ഗേറ്റി​ന്‍റെ ക​ന്പി​ക​ൾ​ക്കി​ട​യി​ൽ കു​രു​ങ്ങി​യ തെ​രു​വ് നാ​യ​യെ ര​ക്ഷി​ച്ച് യു​വാ​ക്ക​ൾ

പൊ​ൻ​കു​ന്നം: ഗേറ്റി​ന്‍റെ ക​ന്പി​ക​ൾ​ക്കി​ട​യി​ൽ കു​ടു​ങ്ങി​പ്പോ​യ തെ​രു​വു​നാ​യ​യെ പ്ര​ദേ​ശ​വാ​സി​ക​ളാ​യ യു​വാ​ക്ക​ൾ ര​ക്ഷി​ച്ചു.

ക​ഴി​ഞ്ഞ ദി​വ​സം രാ​ത്രി പൊ​ൻ​കു​ന്നം മു​സ്‌ലിം ജു​മാ മ​സ്ജി​ദി​ന് മു​ൻ​പി​ൽ സം​സ്ഥാ​ന പാ​ത​യോ​ട് ചേ​ർ​ന്ന് ക​ട​യി​ലേ​യ്ക്കു പ്ര​വേ​ശി​ക്കു​ന്ന​തി​നു​ള്ള  ഗേറ്റി​ന്‍റെ ക​ന്പി​ക​ൾ​ക്കി​ട​യി​ൽ തെ​രു​വ് നാ​യ കു​ടു​ങ്ങു​ക​യാ​യി​രു​ന്നു. പ്ര​ദേ​ശ​ത്ത് സ്ഥി​ര​മാ​യി ക​ണ്ടു​വ​രു​ന്ന​താ​ണ് ഈ ​തെ​രു​വ് നാ​യ.

രാ​ത്രി ക​ട അ​ട​യ്ക്കാ​ൻ നേ​രം ശ​ബ്ദം കേ​ട്ട് സ​മീ​പ​ത്തെ ബി​സ്മി സ്റ്റോ​ഴ്സ് ഉ​ട​മ മു​ഹ​മ്മ​ദ് റാ​ഫി നോ​ക്കു​ന്പോ​ഴാ​ണ് നാ​യ കു​രു​ങ്ങി കി​ട​ക്കു​ന്ന​ത് ക​ണ്ട​ത്.

തു​ട​ർ​ന്ന് സ​മീ​പ​ത്തെ ന​വീ​ൻ ബേ​ക്ക​റി ഉ​ട​മ​ക​ളും സ​ഹോ​ദ​ര​ങ്ങ​ളു​മാ​യ ലെ​നീ​ഷി​നെ​യും സ്റ്റെ​നി​യേ​യും വി​വ​ര​റി​യി​ച്ചു. ഇ​വ​ർ മൂ​ന്നുപേ​രും ചേ​ർ​ന്ന് നാ​യ​യെ ര​ക്ഷി​ക്കാ​ൻ ശ്ര​മി​ച്ചു. ഇ​വ​രു​ടെ ശ്ര​മം ക​ണ്ട് വ​ഴി​യാ​ത്ര​ക്കാ​ര​നാ​യ ചി​റ​ക്ക​ട​വ് സ്വ​ദേ​ശി ജോ​ഷി ഡൊ​മി​നി​ക്കും ചേ​ർ​ന്ന് അ​ര മ​ണി​ക്കൂ​റോ​ളം പ​രി​ശ്ര​മി​ച്ചെ​ങ്കി​ലും നാ​യ​യെ പു​റ​ത്തെ​ടു​ക്കാ​ൻ ക​ഴി​ഞ്ഞി​ല്ല.

തു​ട​ർ​ന്ന് സ്റ്റെ​നി സു​ഹൃ​ത്തു​ക്ക​ളാ​യ തോ​ണി​പ്പാ​റ സ്വ​ദേ​ശി​ക​ളാ​യ ശ്യാം ​ബാ​ബു, കെ.​കെ.​സു​രേ​ഷ് എ​ന്നി​വ​രെ വി​വ​ര​മ​റി​യി​ച്ചു. ഇ​വ​രും ചേ​ർ​ന്ന് വീ​ണ്ടും ശ്ര​മം ന​ട​ത്തി​യെ​ങ്കി​ലും നാ​യ​യെ പു​റ​ത്തെ​ടു​ക്കാ​ൻ ക​ഴി​ഞ്ഞി​ല്ല.

തുടർന്ന് പൊ​ൻ​കു​ന്ന​ത്തെ സ്വ​കാ​ര്യ വെ​ൽ​ഡിം​ഗ് വ​ർ​ക്ക് ഷോപ്പ് ഉ​ട​മ വി​ജ​യ​ൻ സ്ഥലത്തെത്തി ഗേ​റ്റി​ന്‍റെ ക​ന്പി​ക​ൾ മു​റി​ച്ചുമാ​റ്റിയാണ് നാ​യ​യെ രക്ഷിച്ചത്.