സ്ഥ​ലം വി​ല്പന​യു​മാ​യി ബ​ന്ധ​പ്പെ​ട്ട ത​ർ​ക്കം; സിപിഎമ്മിന്‍റെ മധ്യസ്ഥ ചർച്ച അംഗീകരിക്കാത്തിന്‍റെ വൈരാഗ്യം തീർത്തത് റബർ മരങ്ങൾ ചെത്തി നശിപ്പിച്ച്; സമീപ പു​ര​യി​ട​ത്തി​ലെ കു​ടി​വെ​ള്ള വി​ത​ര​ണ സം​വി​ധാ​ന​വും ത​ക​ർ​ത്തു

ഇ​രി​ട്ടി: സ്ഥ​ലം വി​ല്പന​യു​മാ​യി ബ​ന്ധ​പ്പെ​ട്ട ത​ർ​ക്കം പ​രി​ഹ​രി​ക്കു​ന്ന​തി​ന് സി​പി​എം ലോ​ക്ക​ൽ ക​മ്മി​റ്റി ഇ​ട​പെ​ട്ട് ന​ട​ത്തി​യ മ​ധ്യ​സ്ഥ​ത അം​ഗീ​ക​രി​ക്കാ​തി​രു​ന്ന ക​ർ​ഷ​ക​ന്‍റെ റ​ബ​ർ മ​ര​ങ്ങ​ൾ തൊ​ലി ചെ​ത്തി ന​ശി​പ്പി​ച്ച​താ​യി പ​രാ​തി. കൂ​ടാ​തെ ഏ​ഴ് വീ​ട്ടു​കാ​ർ കു​ടി​വെ​ള്ള​ത്തി​നാ​യി ഉ​പ​യോ​ഗി​ക്കു​ന്ന പൈ​പ്പു ലൈ​നും ടാ​ങ്കും കു​ത്തി​ക്കീ​റി ന​ശി​പ്പി​ച്ചു.

വാ​ണി​യ​പ്പാ​റ​ത്ത​ട്ടി​ലെ ചു​വ​പ്പു​ങ്ക​ൽ ജോ​ർ​ജി​ന്‍റെ ടാ​പ്പു ചെ​യ്യു​ന്ന നാ​ല്പ​തോ​ളം റ​ബ​ർ മ​ര​ങ്ങ​ളാ​ണ് തൊ​ലി​ചെ​ത്തി ന​ശി​പ്പി​ച്ച​ത്. സ​മീ​പ​വാ​സി​യാ​യ മൊ​യ്യ​പ്പ​ള്ളി മ​ജീ​ദി​ന്‍റെ പു​ര​യി​ട​ത്തി​ലെ കു​ടി​വെ​ള്ള വി​ത​ര​ണ സം​വി​ധാ​ന​വും അ​ക്ര​മി​ക​ൾ ത​ക​ർ​ത്തു.

ജോ​ർ​ജി​ന്‍റെ തോ​ട്ട​ത്തി​ൽ 380 റ​ബ​ർ മ​ര​ങ്ങ​ളി​ൽ ഏ​റ്റ​വും ന​ല്ല നാ​ല്പ​തോ​ളം മ​ര​ങ്ങ​ളാ​ണ് തു​ട​ർ​ന്നു ടാ​പ്പ് ചെ​യ്യാ​വാ​വാ​ത്ത വി​ധം ചെ​ത്തി ന​ശി​പ്പി​ച്ചി​രി​ക്കു​ന്ന​ത്. മ​ജീദ് സ്ഥാ​പി​ച്ച കു​ടി​വെ​ള്ള വി​ത​ര​ണ സം​വി​ധാ​ന​ത്തി​ൽ നി​ന്നാ​ണ് മ​റ്റു​ള്ള വീ​ടു​ക​ളി​ലു​ള​ള​വ​രും കു​ടി​വെ​ള്ളം എ​ടു​ക്കു​ന്ന​ത്.

ഈ ​പ​ദ്ധ​തി​യും ജോ​ർ​ജി​ന്‍റെ​താ​ണെ​ന്നു ക​രു​തി​യാ​യി​രി​ക്കും അ​ക്ര​മ​മെ​ന്നാ​ണ് നാ​ട്ടു​കാ​ർ പ​റ​യു​ന്ന​ത്. കൊ​ച്ചു​പു​ര​യ്ക്ക​ൽ ഷാ​ജി​യു​ടെ ഉ​ട​മ​സ്ഥ​ത​യി​ൽ ഉ​ള്ള കെ.​വി. ഫ്രൂ​ട്‌​സ് പ​ഴ സം​സ്‌​ക​ര​ണ കേ​ന്ദ്രം ജീ​വ​ന​ക്കാ​ർ സ്ഥാ​പ​ന​ത്തി​ലേ​ക്ക് വെ​ള്ളം എ​ടു​ക്കാ​നാ​യി പൈ​പ്പ് തു​റ​ന്ന​പ്പോ​ഴാ​ണ് പൈ​പ്പും ടാ​ങ്കും ന​ശി​പ്പി​ച്ച​താ​യി ക​ണ്ടെ​ത്തി​യ​ത്.

ര​ണ്ട് വ​ർ​ഷം മു​ന്പ് ജോ​ർ​ജി​ന്‍റെ ഉ​ട​മ​സ്ഥ​ത​യി​ൽ ര​ണ്ടാം​ക​ട​വി​ലു​ള്ള ക​ട​യു​ടെ കെ​ട്ടി​ടം വി​റ്റ​തു​മാ​യി ബ​ന്ധ​പ്പെ​ട്ട് ത​ർ​ക്കം ഉ​ണ്ടാ​യി​രു​ന്നു. ഞാ​യ​റാ​ഴ്ച രാ​ത്രി എ​ട്ടി​ന് സി​പി​എം അ​യ്യ​ൻ​കു​ന്ന് ലോ​ക്ക​ൽ ക​മ്മി​റ്റി ഓ​ഫീ​സി​ൽ ഇ​തു​മാ​യി ബ​ന്ധ​പ്പെ​ട്ട് ന​ട​ത്തി​യ മ​ധ്യ​സ്ഥ ച​ർ​ച്ച വി​ജ​യി​ച്ചി​രു​ന്നി​ല്ല.

