ന്യൂഡൽഹി: ഇന്ത്യ-ചൈന സംഘർഷമേഖലയായ ലഡാക്കിൽ അപ്രതീക്ഷിത സന്ദർശനം നടത്തി പ്രധാനമന്ത്രി നരേന്ദ്ര മോദി. വെള്ളിയാഴ്ച രാവിലെ സംയുക്ത സേനാമേധാവി ബിപിൻ റാവത്തിനൊപ്പമാണ് പ്രധാനമന്ത്രി ലഡാക്കിലെ ലേയിൽ എത്തിയത്. കരസേന മേധാവി മുകുന്ദ് നരവനെയും സംഘത്തിലുണ്ടായിരുന്നു. ലേയിലെ സന്ദർശനത്തിനു ശേഷം പ്രധാനമന്ത്രി നിമുവിലെത്തി. നിമുവിൽ സൈനികരുമായി അദ്ദേഹം കൂടിക്കാഴ്ച നടത്തി. ലഫ്. ജനറൽ ഹരീന്ദർ സിംഗ് അതിർത്തിയിലെ സ്ഥിതിഗതികൾ വിശദീകരിച്ചു. അതിർത്തിയിലെ സാഹചര്യം നേരിട്ട് മനസിലാക്കി വിലയിരുത്തുന്നതിനാണ് പ്രധാനമന്ത്രിയുടെ സന്ദർശനം. മുൻകൂട്ടി പ്രഖ്യാപിക്കാതെ ആയിരുന്നു യാത്ര. കേന്ദ്രസർക്കാർ വാർത്താ ചാനലായ ദൂരദർശൻ ആണ് വാർത്ത പുറത്തുവിട്ടത്. വ്യാഴാഴ്ച വൈകിട്ട് പ്രതിരോധമന്ത്രി രാജ്നാഥ് സിംഗ് ലഡാക്ക് സന്ദർശിക്കുമെന്ന് വാർത്തയുണ്ടായിരുന്നു. എന്നാൽ ഇത് അവസാന നിമിഷം മാറ്റിവച്ചു. പ്രധാനമന്ത്രിയുടെ സന്ദർശനം ആ ഘട്ടത്തിലും കേന്ദ്രം രഹസ്യമാക്കിവച്ചു. ലേയിൽ എത്തിയ പ്രധാനമന്ത്രി ചൈനയുമായുള്ള സംഘർഷത്തിൽ പരിക്കേറ്റ സൈനികരെ കാണുമെന്നാണ് കരുതുന്നത്. പരിക്കേറ്റ സൈനികർ…
Read MoreDay: July 3, 2020
ലോകത്ത് കോവിഡ് രോഗികളുടെ എണ്ണം 1.10 കോടിയിലേക്ക്; അമേരിക്കയില് രോഗബാധിതര് 28 ലക്ഷം കടന്നു; മരണം 5.23 ലക്ഷം പിന്നിട്ടു
വാഷിംഗ്ടൺ: ലോകത്ത് കോവിഡ് രോഗികളുടെ എണ്ണം ഒരു കോടി 10 ലക്ഷത്തിലേക്ക് അടുക്കുന്നു. ഇതുവരെ രോഗം സ്ഥിരീകരിച്ചവരുടെ എണ്ണം 10,982,299 ആയി. 24 മണിക്കൂറിനിടെ രണ്ടു ലക്ഷത്തിലേറെ പേര്ക്ക് രോഗം സ്ഥിരീകരിച്ചു. അയ്യായിരത്തിലേറെ മരണവും റിപ്പോര്ട്ട് ചെയ്തു. ഇതോടെ ആകെ കോവിഡ് മരണം 5.23 ലക്ഷം കടന്നു. കോവിഡ് കൂടുതല് നാശം വിതച്ച അമേരിക്കയില് രോഗബാധിതര് 28 ലക്ഷം കടന്നു. വേൾഡോമീറ്ററിന്റെ കണക്കുപ്രകാരം നിലവിൽ 2,837,189 രോഗികൾ. 1,31,485 പേരുടെ ജീവന് ഇതിനോടകം നഷ്ടമായി. കോവിഡ് മരണത്തില് രണ്ടാമതുള്ള ബ്രസീലില് മരണസംഖ്യ 61,990 ആയി. ഇതുവരെ 1,501,353 പേർക്കാണ് രോഗം ബാധിച്ചത്. റഷ്യയില് മരണം 9,500 കടന്നു. രോഗികളുടെ എണ്ണം ഏഴു ലക്ഷത്തിലേക്ക് അടുക്കുന്നു. കോവിഡ് ബാധിതരില് നാലാമതുള്ള ഇന്ത്യയില് രോഗബാധിതര് ആറു ലക്ഷം കടന്നു. 18,000ത്തിലേറെ പേര് മരിച്ചു. പെറുവിലും വൈറസ് വ്യാപിക്കുകയാണ്. രോഗികളുടെ എണ്ണം…
Read Moreസിനിമാ ചരിത്രത്തിലെ ആദ്യ ഓണ്ലൈൻ റിലീസ് സിനിമയായ “സൂഫിയും സുജാതയുടേയും’ വ്യാജ പതിപ്പ് ഓൺലൈനിൽ
കൊച്ചി: ഓൺലൈൻ റിലീസിന് പിന്നാലെ “സൂഫിയും സുജാതയും’ എന്ന സിനിമയുടെ വ്യാജപതിപ്പ് പ്രചരിക്കുന്നു. ടെലിഗ്രാമിലും ടൊറന്റ് സൈറ്റുകളിലുമാണ് സിനിമ പ്രചരിക്കുന്നത്. ഇന്നലെ രാത്രി 12ന് ആമസോൺ പ്രൈമിലൂടെയായിരുന്നു ചിത്രത്തിന്റെ റിലീസ്. മലയാള സിനിമാ ചരിത്രത്തിലെ ആദ്യ ഓണ്ലൈൻ റിലീസ് ചിത്രമാണിത്. വിജയ് ബാബു നിര്മിച്ച സിനിമയില് ജയസൂര്യക്ക് പുറമെ ബോളിവുഡ് താരം അതിഥി റാവു, സിദ്ദിഖ്, ഹരീഷ് കണാരൻ തുടങ്ങിയവരും അഭിനയിക്കുന്നു. നരണിപ്പുഴ ഷാനവാസാണ് സംവിധാനം. സൂഫിയുടേയും അയാളെ പ്രണയിക്കുന്ന ഹിന്ദു പെണ്കുട്ടിയുടേയും കഥയാണ് സൂഫിയും സുജാതയും. ചിത്രത്തിന്റെ ഓണ്ലൈൻ റിലീസിനെതിരെ തിയേറ്റര് ഉടമകള് പ്രതിഷേധം ഉയര്ത്തിയിരുന്നു. എന്നാൽ ലോക്ക്ഡൗണ് മൂലം തിയേറ്ററുകള് അടഞ്ഞുകിടക്കുന്ന സാഹചര്യത്തില് ഓണ്ലൈൻ റിലീസ് അല്ലാതെ മറ്റ് വഴിയില്ലെന്ന നിലപാടില് ഉറച്ച് നില്ക്കുകയായിരുന്നു നിർമാതാവ്.
Read More