കരഞ്ഞിരിക്കാന്‍ നാം തയാറല്ല! മനുഷ്യക്കടലിനെ സാക്ഷിയാക്കി കേരളത്തിന്റെ സൈന്യത്തിന് മുഖ്യമന്ത്രി പിണറായി വിജയന്റെ ബിഗ് സല്യൂട്ട്

തി​രു​വ​ന​ന്ത​പു​രം: പ്ര​ള​യ​ക്ക​ട​ലി​ൽ കൈ​പി​ടി​ച്ച ദൈ​വ​ങ്ങ​ൾ​ക്ക് ന​ന്ദി അ​റി​യി​ക്കാ​ൻ നാ​ടൊ​ഴു​കി​യെ​ത്തി. നി​ശാ​ഗ​ന്ധി​യി​ൽ നി​റ​ഞ്ഞു ക​വി​ഞ്ഞ മ​നു​ഷ്യ​ക്ക​ട​ലി​നെ സാ​ക്ഷി​യാ​ക്കി കേ​ര​ള​ത്തി​ന്‍റെ സൈ​ന്യ​ത്തി​ന് മു​ഖ്യ​മ​ന്ത്രി പി​ണ​റാ​യി വി​ജ​യ​ൻ ബി​ഗ് സ​ല്യൂ​ട്ട് അ​ർ​പ്പി​ച്ചു. അ​വ​രു​ടെ ധീ​ര​ക​ഥ​ക​ൾ കേ​ര​ള​ത്തി​ന്‍റെ വീ​ര​ച​രി​ത​മാ​യി വാ​ക്കു​ക​ളി​ൽ തു​ളു​ന്പി​യ​പ്പോ​ൾ പു​രു​ഷാ​ര​ത്തി​ന്‍റെ ക​ണ്ണു​ക​ളി​ലെ​ല്ലാം വീ​ണ്ടും സ്നേ​ഹ​ക്ക​ട​ൽ നി​റ​ഞ്ഞു.

അ​പ​ക​ട​ത്തി​ൽ​പ്പെ​ട്ട സ​ഹോ​ദ​ര​ങ്ങ​ളെ ര​ക്ഷി​ക്ക​ണ​മെ​ന്ന ഒ​റ്റ ചി​ന്ത​യോ​ടെ​യാ​ണ് മ​ത്സ്യ​ത്തൊ​ഴി​ലാ​ളി​ക​ൾ ര​ക്ഷാ​പ്ര​വ​ർ​ത്ത​ന​ത്തി​നാ​യി ചാ​ടി​യി​റ​ങ്ങി​യ​ത്. ജോ​ലി​യെ​ക്കു​റി​ച്ചോ ജീ​വ​നെ​ക്കു​റി​ച്ചോ സ്വ​ന്തം കു​ടും​ബ​ങ്ങ​ളെ​ക്കു​റി​ച്ചോ അ​വ​ർ ഒ​ന്നും ആ​ലോ​ചി​ച്ചി​ല്ല. സ​ർ​ക്കാ​രി​ന്‍റെ സ​ഹാ​യ​പ്ര​ഖ്യാ​പ​ന​ങ്ങ​ൾ പി​ന്നെ​യാ​ണ് വ​ന്ന​ത്.

ഇ​ത് ന​മ്മു​ടെ സ​ഹോ​ദ​ര​ങ്ങ​ളെ കു​റി​ച്ചു​ള്ള മേ​നി​പ​റ​ച്ചി​ല​ല്ല, അ​ക്ഷ​രാ​ർ​ഥ​ത്തി​ൽ അ​ത് അ​ങ്ങ​നെ ത​ന്നെ​യാ​യി​രു​ന്നു. പ്രാ​ഗ​ത്ഭ്യ​മു​ള്ള സേ​ന​ക​ളു​ടെ ത​ല​വ​ൻ​മാ​രും അ​വ​രു​ടെ ഇ​ട​പെ​ട​ലും ച​ടു​ല​ത​യു​മെ​ല്ലാം അം​ഗീ​ക​രി​ച്ചി​ട്ടു​ണ്ട്. എ​ല്ലാ​വ​ർ​ക്കും ബി​ഗ് സ​ല്യൂ​ട്ട്. ഈ ​ഐ​ക്യ​മാ​ണ് നാം ​കാ​ത്തു​സൂ​ക്ഷി​ക്കേ​ണ്ട​ത് ’-മു​ഖ്യ​മ​ന്ത്രി പി​ണ​റാ​യി വി​ജ​യ​ൻ പ​റ​ഞ്ഞു.

