ചിലര് അവരുടെ ചെയ്തികളുടെ മനോഹാരിത നിമിത്തം എത്രയെത്ര ഹൃദയങ്ങളിലാണ് ഇടം നേടുക. പ്രത്യേകിച്ച് അശരണരേയും അനാഥരേയും കരുണ അര്ഹിക്കുന്നവരേയും കരുതുന്ന പ്രവര്ത്തികള് ഹൃദ്യം തന്നെയാണ്. സാധാരണ മുതിര്ന്ന ആളുകള് ഇത്തരത്തില് ചാരിറ്റി പ്രവര്ത്തനങ്ങളൊക്കെ ചെയ്ത് കാണാറുണ്ട്. എന്നാല് ഒരു കുട്ടി അങ്ങനെ ചെയ്യുമ്പോള് അത് വലിയ ശ്രദ്ധനേടും. പ്രത്യേകിച്ച് വേറൊരു രാജ്യത്ത് നിന്നും മറ്റൊരു രാജ്യത്തെ കരുതുമ്പോള്… ഇത് ജോനാ ലാര്സന്റെ നന്മയുടെ കഥയാണ്. തെക്കുകിഴക്കന് എത്യോപ്യയിലെ ഡ്യൂറമേ എന്ന ചെറിയ ഗ്രാമത്തില് ജനിച്ച ആളാണ് ജോനാ. അവിടെ റൂട്ട്സ് എന്നൊരു അനാഥാല്യത്തിലായിരുന്നു അദ്ദേഹം വളര്ന്നത്. എന്നാല് ഏകദേശം ആറുമാസം പ്രായമുള്ളപ്പോള് ജോനാ ലാര്സണെ അമേരിക്കയില് നിന്നുള്ള ഒരു കുടുംബം ദത്തെടുത്തു. ജെന്നിഫര് എന്ന യുവതിയും കുടുംബവുമാണ് ജോനയെ ദത്തെടുത്തത്. പിന്നീട് അദ്ദേഹത്തിന്റെ വീട് എന്നത് യുഎസ് മിഡ്വെസ്റ്റേണ് സ്റ്റേറ്റായ വിസ്കോണ്സിനിലെ ലാ ക്രോസിലായി. ജെന്നിഫറിന് അലങ്കാര…
Read MoreDay: March 18, 2024
കലാമണ്ഡലം ഗോപിയാശാനെ വണങ്ങാൻ ആഗ്രഹമുണ്ട്; നടന്നില്ലെങ്കിൽ മനസുകൊണ്ട് പൂജ അർപ്പിക്കുമെന്ന് സുരേഷ് ഗോപി
തൃശൂർ: കലാമണ്ഡലം ഗോപിയാശാൻ ഗുരുതുല്യനാണെന്നും ഗുരുവെന്ന നിലയിൽ അദ്ദേഹത്തെ വണങ്ങാൻ ഇനിയും ആഗ്രഹമുണ്ടെന്നും തൃശൂർ ലോക്സഭ എൻഡിഎ സ്ഥാനാർഥിയും നടനുമായ സുരേഷ്ഗോപി. പാർട്ടി ജില്ലാ അധ്യക്ഷനോട് ഈ ആവശ്യം പറയുമെന്നും സുരേഷ്ഗോപി പ്രതികരിച്ചു. ഗോപിയാശാനെ നേരിട്ട് കണ്ട് അനുഗ്രഹം തേടാനായില്ലെങ്കിൽ ഗുരുവായൂരപ്പന്റെ നടയിൽ വെറ്റിലയും അടക്കയും മുണ്ടും നേര്യതും സമർപ്പിച്ച് ഗോപിയാശാന് മനസുകൊണ്ട് പൂജ അർപ്പിച്ച് അനുഗ്രഹം തേടും. ഗോപിയാശാന് പ്രയാസമുണ്ടെങ്കിൽ മാനസപൂജ ചെയ്യുമെന്നും സുരേഷ് ഗോപി പറഞ്ഞു. ഇത്തരത്തിൽ കാണാൻ കഴിയാത്തവർക്കായി മനസുകൊണ്ട് പൂജ അർപ്പിക്കാറുണ്ടെന്നും സുരേഷ് ഗോപി പറഞ്ഞു. കലാണ്ഡലം ഗോപിയുടെ മകന്റെ ഫേയ്സ്ബുക്ക് പോസ്റ്റിൽ കൂടുതൽ പ്രതികരണം നടത്തുകയായിരുന്നു സുരേഷ് ഗോപി. പാർട്ടി ജില്ലാ അധ്യക്ഷനാണ് പ്രമുഖരുടെ പട്ടിക തയ്യാറാക്കുന്നതെന്നും ഒരാളെയും ഗോപിയാശാനെ കാണുന്നതിനായി ചുമതല ഏൽപ്പിച്ചിട്ടില്ലെന്നും ഏൽപ്പിക്കാനും ഉദ്ദേശിച്ചിട്ടില്ലെന്നും സുരേഷ് ഗോപി പറഞ്ഞു. താൻ എല്ലാ കാര്യങ്ങളും ഏൽപ്പിക്കുന്നത് ബിജെപി ജില്ലാ…
Read Moreഉത്തരേന്ത്യയിലെ കർഷകർ വെള്ളമില്ലാത്തതിനാൽ കക്കൂസുകളും കലപ്പയും കൃഷിയും ഉപേക്ഷിക്കുകയാണ്; മോദിയുടെ ഗ്യാരന്റികൾ ചത്തുമലച്ചു കിടക്കുകയാണ്; ബിനോയ് വിശ്വം
തൃശൂർ: നരേന്ദ്ര മോദി നിർമിച്ചത് വെള്ളമില്ലാത്ത കക്കൂസുകളാണെന്ന് സിപിഐ സംസ്ഥാന സെക്രട്ടറി ബിനോയ് വിശ്വം. തൃശൂരിൽ ഒരിക്കലും ജയിക്കാത്തയാളെ സ്ഥാനാർഥിയാക്കിയിട്ട് കേന്ദ്ര മന്ത്രിയാക്കുമെന്നതാണ് മോദിയുടെ ഗ്യാരന്റിയെന്നും. മോദിയുടെ നടക്കാത്ത ഗ്യാരന്റികൾ ചത്തുമലച്ചു കിടക്കുകയാണെന്നും അദ്ദേഹം വിമർശിച്ചു. കേന്ദ്ര സർക്കാരിന്റെ സ്വച്ഛ് ഭാരത് മിഷനെ പരിഹസിച്ചാണ് ബിനോയ് ഇക്കാര്യം പറഞ്ഞത്. തൃശൂരിൽ തെരഞ്ഞെടുപ്പ് പ്രചരണത്തിന്റെ ഭാഗമായി മാധ്യമപ്രവർത്തകരോട് സംസാരിക്കുകയായിരുന്നു അദ്ദേഹം. വാഗ്ദാനങ്ങൾ വിൽക്കാൻ വരുന്ന മോദിയെ ജനം വിശ്വസിക്കില്ല. കോൺഗ്രസും ബിജെപിയും സ്വാഭാവിക സഖ്യത്തിന് ശ്രമിക്കുകയാണെന്നും ബിനോയ് പറഞ്ഞു. ഉത്തരേന്ത്യയിലെ കർഷകർ വെള്ളമില്ലാത്തതിനാൽ കക്കൂസുകളും കലപ്പയും കൃഷിയും ഉപേക്ഷിക്കുകയാണ്. പിറന്ന നാട്ടിൽ ജനങ്ങളെ അഭയാർഥികളാക്കുന്നതാണ് മോദി സർക്കാരിന്റെ ഭരണം. ഒന്നര മാസത്തിനുള്ളിൽ മൂന്ന് തവണ കേരളത്തിൽ വന്ന മോദി മണിപ്പൂരിൽ ഒരു തവണ പോലും പോയിട്ടില്ലന്നും അദ്ദേഹം ആരോപിച്ചു.
