കാ​രു​ണ്യ​ത്തി​ന്‍റെ ക​രു​ത​ല്‍! അ​ര​യ്ക്കു​താ​ഴെ ത​ള​ർ​ന്ന വൃ​ദ്ധ​മാ​താ​വി​നെ മ​ക​ൻ ക​യ്യൊ​ഴി​ഞ്ഞു; അ​മ്മ​യ്ക്ക് പോ​ലീ​സ് മക്കളായി

വ​ട​ക​ര: അ​ര​യ്ക്കു​താ​ഴെ ത​ള​ർ​ന്ന വൃ​ദ്ധ​മാ​താ​വി​നെ മ​ക​ൻ ക​യ്യൊ​ഴി​ഞ്ഞ​തോ​ടെ ജ​ന​മൈ​ത്രി പോ​ലി​സ് ര​ക്ഷ​ക​രാ​യി. പു​തു​പ്പ​ണം പാ​ലോ​ളി​പ്പാ​ലം തെ​ക്കെ കൊ​യി​ലോ​ത്ത് വ​യ​ലി​ൽ ദേ​വി​ക്കാ​ണ് (65) കാ​രു​ണ്യ​ത്തി​ന്‍റെ ക​രു​ത​ലു​മാ​യി വ​ട​ക​ര പോ​ലി​സ് എ​ത്തി​യ​ത്. ബ​ന്ധു​ക്ക​ളാ​രും തി​രി​ഞ്ഞു നോ​ക്കാ​തെ വ​ന്ന​തോ​ടെ ഈ ​അ​മ്മ​യെ പോ​ലീ​സ് ത​ണ​ൽ അ​ഭ​യ​കേ​ന്ദ്ര​ത്തി​ലേ​ക്ക് മാ​റ്റി.

ദേ​വി​യു​ടെ ദ​യ​നീ​യാ​വ​സ്ഥ ക​ണ്ട പോ​ലി​സ് വൈ​ക്കി​ല​ശേ​രി റോ​ഡി​ൽ വാ​ട​ക​യ്ക്ക് താ​മ​സി​ക്കു​ന്ന മ​ക​നെ വി​ളി​ച്ചു​വ​രു​ത്തി കാ​ര്യ​ങ്ങ​ൾ അ​റി​യി​ച്ചി​രു​ന്നു. തു​ട​ർ​ന്ന് കു​റ​ച്ചു​ദി​വ​സം അ​മ്മ​യെ ശു​ശ്രൂ​ഷി​ച്ചെ​ങ്കി​ലും പി​ന്നീ​ട് ദേ​വി​യു​ടെ അ​സു​ഖ​ബാ​ധി​ത​യാ​യ അ​നു​ജ​ത്തി​യു​ടെ വീ​ട്ടി​ലാ​ക്കി ഇ​യാ​ൾ ക​യ്യൊ​ഴി​ഞ്ഞു. അ​നു​ജ​ത്തി​യാ​വ​ട്ടെ മ​ക്ക​ളോ​ടൊ​പ്പം പോ​യ​തോ​ടെ ദേ​വി​യു​ടെ അ​വ​സ്ഥ ദ​യ​നീ​യ​മാ​യി. പ​രി​സ​ര​വാ​സി​ക​ളാ​യി​രു​ന്നു ഭ​ക്ഷ​ണം കൊ​ടു​ത്തി​രു​ന്ന​ത്.

കൈ​യ്ക്ക് സ്വാ​ധീ​ന​ക്കു​റ​വ് കാ​ര​ണം പ​ര​സ​ഹാ​യ​മി​ല്ലാ​തെ ഒ​ന്നും ചെ​യ്യാ​ൻ ക​ഴി​ഞ്ഞി​ല്ല. പ്രാ​ഥ​മി​ക കൃ​ത്യം ചെ​യ്യാ​ൻ പോ​ലും ബു​ദ്ധി​മു​ട്ടു​ന്ന ദേ​വി​യു​ടെ ദ​യ​നീ​യാ​വ​സ്ഥ വാ​ർ​ഡ് കൗ​ണ്‍​സി​ല​ർ ബീ​ന കു​നി​യി​ൽ അ​റി​യി​ച്ച​തു പ്ര​കാ​ര​മാ​ണ് ജ​ന​മൈ​ത്രീ പോ​ലി​സ് ഇ​ട​പെ​ടു​ന്ന​ത്. ജ​ന​മൈ​ത്രി ബീ​റ്റ് ഓ​ഫീ​സ​ർ​മാ​രാ​യ പി.​ടി.​സ​ജി​ത്ത്, എം.​വി.​ഷി​നി, ഷി​നി​ൽ എ​ന്നി​വ​രാ​ണ് മ​നു​ഷ്യ​ത്വ​ത്തി​ന്‍റെ ക​ര​സ്പ​ർ​ശ​വു​മാ​യി എ​ത്തി​യ​ത്. ദേ​വി​യെ പ​രി​ച​രി​ക്കാ​നും ആ​ശ്വാ​സം പ​ക​രാ​നും ഇ​വ​ർ ശ്ര​ദ്ധി​ച്ചു.

ദേ​വി​യെ ജ​ന​മൈ​ത്രി പോ​ലി​സെ​ത്തി നാ​ട്ടു​കാ​രു​ടെ സ​ഹാ​യ​ത്താ​ൽ കു​ളി​പ്പി​ച്ച് വൃ​ത്തി​യാ​ക്കി. സ​ഹോ​ദ​ര​ങ്ങ​ളേ​യും ഇ​വ​രു​ടെ മ​ക്ക​ളെ​യും പോ​ലീ​സ് ബ​ന്ധ​പ്പെ​ട്ടെ​ങ്കി​ലും വി​സ​മ്മ​തം അ​റി​യി​ച്ച​തോ​ടെ​യാ​ണ് ദേ​വി​യെ എ​ട​ച്ചേ​രി ത​ണ​ൽ അ​ഗ​തി മ​ന്ദി​ര​ത്തി​ലേ​ക്ക് മാ​റ്റി​യ​ത്. ഇ​വ​രു​ടെ മ​ക​നെ​തി​രെ നി​യ​മ​ന​ട​പ​ടി വീ​ക​രി​ക്കു​മെ​ന്ന് പോ​ലി​സ് അ​റി​യി​ച്ചു.