പ്ര​ള​യ​ദു​ര​ന്ത​ത്തി​ൽ ര​ക്ഷാ​പ്ര​വ​ർ​ത്ത​നം ന​ട​ത്തി​യ മ​ത്സ്യ​ത്തൊ​ഴി​ലാ​ളി​ക​ളെ ആ​ദ​രി​ക്കു​ന്ന​തി​നാ​യി സം​സ്ഥാ​ന സ​ർ​ക്കാ​ർ തി​രു​വ​ന​ന്ത​പു​രം നി​ശാ​ഗ​ന്ധി ഓ​ഡി​റ്റോ​റി​യ​ത്തി​ൽ സം​ഘ​ടി​പ്പി​ച്ച ച​ട​ങ്ങ് ഉ​ദ്ഘാ​ട​നം ചെ​യ്്തു പ്ര​സം​ഗി​ക്കു​ക​യാ​യി​രു​ന്നു അ​ദ്ദേ​ഹം.

കെ​ടു​തി​മൂ​ലം വീ​ണ വീ​ഴ്ച​യി​ൽ ക​ര​ഞ്ഞി​രി​ക്കാ​ൻ നാം ​ത​യാ​റ​ല്ല. നാ​ടി​നെ കൂ​ടു​ത​ൽ ഉ​യ​ര​ത്തി​ലേ​ക്ക് ഉ​യ​ർ​ത്താ​നു​ള്ള ന​ട​പ​ടി​ക​ളു​മാ​യി സ​ർ​ക്കാ​ർ മു​ന്നോ​ട്ടു​പോ​കും. ഈ ​ദു​ര​ന്ത​ത്തെ നാം ​നേ​രി​ട്ട​ത് അ​ങ്ങേ​യ​റ്റം ഐ​ക്യ​ത്തോ​ടും ഒ​രു​മ​യോ​ടു​മാ​ണ്. ന​മ്മു​ടെ ര​ക്ഷാ​പ്ര​വ​ർ​ത്ത​നം വി​ജ​യി​പ്പി​ക്കു​ന്ന​തി​ൽ ഏ​റ്റ​വും പ്ര​ധാ​ന​ഘ​ട​ക​മാ​യി മ​ത്സ്യ​ത്തൊ​ഴി​ലാ​ളി​ക​ൾ മാ​റി. ഒ​ന്നും ആ​ലോ​ചി​ക്കാ​തെ​യാ​ണ് ആ ​സ​ഹോ​ദ​ര​ങ്ങ​ൾ ര​ക്ഷ​യ്ക്കി​റ​ങ്ങി​യ​ത്.

ക​രു​ത്ത​രെ​ങ്കി​ലും ര​ക്ഷാ​പ്ര​വ​ർ​ത്ത​ന​ത്തി​നി​റ​ങ്ങി ശാ​രീ​രി​ക​ബു​ദ്ധി​മു​ട്ടു​ണ്ടാ​യ​വ​രെ ഉ​ട​ൻ വി​ളി​ച്ചു​വ​രു​ത്തേ​ണ്ട എ​ന്നു ക​രു​തി​യാ​ണ് സ്വീ​ക​ര​ണ​ച​ട​ങ്ങ് ഇ​ത്ര​യും നീ​ട്ടി​യ​ത്. ഇ​തി​ലേ​റെ വൈ​കു​ന്ന​ത് ഒൗ​ചി​ത്യ​വു​മ​ല്ല. അ​തി​നാ​ലാ​ണ് ച​ട​ങ്ങ് ഇ​പ്പോ​ൾ സം​ഘ​ടി​പ്പി​ച്ച​ത്.

ര​ക്ഷാ​പ്ര​വ​ർ​ത്ത​ന​ത്തി​ന് പ്രാ​ഗ​ത്ഭ്യം നേ​ടി​യ ഒ​ട്ടേ​റെ സേ​നാ​വി​ഭാ​ഗ​ങ്ങ​ൾ ന​മ്മു​ടെ പ്ര​വ​ർ​ത്ത​ന​ത്തെ സ​ഹാ​യി​ക്കാ​നെ​ത്തി. വ്യോ​മ​സേ​ന, നാ​വി​ക​സേ​ന, കോ​സ്റ്റ് ഗാ​ർ​ഡ്, ദേ​ശീ​യ​ദു​ര​ന്ത​നി​വാ​ര​ണ സേ​ന, പോ​ലീ​സ്, ഫ​യ​ർ​ഫോ​ഴ്സ് എ​ല്ലാ​വ​രും അ​ർ​പ്പ​ണ​ബോ​ധ​ത്തോ​ടെ പ്ര​വ​ർ​ത്തി​ച്ചു.