Read Moreട്രേഡിംഗ് തട്ടിപ്പ്; 67 ലക്ഷംരൂപ തട്ടിയെന്ന പരാതിയിൽ മൂന്നു പേര്ക്കെതിരേ കേസ്
കൊച്ചി: ട്രേഡിംഗിലൂടെ ലാഭം ഉണ്ടാക്കാമെന്ന് പറഞ്ഞ് വിശ്വസിപ്പിച്ച് ദമ്പതികളുടെ 67 ലക്ഷം രൂപ തട്ടിയെടുത്ത കേസില് മൂന്നുപേര്ക്കായി എറണാകുളം സെന്ട്രല് പോലീസ് അന്വേഷണം ആരംഭിച്ചു. എറണാകുളം സ്വദേശിയുടെ പരാതിയിലാണ് സെന്ട്രല് പോലീസ് ഇവര്ക്കെതിരേ കേസ് എടുത്തിരിക്കുന്നത്. ജനുവരി 15 മുതല് മാര്ച്ച് നാലുവരെയുള്ള കാലയളവിലാണ് പ്രതികള് പരാതിക്കാരനില്നിന്നും പണം തട്ടിയെടുത്തത്. ഓണ്ലൈനില് ട്രേഡിംഗിനെ സംബന്ധിച്ച് സെര്ച്ച് ചെയ്ത പരാതിക്കാരനെ രണ്ട് ഫോണ് നമ്പരുകള് നല്കി സമീപിച്ച പ്രതികള് ട്രേഡിംഗിലൂടെ ലാഭം ഉണ്ടാക്കാമെന്നു വിശ്വസിപ്പിച്ച് വെല്സ് കാപ്പിറ്റല് ബിസിനസ് സ്കൂള് ഗ്രൂപ്പ് എന്ന വാട്സ്ആപ്പ് ഗ്രൂപ്പില് അംഗം ആക്കുകയും തുടര്ന്ന് പരാതിക്കാരന്റെ ബാങ്ക് അക്കൗണ്ടില്നിന്നും പ്രതികള് കൈമാറിയ അക്കൗണ്ടിലേക്ക് 67,40,306 രൂപ തട്ടിയെടുക്കുകയായിരുന്നു. പരാതിക്കാരന്റെയും ഭാര്യയുടെയും പേരിലുള്ള അക്കൗണ്ടില്നിന്ന് 17 തവണകളായാണ് പണം കൈമാറിയത്. ഇതിന് പിന്നാലെ പരാതിക്കാരന് 4.13 കോടി രൂപ ട്രേഡിംഗിലൂടെ ലഭിച്ചതായി കാണിച്ച് പ്രതികള്…
Read Moreഎത്രപഠിച്ചാലും വീണുകൊണ്ടേയിരിക്കും; ഓണ്ലൈന് ജോലി വാഗ്ദാനം ചെയ്ത് തട്ടിപ്പ്; യുവതിയുടെ ഒന്നര ലക്ഷം രൂപ നഷ്ടമായി
കൊച്ചി: ഓണ്ലൈന് ജോലി വാഗ്ദാനം ചെയ്ത് യുവതിയുടെ ഒന്നര ലക്ഷം രൂപ തട്ടിയെടുത്തതായി പരാതി. പണം നഷ്ടപ്പെട്ട പച്ചാളം സ്വദേശിനിയാണ് എറണാകുളം നോര്ത്ത് പോലീസ് സ്റ്റേഷനില് പരാതി നല്കിയത്. സംഭവത്തില് പോലീസ് കേസെടുത്ത് അന്വേഷണം ആരംഭിച്ചു. വീട്ടിലിരുന്ന് കൂടുതല് പണം സമ്പാദിക്കാം എന്നുള്ള വ്യാജ ജോലി വാഗ്ദാനം ചെയ്ത് സംഘം ആദ്യം ചെറിയ ടാസ്കുകള് യുവതിക്ക് നല്കി. അത് പൂര്ത്തീകരിച്ചാല് പണം നല്കും എന്നാണ് പറഞ്ഞത്. എന്നാല് അത് പൂര്ത്തീകരിച്ചതിനുശേഷം തുടര്ന്ന് പങ്കെടുക്കാനായി പല തവണ പണം