കൂത്തുപറമ്പ്: റോഡിൽ നിന്ന് കളഞ്ഞു കിട്ടിയ മൂന്ന് ലക്ഷത്തോളം രൂപ പോലീസിന്റെ സാന്നിധ്യത്തിൽ ഉടമസ്ഥന് കൈമാറി ലോട്ടറി വില്പനക്കാരനായ യുവാവ്. കൂത്തുപറമ്പ് റീജിനൽ കോ-ഓപ്പറേറ്റീവ് ബാങ്ക് ജീവനക്കാരൻ പാലത്തും കരയിലെ സി.വി. ജിതേഷിന്റെ കൈവശമുണ്ടായിരുന്ന പണമാണ് കാർ യാത്രയ്ക്കിടെ കൂത്തുപറമ്പ് ടൗണിൽ വച്ച് നഷ്ടപ്പെട്ടത്.
കളഞ്ഞുകിട്ടിയ പണം ടൗണിലെ ലോട്ടറി വില്പനക്കാരനായ കോട്ടയം തള്ളോട്ടെ സി. സുബീഷ് ഉടൻ പോലീസ് സ്റ്റേഷനിൽ ഏൽപ്പിക്കുകയായിരുന്നു. വിവരം ലഭിച്ചതനുസരിച്ച് ജിതേഷ് പോലീസ് സ്റ്റേഷനിലെത്തി പണം കൈപറ്റുകയും ചെയ്തു.