മ​ല​വെ​ള്ളം പെ​ട്ടെ​ന്ന് ആ​ർ​ത്ത​ല​ച്ച് വ​ന്ന​പ്പോ​ൾ ന​ല്ല ഉ​ൾ​ക്ക​രു​ത്തോ​ടെ ന​മ്മു​ടെ ക​ട​മ​യാ​ണെ​ന്ന് ക​രു​തി യു​വാ​ക്ക​ളും ചാ​ടി​യി​റ​ങ്ങി. ആ​പ​ത്ഘ​ട്ട​ത്തി​ൽ സ​ഹ​ജീ​വി​ക​ളെ സം​ര​ക്ഷി​ക്കാ​ൻ മ​നു​ഷ്യ​സ്നേ​ഹ​ത്തോ​ടെ​യു​ള്ള നി​ല​പാ​ടെ​ടു​ത്ത യു​വാ​ക്ക​ൾ, ന​മ്മു​ടെ ഭാ​വി ശോ​ഭ​ന​മാ​ണെ​ന്ന​തി​ന്‍റെ ഉ​റ​പ്പു കൂ​ടി​യാ​ണ് അ​വ​രു​ടെ നി​ല​പാ​ടെ​ന്നും മു​ഖ്യ​ന്ത്രി പ​റ​ഞ്ഞു.

പ്ര​ള​യ​ത്തെ നേ​രി​ടാ​ൻ കാ​ണി​ച്ച ഐ​ക്യം നാം ​കാ​ത്തു​സൂ​ക്ഷി​ക്ക​ണം. അ​തു​മാ​യി നാം ​മു​ന്നോ​ട്ടു​പോ​ക​ണം. ന​മ്മു​ടെ നാ​ടി​നെ ന​ഷ്ട​പ്പെ​ട്ട​തി​നേ​ക്കാ​ൾ മി​ക​ച്ച​താ​യി ഉ​യ​ർ​ത്തി​ക്കൊ​ണ്ടു​വ​രാ​ൻ ന​മു​ക്ക് ക​ഴി​യ​ണം. ക​ഷ്ട്ന​ഷ്ട​ങ്ങ​ൾ അ​നു​ഭ​വി​ച്ച​വ​ർ​ക്ക് ശ​രി​യാ​യ പു​ന​ര​ധി​വാ​സം ഉ​റ​പ്പു​വ​രു​ത്താ​നാ​ക​ണം. നാം ​ജീ​വി​ക്കു​ന്ന​ത് ഭൂ​ലോ​ക​ത്തെ ഏ​റ്റ​വും മൂ​ല്യ​മു​ള്ള മ​ണ്ണി​ലാ​ണ്. ന​മ്മ​ളെ അ​റി​യാ​വു​ന്ന എ​ല്ലാ​വ​രും ഈ ​നാ​ടി​നെ സ്നേ​ഹി​ക്കു​ന്നു.

ലോ​ക​ത്തി​ൽ എ​വി​ടെ താ​മ​സി​ക്കു​ന്ന​വ​ർ​ക്കും കേ​ര​ളം എ​ന്താ​ണെ​ന്ന​റി​യാം. കേ​ര​ള​ത്തി​നു​വ​ന്ന പ​രി​ക്ക്, ത​ങ്ങ​ളു​ടെ പ​രി​ക്കാ​ണെ​ന്ന് അ​വ​ർ തി​രി​ച്ച​റി​യു​ന്നു. അ​മേ​രി​ക്ക​യി​ൽ​നി​ന്ന് ര​ണ്ടു ചെ​റു​പ്പ​ക്കാ​ർ ഫേ​സ്ബു​ക്ക് കൂ​ട്ടാ​യ്മ വ​ഴി പി​രി​ച്ച 10 കോ​ടി രൂ​പ​യു​മാ​ണ് ഇ​ന്ന​ലെ മു​ഖ്യ​മ​ന്ത്രി​യു​ടെ ഓ​ഫീ​സി​ലെ​ത്തി​യ​ത്.