ചോദിച്ചു. അങ്ങനെ പല തവണകളായി യുവതി ഒന്നര ലക്ഷം രൂപ തട്ടിപ്പു സംഘത്തിനു കൈമാറി. ടാസ്ക് പൂര്ത്തീകരിച്ചിട്ടും പണം ലഭിക്കാതെ വന്നതോടെ തട്ടിപ്പിനിരയായി എന്നു മനസിലായി. അങ്ങനെയാണ് പരാതിയുമായി പോലീസിനെ സമീപിച്ചത്. പ്രതികളെ കണ്ടെത്തുന്നതിനായി പോലീസ് അന്വേഷണം ഊര്ജിതമാക്കിയിട്ടുണ്ട്. ഓണ്ലൈന് ജോലി വാഗ്ദാനം ചെയ്ത് കതൃക്കടവ് സ്വദേശിനിയുടെ എട്ടു…
Read Moreലാലേട്ടൻ കമന്റ് ചെയ്താലേ ഞങ്ങൾ ഈ ബിസ്ക്കറ്റ് കഴിക്കൂ; ആരാധകരെ ഞെട്ടിച്ച് മോഹൻലാൽ പറഞ്ഞതിങ്ങനെ…
ഒടുവിൽ ട്രെൻഡിനൊപ്പം ലാലേട്ടനും എത്തി. അതേ പറഞ്ഞുവരുന്നത് ഇൻസ്റ്റഗ്രാമിൽ അടുത്തിടെ വൈറലായ ട്രെൻഡിനെ കുറിച്ചാണ്. ലാലേട്ടൻ കമന്റ് ചെയ്താലേ ഞങ്ങൾ ഈ ബിസ്ക്കറ്റ് കഴിക്കൂ എന്ന ഇൻസ്റ്റഗ്രാം റീലിനാണ് കമന്റുമായി സാക്ഷാൽ മോഹൻലാൽ എത്തിയത്. എന്നാൽ ഈ റീലിൽ മോഹൻലാൽ കമന്റിട്ടതിന്റെ ഞെട്ടലിലാണ് ആരാധകർ. ഇങ്ങനത്തെ കേസ് ഒന്നും എടുക്കാത്തതാണല്ലോ പിന്നെ എന്തുപറ്റി? എന്നാണ് ആരാധകർ ഒന്നടങ്കം ചോദിക്കുന്നത്. ‘കഴിക്ക് മോനേ… ഫ്രണ്ട്സിനും കൊടുക്കൂ’ എന്നാണ് ലാലേട്ടൻ റീലിന് കമന്റ് ചെയ്തിരിക്കുന്നത്. എന്നാൽ ഇത് ലാലേട്ടൻ തന്നെയാണോ എന്ന് ഉറപ്പിക്കാനുള്ള തിടുക്കത്തിലായിരുന്നു ആരാധകർ. ഇഷ്ടതാരങ്ങളുടെ കമന്റ് ചോദിച്ചുള്ള റീലുകൾ അടുത്തിടെയായി ഇൻസ്റ്റഗ്രാമിൽ ട്രെൻഡിംഗിലാണ്. ടൊവിനോ, ജോജു ജോർജ്, ബേസിൽ ജോസഫ്, ജയസൂര്യ, നസ്ലിൻ തുടങ്ങി നിരവധി താരങ്ങളാണ് ആരാധകരുടെ വീഡിയോകളിൽ കമന്റിട്ട് ട്രെൻഡിനൊപ്പം എത്തിയത്. ‘ ഈ വീഡിയോയ്ക്ക് ടൊവിനോ തോമസ് കമന്റ് ചെയ്താലേ ഞാൻ പഠിക്കൂ’…
Read Moreപുഴ ചുരുങ്ങി, കൈക്കുമ്പിളോളം…
പുഴ ചുരുങ്ങി, കൈക്കുമ്പിളോളം…ഓരോ ദിവസവും ചൂടു കൂടുകയാണ്. ജലസ്രോതസുകള് വറ്റിവരണ്ടു. പലയിടങ്ങളിലും കുടിവെള്ള ക്ഷാമം രൂക്ഷമായി. വറ്റിവരണ്ട പുല്ലുകയാറ്റില് പ്രദേശവാസികള് വെള്ളത്തിനായി കുഴിച്ച ഓലി. മുണ്ടക്കയം ഇളംകാട് നിന്നുള്ള ദൃശ്യം. -അനൂപ് ടോം
