ​സ്. രാ​ത്രി ഗേ​റ്റ് അ​ട​യ്ക്കാ​നാ​യി പു​റ​ത്തേ​ക്കി​റ​ങ്ങ​വെ കാ​ർ പോ​ർ​ച്ചി​ൽ തെ​ന്നി ത​ല​യ​ടി​ച്ചു​വീ​ണ​തി​നെ തു​ട​ർ​ന്ന് ഹൃ​ദ​യാ​ഘാ​ത​മു​ണ്ടാ​യ​താകാ​മെ​ന്നാ​ണ് പോ​ലീ​സി​ന്‍റെ നി​ഗ​മ​നം.

മൃ​ത​ദേ​ഹ​ത്തി​നു സ​മീ​പം ഗേ​റ്റി​ന്‍റെ താ​ഴും താ​ക്കോ​ലും ക​ണ്ടെ​ത്തി​യി​രു​ന്നു. ഫോ​റ​ൻ​സി​ക് വി​ര​ല​ട​യാ​ള വി​ദ​ഗ്ധ​ർ സ്ഥ​ലം പ​രി​ശോ​ധി​ച്ചു. ശേ​ഖ​രി​ച്ച സാ​ന്പി​ളു​ക​ൾ പ​രി​ശോ​ധ​ന​യ്ക്ക് അ​യ​ച്ചി​രി​ക്കു​ക​യാ​ണെ​ന്ന് പോ​ലീ​സ് അ​റി​യി​ച്ചു.
തു​ന്പോ​ളി കൊ​ച്ചു​തൈ​യിൽ വീ​ട്ടി​ൽ മ​റി​യാ​മ്മ രാ​ജ​പ്പ​ൻ (79) ആ​ണ് ഇ​ന്ന​ലെ പു​ല​ർ​ച്ചെയോ​ടെ വീ​ടി​നു​മു​ന്നി​ലെ കാ​ർ​പോ​ർ​ച്ചി​ൽ ര​ക്തം വാ​ർ​ന്ന നി​ല​യി​ൽ ക​ണ്ടെ​ത്തി​യ​ത്.

പു​ല​ർ​ച്ചെ പ​ത്ര​വി​ത​ര​ണ​ത്തി​നെ​ത്തി​യ ആ​ളാ​ണ് വൃ​ദ്ധ​യെ മ​രി​ച്ച നി​ല​യി​ൽ ക​ണ്ട​ത്. തു​ട​ർ​ന്ന് പോ​ലീ​സി​ൽ അ​റി​യി​ക്കു​ക​യാ​യി​രു​ന്നു. ഭ​ർ​ത്താ​വ് മ​രി​ച്ച ഇ​വ​ർ മ​ക്ക​ളി​ല്ലാ​ത്ത​തി​നാ​ൽ കു​റേ വ​ർ​ഷ​ങ്ങ​ളാ​യി ബ​ന്ധു​ക്ക​ളു​ടെ കൂ​ടെ​യാ​യി​രു​ന്നു താ​മ​സം.

ബ​ന്ധു​വി​ന്‍റെ ചി​കി​ത്സ​യു​ടെ ആ​വ​ശ്യ​ത്തി​നാ​യി വീ​ട്ടി​ലു​ള്ള​വ​ർ തി​രു​വ​ന​ന്ത​പു​ര​ത്ത് പോ​യ​തി​നാ​ൽ ര​ണ്ടു​മൂ​ന്നു​ദി​വ​സ​മാ​യി ബ​ന്ധു​വി​ന്‍റെ വീ​ടാ​യ സ​മീ​പ​ത്തെ തോ​ട്ട​ത്തി​ൽ​വീ​ട്ടി​ൽ ഒ​റ്റ​യ്ക്കാ​ണ് ക​ഴി​ഞ്ഞ​ത്. ശ​രീ​ര​ത്തി​ലെ ചി​ല ഭാ​ഗ​ങ്ങ​ളി​ൽ മാം​സം അ​ട​ർ​ന്ന നി​ല​യി​ൽ കാ​ണ​പ്പെ​ട്ട​ത് നാ​യ ക​ടി​ച്ച​താ​കാ​മെ​ന്നു ക​രു​തു​ന്നു.