വി​ല​ക്ക​യ​റ്റ​ത്തി​ന് ത​ട​യി​ടാ​ൻ  ഹോർട്ടി കോർപ്പ്; ക​ർ​ഷ​ക​ സം​ഘ​ങ്ങ​ളി​ൽ നി​ന്ന് ഇ​ട​നി​ല​ക്കാ​രി​ല്ലാ​തെ പ​ച്ച​ക്ക​റി​ക​ൾ വാ​ങ്ങും; ആദ്യമെത്തുന്നത് മൂന്ന് ജില്ലകളിൽ

തി​രു​വ​ന​ന്ത​പു​രം: പ​ച്ച​ക്ക​റി വി​ല​ക്ക​യ​റ്റ​ത്തി​ന് ത​ട​യി​ടാ​ൻ അ​ന്യ​സം​സ്ഥാ​ന​ത്ത് നി​ന്നും കു​ടു​ത​ൽ പ​ച്ച​ക്ക​റി​ക​ൾ അ​ടു​ത്ത​യാ​ഴ്ച മു​ത​ൽ സം​സ്ഥാ​ന​ത്തെ​ത്തും .

ഹോ​ർ​ട്ടി​കോ​ർ​പ്പ് അ​ധി​കൃ​ത​ർ തെ​ങ്കാ​ശി​യി​ലെ ക​ർ​ഷ​ക​സം​ഘ​ങ്ങ​ളി​ൽ നി​ന്നും ഇ​ട​നി​ല​ക്കാ​രി​ല്ലാ​തെ പ​ച്ച​ക്ക​റി​ക​ൾ വാ​ങ്ങാ​ൻ ധാ​ര​ണ​യാ​യ സാ​ഹ​ച​ര്യ​ത്തി​ലാ​ണ് കൂ​ടു​ത​ൽ പ​ച്ച​ക്ക​റി​ക​ൾ കേ​ര​ള​ത്തി​ലെ​ത്തു​ന്ന​ത്. കോ​ട്ട​യം, ആ​ല​പ്പു​ഴ, എ​റ​ണാ​കു​ളം ജി​ല്ല​ക​ളി​ലാ​ണ് ആ​ദ്യ ലോ​ഡു​ക​ൾ എ​ത്തു​ന്ന​ത്.

പി​ന്നീ​ട് തി​രു​വ​ന​ന്ത​പു​രം, കൊ​ല്ലം, പ​ത്ത​നം​തി​ട്ട, ഇ​ടു​ക്കി, ക​ണ്ണൂ​ർ ഉ​ൾ​പ്പെ​ടെ​യു​ള്ള ജി​ല്ല​ക​ളി​ലെ ഹോ​ർ​ട്ടി​കോ​ർ​പ്പി​ന്‍റെ സെ​ന്‍റ​റു​ക​ളി​ൽ നി​ന്നും സം​സ്ഥാ​ന​ത്തെ എ​ല്ലാ ഒൗ​ട്ട് ലെ​റ്റു​ക​ളി​ലേ​ക്കും എ​ത്തി​ക്കാ​നാ​ണ് ന​ട​പ​ടി​ക​ൾ സ്വീ​ക​രി​ച്ചി​രി​ക്കു​ന്ന​ത്.

ദി​നം​പ്ര​തി പ​ത്ത് ട​ണ്‍ പ​ച്ച​ക്ക​റി​ക​ൾ അ​ന്യ​സം​സ്ഥാ​ന​ത്ത് നി​ന്നും കേ​ര​ള​ത്തി​ലേ​ക്ക് എ​ത്തി​ക്കാ​നാ​ണ് തീ​രു​മാ​നി​ച്ചി​രി​ക്കു​ന്ന​ത്.
ത​മി​ഴ്നാ​ട്ടി​ലെ തെ​ങ്കാ​ശി​യി​ൽ നി​ന്നാ​ണ് പ​ച്ച​ക്ക​റി​ക​ൾ എ​ത്തി​ക്കു​ന്ന​ത്.