Read Moreപ്രലോഭനങ്ങളിൽ നട്ടെല്ല് വളയ്ക്കാത്ത ആശാന് സ്നേഹാദരമെന്ന് വീണാ ജോര്ജ്; ഗോപിയാശാന്റെ കീചക വധമെന്ന് വി. ശിവൻകുട്ടി
തിരുവനന്തപുരം: കലാമണ്ഡലം ഗോപിയാശാനെ പുകഴ്ത്തി മന്ത്രിമാരായ വി. ശിവൻകുട്ടിയും, വീണാ ജോർജും. ഫേസ്ബുക്ക് കുറിപ്പിലൂടെ കലാമണ്ഡലം ഗോപിയുടെ ചിത്രമുൾപ്പെടെ പങ്കുവെച്ചു കൊണ്ടായിരുന്നു പ്രതികരണം. പ്രലോഭനങ്ങളിൽ നട്ടെല്ല് വളയ്ക്കാത്ത കലാമണ്ഡലം ഗോപി ആശാന് സ്നേഹാദരം. ഗോപി ആശാൻ എന്ന മഹാപ്രതിഭയ്ക്കുള്ളത് ലോകത്തിലെ ഏതു വജ്രത്തേക്കാളും തിളക്കമെന്ന് ആരോഗ്യ മന്ത്രി കുറിച്ചു. എന്നാൽ ഗോപിയാശാന്റെ കീചകവധമെന്നായിരുന്നു ശിവൻകുട്ടിയുടെ പോസ്റ്റ്. അതേസമയം വിഷയത്തിൽ പ്രതികരണവുമായി സുരേഷ് ഗോപി രംഗത്തെത്തി. കലാമണ്ഡലം ഗോപി ഗുരുതുല്യനാണെന്ന് സുരേഷ് ഗോപി പ്രതികരിച്ചു. പ്രചരണത്തിന്റെ ഭാഗമായി ആരെ കാണണമെന്ന് തീരുമാനിക്കുന്നത് പാർട്ടിയാണ്. പാർട്ടി പറഞ്ഞാൽ ഗോപിയാശാനെ കാണുമെന്നും അദ്ദേഹം വ്യക്തമാക്കി. തനിക്ക് യാതൊരു സ്ട്രാറ്റജിയും ഇല്ലെന്നും, ജനങ്ങളുടെ ഇടയിലേക്ക് നേരിട്ട് ഇറങ്ങുകയാണെന്നും സുരേഷ് ഗോപി കൂട്ടിച്ചേർത്തു. പാര്ട്ടി ജില്ലാ അധ്യക്ഷനാണ് പ്രമുഖരുടെ പട്ടിക തയ്യാറാക്കുന്നതെന്നും ഒരാളെയും ഗോപിയാശാനെ കാണുന്നതിനായി ചുമതല ഏല്പ്പിച്ചിട്ടില്ലെന്നും ഏല്പ്പിക്കാനും ഉദ്ദേശിച്ചിട്ടില്ലെന്നും അദ്ദേഹം പറഞ്ഞു.…
Read Moreജനങ്ങളില് നിന്ന് സംഭാവന വാങ്ങി ജനങ്ങളുടെ ചെലവില് പ്രവര്ത്തിക്കുന്ന പാര്ട്ടി; ബിജെപിയെയും കോണ്ഗ്രസിനെയും പോലെയല്ല; “ഇത് ഉത്തരേന്ത്യയല്ല കേരളമെന്ന് എം.വി. ഗോവിന്ദൻ
ഇടുക്കി: യുഡിഎഫ് എന്നത് ദുര്ബലമായ സംവിധാനം, ഭരണമുള്ളപ്പോഴും ഇല്ലാത്തപ്പോഴും എല്ലാക്കാലത്തും സജീവമായി മുന്നോട്ട് വന്നിട്ടുള്ളത് എല്ഡിഎഫ് ആണെന്ന് സിപിഎം സംസ്ഥാന സെക്രട്ടറി എം.വി.