നെടുങ്കണ്ടം: തദ്ദേശ തെരഞ്ഞെടുപ്പില് വിജയിച്ച സ്ഥാനാര്ഥിയെയും വോട്ടര്മാരെയും സിപിഎം പ്രാദേശിക നേതാക്കൾ ഭീഷണിപ്പെടുത്തിയതായി ആരോപണം. ഉടുമ്പന്ചോല പഞ്ചായത്ത് രണ്ടാം വാര്ഡ് പാമ്പുപാറയില് വിജയിച്ച സാന്റോച്ചന് കൊച്ചുപുരയ്ക്കല് ഇതു സംബന്ധിച്ച് ഉടുമ്പന്ചോല പോലീസില് പരാതി നല്കി.
തോട്ടം തൊഴിലാളികള് അധിവസിക്കുന്ന കടുംകാപ്പി, ആട്ടുപാറ മേഖലയില് ബുധനാഴ്ച വൈകുന്നേരം സിപിഎം നേതാക്കൾ എത്തി തൊഴിലാളികളെ ഭീഷണിപ്പെടുത്തുകയും വീടുകയറി കൈയേറ്റം നടത്താന് ശ്രമിക്കുകയും ചെയ്തതായാണ് പരാതി. പോലീസിന്റെ ഇടപെടലിനെത്തുടര്ന്നാണ് അനിഷ്ട സംഭവങ്ങള് ഒഴിവായത്.
സിപിഎം നേതാക്കളുടെ ഭീഷണി നിലനില്ക്കുന്നതിനാല് സംരക്ഷണം ആവശ്യപ്പെട്ട പോലീസില് പരാതി നല്കിയിട്ടുണ്ടെന്നും പഞ്ചായത്ത് അംഗമെന്ന നിലയ്ക്ക് വാര്ഡില് നിര്ഭയം പ്രവര്ത്തിക്കാന് അവസരം ഒരുക്കണമെന്നും സാന്റോച്ചന് ആവശ്യപ്പെട്ടു.
പത്രസമ്മേളനത്തില് കോണ്ഗ്രസ് ഉടുമ്പന്ചോല മണ്ഡലം പ്രസിഡന്റ് ടിബിന് പി. ജോര്ജ്, മണ്ഡലം സെക്രട്ടറി ആര്. പ്രകാശ്, ബ്ലോക്ക് സെക്രട്ടറി ബാബു മാത്യു, യൂത്ത് കോണ്ഗ്രസ് മണ്ഡലം സെക്രട്ടറി ഡെന്നിസ് സജി എന്നിവര് പങ്കെടുത്തു.
