Day: June 7, 2022

ന്യൂഡല്‍ഹി: ബിജെപി നേതാക്കളുടെ മുഹമ്മദ് നബിക്കെതിരായ പരാമര്‍ശത്തെ അപലപിച്ച് 15 രാജ്യങ്ങള്‍. ഇറാന്‍, ഇറാഖ് ഖത്തര്‍, സൗദി അറേബ്യ, ഒമാന്‍ യുഎഇ അടക്കമുള്ള രാജ്യങ്ങളാണ് പരാമര്‍ശത്തെ അപലപിച്ച് രംഗത്തെത്തിയത്. സംഭവത്തില്‍ കേന്ദ്ര സര്‍ക്കാര്‍ മാപ്പ് പറയണമെന്നും വിവിധ രാജ്യങ്ങള്‍ ആവശ്യപ്പെട്ടു. ചാനല്‍ചര്‍ച്ചയ്ക്കിടെ മുഹമ്മദ് നബിയെ അധിക്ഷേപിക്കുന്ന പരാമര്‍ശം നടത്തിയതിന് ബിജെപി വക്താവ് നുപൂര്‍ ശര്‍മ്മയെയും ബിജെപി നേതാവ് നവീന്‍ ജിന്‍ഡാലിനെയും പാര്‍ട്ടി സസ്‌പെന്‍ഡ് ചെയ്തിരുന്നു. പ്രസ്താവനയ്‌ക്കെതിരെ വ്യാപക വിമര്‍ശനമുയര്‍ന്നതിന് പിന്നാലെയായിരുന്നു പാര്‍ട്ടിയുടെ പ്രാഥമിക അംഗത്വത്തില്‍നിന്ന് ഇരുവരെയും സസ്‌പെന്‍ഡ് ചെയ്തത്. പ്രവാചകനെ അധിക്ഷേപിച്ച് സംസാരിച്ചതിനെ തുടര്‍ന്നുണ്ടായ പ്രതിഷേധമാര്‍ച്ചിനിടെയാണ് യുപിയിലെ കാന്‍പൂരില്‍ സംഘര്‍ഷമുണ്ടായത്. കടകള്‍ അടപ്പിക്കാന്‍ പ്രതിഷേധക്കാര്‍ ആഹ്വാനം ചെയ്തു. ഇതിനെ എതിര്‍ത്ത് മറുവിഭാഗം രംഗത്തെത്തിയതോടെ സംഘര്‍ഷത്തില്‍ കലാശിക്കുകയായിരുന്നു. 13 പോലീസുകാര്‍ക്കും മുപ്പതോളം സാധാരണക്കാര്‍ക്കും സംഘര്‍ഷത്തില്‍ പരിക്കേറ്റു. സംഭവത്തില്‍ 36 പേര്‍ അറസ്റ്റിലായിരുന്നു.

നാ​ഗ്പൂ​ർ: പ്രാ​യ​പൂ​ര്‍​ത്തി​യാ​കാ​ത്ത പെ​ണ്‍​കു​ട്ടി​യെ പീ​ഡി​പ്പി​ച്ച കേ​സി​ല്‍ ക​രാ​ട്ടെ അ​ധ്യാ​പ​ക​ന്‍ അ​റ​സ്റ്റി​ല്‍. മ​ഹാ​രാ​ഷ്ട്ര​യി​ലെ ക​ന്‍​ഹ​നി​ലെ വി​വേ​കാ​ന​ന്ദ ന​ഗ​ര്‍ സ്വ​ദേ​ശി​യാ​യ ഗോ​പാ​ല്‍(40) എ​ന്ന​യാ​ളാ​ണ് കു​ട്ടി​യെ പീ​ഡി​പ്പി​ച്ച​ത്. 11കാ​രി​യാ​ണ് പീ​ഡ​ന​ത്തി​ന് ഇ​ര​യാ​യ​ത്. ക​രാ​ട്ടെ പ​ഠി​പ്പി​ക്കാ​നാ​യി കു​ട്ടി​യെ കൊ​ണ്ടു​പോ​യ ഇ​യാ​ള്‍ ആ​രും ഇ​ല്ലാ​ത്ത സ്ഥ​ല​ത്ത് വ​ച്ച് കു​ട്ടി​യെ ഉ​പ​ദ്ര​വി​ക്കു​ക​യാ​യി​രു​ന്നു. കു​ട്ടി മാ​താ​പി​താ​ക്ക​ളോ​ട് പ​റ​ഞ്ഞ​തി​നെ തു​ട​ര്‍​ന്നാ​ണ് സം​ഭ​വം പു​റ​ത്ത​റി​ഞ്ഞ​ത്. മാ​താ​പി​താ​ക്ക​ളാ​ണ് പോ​ലീ​സി​നെ സ​മീ​പി​ച്ച​ത്. തു​ട​ര്‍​ന്ന് ഇ​യാ​ളെ അ​റ​സ്റ്റ് ചെ​യ്യു​ക​യാ​യി​രു​ന്നു.