ഇ​തി​ന് പി​ന്നാ​ലെ​യാ​ണ് ആ​ക്ര​മ​ണം ഉ​ണ്ടാ​യ​ത്. ക​രി​ക്കോ​ട്ട​ക്ക​രി എ​സ്ഐ ബെ​ന്നി മാ​ത്യു​വി​ന്‍റെ നേ​തൃ​ത്വ​ത്തി​ൽ പോ​ലീ​സ് സ്ഥ​ല​ത്തെ​ത്തി. കൃ​ഷി ഭൂ​മി​യി​ൽ അ​തി​ക്ര​മി​ച്ചു ക​യ​റി​യ​തി​നും വി​ള​ക​ളും കു​ടി​വെ​ള്ള പൈ​പ്പും ന​ശി​പ്പി​ച്ച​തി​നും കേ​സെ​ടു​ത്തു.

സ​ണ്ണി ജോ​സ​ഫ് എം​എ​ൽ​എ, അ​യ്യ​ൻ​കു​ന്ന് പ​ഞ്ചാ​യ​ത്ത് പ്ര​സി​ഡ​ന്‍റ് കു​ര്യാ​ച്ച​ൻ പൈ​മ്പ​ള്ളി​ക്കു​ന്നേ​ൽ, അം​ഗ​ങ്ങ​ളാ​യ സീ​മ സ​നോ​ജ്, സെ​ലീ​ന ബി​നോ​യി, ഡി​സി​സി സെ​ക്ര​ട്ട​റി ഡെ​യ്‌​സി മാ​ണി, കോ​ൺ​ഗ്ര​സ് ഇ​രി​ട്ടി ബ്ലോ​ക്ക് പ്ര​സി​ഡ​ന്‍റ് തോ​മ​സ് വ​ർ​ഗീ​സ്, ജെ​യി​ൻ​സ് ടി.​മാ​ത്യു, ജെ​യ്‌​സ​ൺ തോ​മ​സ്, എം.​കെ.​വി​നോ​ദ്, കെ.​എ​സ്. ശ്രീ​കാ​ന്ത്, ത​ങ്ക​ച്ച​ൻ കു​ള​ങ്ങ​ര​മു​റി​യി​ൽ എ​ന്നി​വ​ർ സ്ഥ​ലം സ​ന്ദ​ർ​ശി​ച്ചു.

സിപിഎം തീരുമാനം അംഗീകരിക്കാത്തതിന്‍റെ തിക്താനുഭവം: സണ്ണി ജോസഫ് എംഎൽഎ
സിപിഎം മ​ധ്യ​സ്ഥ​ത തീ​രു​മാ​നം അം​ഗീ​ക​രി​ക്കാ​ത്ത​തി​ന്‍റെ തി​ക്താ​നു​ഭ​വ​മാ​ണ് ക​ർ​ഷ​ക​ൻ നേ​രി​ട്ട​തെ​ന്ന് സ​ണ്ണി​ജോ​സ​ഫ് എം​എ​ൽ​എ പ​റ​ഞ്ഞു. അ​തി​ക്ര​മം കാ​ട്ടി​യ​വ​രെ​യും പി​ന്നി​ലു​ള്ള ഗൂ​ഢാ​ലോ​ച​ന​ക്കാ​രെ​യും പി​ടി​കൂ​ട​ണ​മെ​ന്നും അ​ദ്ദേ​ഹം ആ​വ​ശ്യ​പ്പെ​ട്ടു.

ഇ​ട​പെ​ട്ട​ത് പ്ര​ശ്‌​നം ര​മ്യ​മാ​യി പ​രി​ഹ​രി​ക്കാ​ൻ: സി​പി​എം
പ​രാ​തി ര​മ്യ​മാ​യി പ​രി​ഹ​രി​ക്കു​ന്ന​തി​ന് ര​ണ്ട് ക​ക്ഷി​ക​ളെ​യും വി​ളി​ച്ച് സം​സാ​രി​ക്കു​ക​യാ​യി​രു​ന്നു​വെ​ന്ന് സി​പി​എം അ​യ്യ​ൻ​കു​ന്ന് ലോ​ക്ക​ൽ സെ​ക്ര​ട്ട​റി കെ.​ജെ. സ​ജീ​വ​ൻ പ​റ​ഞ്ഞു.

ച​ർ​ച്ച​യി​ൽ തീ​രു​മാ​ന​മാ​യി​ല്ല. നി​യ​മ​വ​ഴി തേ​ടാ​ൻ ആ​വ​ശ്യ​പ്പെ​ടു​ക​യാ​യി​രു​ന്നു. ജോ​ർ​ജി​ന്‍റെ കൃ​ഷി തോ​ട്ട​ത്തി​നു നേ​രെ​യു​ണ്ടാ​യ അ​ക്ര​മം അ​പ​ല​പ​നീ​യ​മാ​ണ്. പോ​ലീ​സ് അ​ന്വേ​ഷ​ണം ന​ട​ത്തി കു​റ്റ​വാ​ളി​ക​ളെ പി​ടി​കൂ​ട​ണ​മെ​ന്ന് അ​ദ്ദേ​ഹം ആ​വ​ശ്യ​പ്പെ​ട്ടു.