ഇ​താ​ണ് ന​മ്മു​ടെ നാ​ടി​ന്‍റെ പ്ര​ത്യേ​ക​ത. എ​ല്ലാ​വ​രും ഒ​റ്റ​ക്കെ​ട്ടാ​യി നി​ന്നാ​ൽ ന​മ്മു​ടെ നാ​ടി​നെ കൂ​ടു​ത​ൽ ഉ​യ​ര​ത്തി​ലെ​ത്തി​ക്കു​ന്ന​വി​ധം പു​ന​ർ​നി​ർ​മി​ക്കാ​ൻ ക​ഴി​യു​മെ​ന്നും മു​ഖ്യ​മ​ന്ത്രി കൂ​ട്ടി​ച്ചേ​ർ​ത്തു.ര​ക്ഷാ​പ്ര​വ​ർ​ത്ത​ന​ത്തി​ൽ പ​ങ്കെ​ടു​ത്ത മ​ത്സ്യ​ത്തൊ​ഴി​ലാ​ളി​ക​ളെ മു​ഖ്യ​മ​ന്ത്രി പൊ​ന്നാ​ട​യ​ണി​യി​ച്ച് ആ​ദ​രി​ച്ചു. അ​നു​മോ​ദ​ന​പ​ത്ര​ത്തി​നൊ​പ്പം സ​ർ​ക്കാ​രി​ന്‍റെ ഉ​പ​ഹാ​ര​വും അ​വ​ർ​ക്കു സ​മ്മാ​നി​ച്ചു.

ഓ​രോ ജി​ല്ല​ക​ളി​ൽ​നി​ന്ന് തെ​ര​ഞ്ഞെ​ടു​ക്ക​പ്പെ​ട്ട​വ​രെ മു​ഖ്യ​മ​ന്ത്രി​യും മ​റ്റു​ള്ള​വ​രെ മ​ന്ത്രി​മാ​രും വി​ശി​ഷ്ടാ​തി​ഥി​ക​ളു​മാ​ണ് ആ​ദ​രി​ച്ച​ത്. മ​ന്ത്രി​മാ​രാ​യ ഇ. ​ച​ന്ദ്ര​ശേ​ഖ​ര​ൻ, മേ​ഴ്സി​ക്കു​ട്ടി​യ​മ്മ, ക​ട​കം​പ​ള്ളി സു​രേ​ന്ദ്ര​ൻ, മാ​ത്യു ടി ​തോ​മ​സ്, ഇ.​പി. ജ​യ​രാ​ജ​ൻ, രാ​മ​ച​ന്ദ്ര​ൻ ക​ട​ന്ന​പ്പ​ള്ളി, ഡെ​പ്യൂ​ട്ടി സ്പീ​ക്ക​ർ വി. ​ശ​ശി, ശ​ശി ത​രൂ​ർ എം​പി, മേ​യ​ർ വി.​കെ. പ്ര​ശാ​ന്ത്, എം​എ​ൽ​എ​മാ​രാ​യ കെ. ​ആ​ൻ​സ​ല​ൻ, സി.​കെ. ഹ​രീ​ന്ദ്ര​ൻ, ഡി.​കെ. മു​ര​ളി, വി.​എ​സ്. ശി​വ​കു​മാ​ർ, എം. ​വി​ൻ​സ​ന്‍റ്, ജി​ല്ലാ പ​ഞ്ചാ​യ​ത്ത് പ്ര​സി​ഡ​ന്‍റ് വി.​കെ. മ​ധു, മ​ത്സ്യ​ഫെ​ഡ് ചെ​യ​ർ​മാ​ൻ പി.​പി. ചി​ത്ത​ര​ഞ്ജ​ൻ തു​ട​ങ്ങി​യ​വ​ർ പ​ങ്കെ​ടു​ത്തു. ചീ​ഫ് സെ​ക്ര​ട്ട​റി ടോം ​ജോ​സ് സ്വാ​ഗ​ത​വും ഫി​ഷ​റീ​സ് ഡ​യ​റ​ക്ട​ർ എ​സ്. വെ​ങ്കി​ടേ​സ​പ​തി ന​ന്ദി​യും പ​റ​ഞ്ഞു.