കൊച്ചി: കേരളത്തിലെ നഗരസഭകള് യുഡിഎഫ് ഭരിക്കുമെന്ന വോട്ടേഴ്സ് റൈറ്റ്സ് ഫൗണ്ടേഷന് വേണ്ടി പൊളിറ്റിക്കല് സൈക്കോളജിസ്റ്റായ അഡ്വ അവനീഷ് കോയിക്കര നടത്തിയ സര്വ്വെ ഫലം യാഥാര്ഥ്യമായി. കേരളത്തില് ആകെയുള്ള 6 കോര്പ്പറേഷനുകളില് 4 കോര്പറേഷനുകളും 87 മുനിസിപ്പാലിറ്റികളില് 55 മുനിസിപ്പാലിറ്റികളും യു.ഡി.എഫ് ഭരിക്കുമെന്നായിരുന്നു സര്വ്വെ റിപ്പോര്ട്ട്.
2010ന് ശേഷം യുഡിഎഫ് നേടുന്ന മികച്ച സീറ്റ് നിലയാണ് ഇത്തവണ നേടിയത്. ഒക്ടോബറില് നടത്തിയ സര്വ്വെ റിപ്പോര്ട്ട് നവംബറില് മാധ്യമങ്ങള്ക്കും കെപിസിസി പ്രസിഡന്റിനും പ്രതിപക്ഷ നേതാവിനും സമര്പ്പിച്ചിരുന്നു.
കേരളത്തിന്റെ വിവിധ ഭാഗങ്ങളില് നിന്നായി രണ്ടായിരത്തി അഞ്ഞൂറോളം പേരെ തെരഞ്ഞെടുപ്പ് പോരാട്ടത്തിന് അഡ്വ. അവനീഷ് കോയിക്കര സജ്ജരാക്കിയിരുന്നു. സൗജന്യമായി സൂം പ്ലാറ്റ്ഫോമിലൂടെ നടത്തുന്ന പൊളിറ്റിക്കല് മാസ്റ്ററി എന്ന പരിശീലന പരിപാടിയിലൂടെയാണ് അഞ്ചു വര്ഷം കൊണ്ട് ഇത്രയധികം പേരെ ഒരുക്കിയെടുത്തത്.
സുപ്രീം കോടതിയിലും ഹൈക്കോടതിയിലും അഭിഭാഷകനായിരിക്കുമ്പോഴും സൈക്കോലീഗല് കണ്സള്ട്ടന്റ്, ഓര്ഗനൈസേഷണല് സൈക്കോളജിസ്റ്റ്, മാസ്റ്റര് മൈന്ഡ് ട്രെയിനര് എന്നീ നിലകളിലും അവനീഷ് കോയിക്കര സജീവമാണ്. നിയമത്തില് ബിരുദവും സൈക്കോളജി, മാനേജ്മെന്റ്, ജേണലിസം എന്നിവയില് ബിരുദാനന്തര ബിരുദവുമുള്ള അഡ്വ. അവനീഷ്, നിലവില് രാജസ്ഥാനിലെ ശ്രീധര് യൂണിവേഴ്സിറ്റിയില് ‘തൊഴിലിട ആത്മീയത’ എന്ന വിഷയത്തില് പിഎച്ച്ഡി ചെയ്യുകയാണ്.
