തിരുവനന്തപുരം: മന്ത്രി ഒ.ജെ. ജനീഷിന്‍റെ വാഹനം ആക്രമിക്കപ്പെട്ട സംഭവം അംഗീകരിക്കാനാകില്ലെന്ന് മുഖ്യമന്ത്രി വി.ഡി.സതീശൻ. സിപിഎം നേതൃത്വത്തിന്‍റെ അറിവോടെയാണ് മന്ത്രിക്കെതിരെ ആക്രമണമുണ്ടായതെന്നും മുഖ്യമന്ത്രി പറഞ്ഞു.
ആക്രമണത്തിന് പിന്നിലെ ഗൂഢാലോചന വ്യക്തമാണ്. മന്ത്രിയെ ആക്രമിച്ച ക്രിമിനലുകളെയും ഗൂഢാലോചന നടത്തിയ സിപിഎം-ഡിവൈഎഫ്ഐ നേതാക്കളെയും നിയമത്തിന് മുന്നില്‍ കൊണ്ടു വരിക തന്നെ ചെയ്യുമെന്നും വി.ഡി.സതീശൻ വ്യക്തമാക്കി.
മന്ത്രിയെ ലക്ഷ്യമിട്ട് നിരവധി തവണ വാഹനത്തിനു നേരെ ആക്രമണമുണ്ടായെന്ന് മുഖ്യമന്ത്രി പ്രതികരിച്ചു. മുഖ്യമന്ത്രിയായിരിക്കെ ഉമ്മന്‍ ചാണ്ടിക്കെതിരെ നടത്തിയ ആക്രമണത്തിന്‍റെ തുടര്‍ച്ചയാണ് പയ്യന്നൂരിലും തളിപ്പറമ്പിലും കണ്ടതെന്നും അദ്ദേഹം ആരോപിച്ചു.