കൊ​ട​ക​ര:​ വി​ദേ​ശ​മ​ദ്യം ശേ​ഖ​രി​ച്ച് അ​ന​ധി​കൃ​ത വി​ല്പന ന​ട​ത്തി​യി​രു​ന്ന​യാ​ൾ പി​ടി​യി​ൽ. കൊ​ട​ക​ര മ​ന​ക്കു​ള​ങ്ങ​ര സ്വ​ദേ​ശി സി​ജോയാ​ണ് (40 ) അ​റ​സ്റ്റി​ലാ​യ​ത്. ഇ​യാ​ളി​ൽ നി​ന്ന് അ​ര​ലി​റ്റ​ർ വീ​ത​മു​ള്ള 35 കു​പ്പി വി​ദേ​ശ മ​ദ്യം പി​ടി​ച്ചെ​ടു​ത്തു. ബി​വ​റേ​ജ് ഷോ​പ്പി​ൽ നി​ന്ന് മ​ദ്യം വാ​ങ്ങി ശേ​ഖ​രി​ച്ച് കൂ​ടി​യ വി​ല​യ്ക്ക് ഇ​യാ​ൾ വി​ല്പന ന​ട​ത്തി വരികയായിരുന്നു.ഇ​യാ​ൾ ഫോ​ണ്‍ വ​ഴി ഓ​ർ​ഡ​ർ എ​ടു​ത്ത് ഗൂ​ഗി​ൾ പേ ​വ​ഴി പ​ണ​മ​ട​ച്ചാ​ൽ പ​റ​യു​ന്ന സ്ഥ​ല​ത്ത് സ്കൂ​ട്ട​റി​ൽ മ​ദ്യം എ​ത്തി​ച്ചു​കൊ​ടു​ക്കു​ക​യാ​യി​രു​ന്നെ​ന്നു പോലി​സ് പ​റ​ഞ്ഞു. മ​ദ്യ​ശാ​ല​ക​ൾ അ​വ​ധി​യു​ള്ള ദി​വ​സ​ങ്ങ​ളി​ലാ​ണ് ഇ​യാ​ൾ വ​ൻ തോ​തി​ൽ ക​ച്ച​വ​ടം ന​ട​ത്തി​യി​രു​ന്ന​ത്. ഒ​രു കു​പ്പി​ക്ക് ഡി​മാ​ൻ​ഡ് അ​നു​സ​രി​ച്ച് ഇ​രു​ന്നൂ​റു രൂ​പ വ​രെ കൂ​ടു​ത​ൽ വാ​ങ്ങി​യി​രു​ന്നു.​ മ​ദ്യ​ക്കുപ്പി​ക​ൾ പ​ല സ്ഥ​ല​ങ്ങ​ളി​ലാ​യി ഒ​ളി​പ്പി​ച്ച് വ​ച്ച് ഓ​ർ​ഡ​ർ അ​നു​സ​രി​ച്ച് എ​ടു​ത്തുകൊ​ണ്ടു​പോ​യാ​യി​രു​ന്നു വി​ല്പ​ന. പോലീ​സ് വേ​ഷം മാ​റി ബൈ​ക്കു​ക​ളി​ൽ ഇ​യാ​ളെ പി​ന്തു​ട​ർ​ന്ന് നി​രീ​ക്ഷി​ച്ച ശേ​ഷ​മാ​ണ് അ​റ​സ്റ്റ് ചെ​യ്ത​ത്.