വഡോദര: ഇന്ത്യൻ വനിതകൾക്കെതിരായ ഏകദിന പരമ്പരയിലെ മൂന്നാം മത്സരത്തിൽ സിംബാബ്‌വെയ്ക്ക് ബാറ്റിംഗ് തകർച്ച. ആദ്യം ബാറ്റ് ചെയ്ത സിംബാബ്‌വെ 39.5 ഓവറിൽ 131 റൺസിന് ഓൾഔട്ടായി.
മോഡസ്റ്റർ മുപാച്ചിക്കാവ നേടിയ 37 റൺസും ക്യാപ്റ്റൻ ജോസഫിൻ എൻകോമോയുടെ 35 റൺസുമാണ് സിംബാബ്‌വെ നിരയിൽ പിടിച്ചുനിൽക്കാനായത്. ചിയേഡ്‌സ ധുരുരു 20 റൺസെടുത്തു. മറ്റാർക്കും കാര്യമായ പ്രകടനം കാഴ്ചവയ്ക്കാനായില്ല.
ഇന്ത്യയ്ക്കായി വൈഷ്ണവി ശർമ തകർപ്പൻ ബൗളിംഗ് പ്രകടനവുമായി അഞ്ച് വിക്കറ്റുകൾ വീഴ്ത്തി. ക്രാന്തി ഗൗഡും സായാലി സത്ഘരെയും രണ്ട് വിക്കറ്റ് വീതം നേടി സിംബാബ്‌വെയുടെ തകർച്ച വേഗത്തിലാക്കി. ഇന്ത്യൻ ബൗളർമാരുടെ മികവിൽ സിംബാബ്‌വെയെ കുറഞ്ഞ സ്കോറിൽ ഒതുക്കിയതോടെ മത്സരത്തിൽ ഇന്ത്യയ്ക്ക് മികച്ച അവസരമാണ് ഒരുങ്ങിയിരിക്കുന്നത്.