വെ​ണ്ട യ്ക്ക, ​അ​മ​ര​ക്ക, ചെ​റി​യ ഉ​ള്ളി, സ​വാ​ള, പ​യ​ർ വ​ർ​ഗ​ങ്ങ​ൾ, വെ​ള്ള​രി ഉ​ൾ​പ്പെ​ടെ​യു​ള്ള പ​ച്ച​ക്ക​റി​ക​ൾ വ്യാ​പ​ക​മാ​യി കൃ​ഷി ചെ​യ്യു​ന്ന പ്ര​ദേ​ശ​മാ​ണ് തെ​ങ്കാ​ശി.

അ​വി​ടു​ത്തെ ക​ർ​ഷ​ക സം​ഘ​ങ്ങ​ളു​മാ​യി നേ​രി​ട്ടാ​ണ് ഹോ​ർ​ട്ടി​കോ​ർ​പ്പ് പ​ച്ച​ക്ക​റി​ക​ൾ വാ​ങ്ങു​ന്ന​ത്. ത​മി​ഴ്നാ​ട് സ​ർ​ക്കാ​രി​ന്‍റെ വി​ല അ​നു​സ​രി​ച്ചാ​ണ് കേ​ര​ള​ത്തി​ന് പ​ച്ച​ക്ക​റി​ക​ൾ സം​ഘ​ങ്ങ​ൾ ന​ൽ​കു​ന്ന​ത്.

ഇ​ത് കേ​ര​ള​ത്തി​ലെ വി​പ​ണി വി​ല​യെ​ക്കാ​ൾ കു​റ​വാ​ണ്. ക​ഴി​ഞ്ഞ ര​ണ്ട ാഴ്ച​യി​ലേ​റെ​യാ​യി സം​സ്ഥാ​ന​ത്ത് തീ ​പി​ടി​ച്ച വി​ല​യാ​ണ് പ​ച്ച​ക്ക​റി​ക്ക് ഈ​ടാ​ക്കി വ​ന്നി​രു​ന്ന​ത്.

ത​ക്കാ​ളി​ക്ക് നൂ​റ് രൂ​പ​യ്ക്ക് മു​ക​ളി​ലും മു​രി​ങ്ങ​ക്ക 140 രൂ​പ​യ്ക്ക് മു​ക​ളി​ലും വി​ല ഉ​യ​ർ​ന്നി​രു​ന്നു. എ​ന്നാ​ൽ ഹോ​ർ​ട്ടി കോ​ർ​പ്പ് അ​ന്യ​സം​സ്ഥാ​ന​ത്ത് നി​ന്നും വാ​ങ്ങി​യ പ​ച്ച​ക്ക​റി​ക​ൾ​ക്ക് വി​പ​ണി വി​ല​യെ​ക്കാ​ൾ കു​റ​വാ​യി​രു​ന്നു.

എ​ന്നാ​ൽ പ​ച്ച​ക്ക​റി​ക​ളു​ടെ ല​ഭ്യ​ത കു​റ​വാ​യി​രു​ന്ന​തി​നാ​ൽ ജ​ന​ങ്ങ​ൾ​ക്ക് മാ​ർ​ക്ക​റ്റു​ക​ളി​ൽ നി​ന്നും വാ​ങ്ങേ​ണ്ട അ​വ​സ്ഥ വ​രി​ക​യാ​യി​രു​ന്നു.

ഇ​തേ തു​ട​ർ​ന്നാ​ണ് ഹോ​ർ​ട്ടി​കോ​ർ​പ്പ് എം​ഡി സ​ജീ​വി​ന്‍റെ നേ​തൃ​ത്വ​ത്തി​ലു​ള്ള സം​ഘം തെ​ങ്കാ​ശി​യി​ലെ ക​ർ​ഷ​ക സം​ഘ​ങ്ങ​ളു​മാ​യി ച​ർ​ച്ച ന​ട​ത്തി കേ​ര​ള​ത്തി​ലേ​ക്ക് പ​ച്ച​ക്ക​റി വാ​ങ്ങാ​ൻ ധാ​ര​ണ​യാ​യ​ത്.