വളരെ രസകരമായ സംഭവമാണ് ഒരു ലണ്ടനിലെ ഒരു സൂപ്പർ മാർക്കറ്റിൽ അരങ്ങേറിയത്. ഇന്ത്യക്ക് പുറത്തുള്ള ഒരു സൂപ്പർ മാർക്കറ്റിൽ നിന്ന് 100 രൂപയ്ക്ക് എന്ത് വാങ്ങാം എന്ന രസകരമായ വീഡിയോ ഇൻസ്റ്റഗ്രാമിൽ പങ്കുവച്ചത് ഇതിനകം തന്നെ മൂന്ന് ദശലക്ഷത്തിലധികം ആളുകൾ കണ്ട് കഴിഞ്ഞു.
ഇന്ത്യൻ 100 രൂപ കൊണ്ട് ലണ്ടനിലെ സൂപ്പർ മാർക്കറ്റിൽ നിന്ന് എന്ത് വാങ്ങാം എന്ന് ചോദിച്ചശേഷം യുവതി സൂപ്പർ മാർക്കറ്റിന്റെ ഉള്ളിലേക്ക് കയറിപോവുകയായിരുന്നു. ബ്രെഡും ചീസും കുറച്ച് സവാളയും വാങ്ങാമെന്ന് കരുതിയാണ് യുവതിക്ക് 100 രൂപയ്ക്കുള്ളിൽ അത് വാങ്ങാൻ സാധിക്കില്ലെന്ന് മനസിലാക്കിയതിനുശേഷം മറ്റ് സാധനങ്ങൾ തിരയാന് തുടങ്ങി.
ഒരു കുപ്പി വെള്ളം വാങ്ങാം എന്നു കരുതിയെങ്കിലും വില കൂടിയതിനാൽ അത് ഉപേക്ഷിച്ചു. തിരച്ചിലുകൾക്കൊടുവിൽ യുവതി ചെന്നെത്തിയത് ഒരു കാബേജിലും ഓറിയോ ബിസ്കറ്റിലുമാണ്, എന്നാൽ ബിസ്കറ്റിന് വില കൂടിയതിനാൽ അത് വാങ്ങാൻ സാധിച്ചില്ല. അതിനുശേഷമുള്ള തപ്പിതിരയലുകൾക്കൊടുവിൽ 100 രൂപയ്ക്കുള്ളിൽ ഒരു ചെറിയ കവർ കാരറ്റ് മാത്രമേ വാങ്ങാൻ സാധിച്ചുള്ളു.
വളരെ രസകരമായ വീഡിയോ ആളുകൾ വളരെ പെട്ടെന്ന് തന്നെ ഏറ്റെടുത്തു. ഇന്ത്യൻ രൂപയുടെ വിലയെ പ്രശംസിച്ചുകൊണ്ടും തമാശരൂപത്തിലുള്ള കമന്റുകളും വീഡിയോയ്ക്ക് താഴെ പ്രത്യക്ഷപ്പെട്ടു.