ഗോവിന്ദന്. തങ്ങള് ജനങ്ങളുടെ ചെലവില് ജനങ്ങള്ക്കായി പ്രവര്ത്തിക്കുന്ന പാര്ട്ടിയാണ്. ജനങ്ങളില് നിന്നാണ് സംഭാവന വാങ്ങാറുള്ളത്. എന്നാല് ബിജെപിയും കോണ്ഗ്രസും മുതലാളിമാരുടെ കാശ് വാങ്ങിയാണ് പണിയെടുക്കുന്നത്. വന്യജീവി പ്രശ്നത്തിലും ഇടപെട്ടിട്ടുള്ളത് സിപിഎം ആണ്. ഇനിയുമത് തുടരും. തെരഞ്ഞെടുപ്പില് സമദൂരം എന്ന ഹൈറേഞ്ച് സംരക്ഷണ സമിതിയുടെ നിലപാട് ഗുണമാവുക എല്ഡിഎഫിനെന്നും അദ്ദേഹം അവകാശപ്പെട്ടു. ഇടുക്കി പാര്ലമെന്റ് മണ്ഡലത്തില് എല്ഡിഎഫ് മികച്ച വിജയം നേടുമെന്ന് സിപിഎം സംസ്ഥാന സെക്രട്ടറി എം.വി.ഗോവിന്ദന്. ഡീന് കുര്യാക്കോസ് എംപിയേക്കുറിച്ച് താന് വ്യക്തിപാരമായി ഒന്നും പറയുന്നില്ല. തങ്ങള് നയപരമായിട്ടാണ് കാര്യങ്ങള് അവതരിപ്പിക്കുന്നത്. എംപിയെ മണ്ഡലത്തില് കാണാറില്ലെന്ന് ജനങ്ങളില് നിന്നും മനസിലാക്കിയെന്നും അദ്ദേഹം പറഞ്ഞു. “ഇത് ഉത്തരേന്ത്യ അല്ല കേരളമാണ്. വര്ഗീയ ധ്രുവീകരണങ്ങള് വിലപ്പോകില്ല; ദോഷം…
Read Moreപ്രണയിച്ച് വിവാഹം കഴിച്ചിട്ട് 11 മാസം; പത്തൊമ്പതുകാരിയായ ഗർഭിണി തൂങ്ങിമരിച്ച നിലയിൽ
തിരുവനന്തപുരം: ഗർഭിണിയായ യുവതിയെ തൂങ്ങി മരിച്ച നിലയില് കണ്ടെത്തി. വർക്കല മണമ്പൂരിലാണ് 19 കാരിയായ ഗർഭിണിയെ തൂങ്ങി മരിച്ച നിലയിൽ കണ്ടെത്തിയത്. വര്ക്കല മണമ്പൂര് പേരേറ്റ്കാട്ടിൽ വീട്ടിൽ ലക്ഷ്മി ആണ് മരിച്ചത്. ലക്ഷ്മി ബി. എ അവസാന വർഷ വിദ്യാർഥിനി ആയിരുന്നു. ലക്ഷ്മിയുടെ തുടർ വിദ്യാഭാസവുമായി ബന്ധപ്പെട്ട് ഭർത്താവ് കിരണുമായി ചില തർക്കങ്ങൾ ഉണ്ടായിരുന്നുവെന്ന് പോലീസ് പറഞ്ഞു. ഞാറാഴ്ച വൈകിട്ടാണ് സംഭവം. ഭര്ത്താവിനൊപ്പം വാടകക്ക് താമസിക്കുന്ന വീട്ടിലെ ജനല് കമ്പിയിൽ തൂങ്ങി മരിച്ച നിലയിലാണ് ലക്ഷ്മിയെ കണ്ടെത്തിയത്. കിരണിന്റെ കുടുംബാംഗങ്ങളും ഇവർക്കൊപ്പം ആ വീട്ടിൽ താമസിക്കുന്നുണ്ട്. കിരൺ ഓട്ടോ ഡ്രൈവറാണ്. ഇരുവരുടെയും വിവാഹം കഴിഞ്ഞിട്ട് 11 മാസമായി. ലക്ഷ്മിയും കിരണും പ്രണയിച്ചാണ് വിവാഹം കഴിച്ചത് . സംഭവത്തില് കേസെടുത്ത് പോലീസ് അന്വേഷണം ആരംഭിച്ചു. കഴിഞ്ഞ ദിവസങ്ങളില് തുടര് വിദ്യാഭ്യാസവുമായി ബന്ധപ്പെട്ട് ഇരുവരും തമ്മില് തര്ക്കമുണ്ടായിരുന്നുവെന്ന് നാട്ടുകാരും പറയുന്നുണ്ട്.…
Read More