ക​രു​വാ​റ്റ  ബാങ്ക് ക​വ​ർ​ച്ച:  മൂന്നാമത്തെ പ്രതിയും പോലീസ് പിടിയിൽ; അ​ന്വേ​ഷ​ണം ഫ​ല​പ്രാ​പ്തി​യി​ൽ

ഹ​രി​പ്പാ​ട്: മൂ​ന്നു പ്ര​തി​ക​ളും അ​റ​സ്റ്റി​ലാ​യ​തോ​ടെ ക​രു​വാ​റ്റ ബാ​ങ്ക് ക​വ​ർ​ച്ച കേ​സി​ന്റെ അ​ന്വേ​ഷ​ണം ഫ​ല​പ്രാ​പ്തി​യി​ൽ. സം​ഭ​വ​ത്തി​ലെ മു​ഖ്യ​പ്ര​തി​യാ​യ തി​രു​വ​ന​ന്ത​പു​രം കാ​ട്ടാ​ക്ക​ട ക​ട്ട​കോ​ട് പാ​റ​ക്കാ​ണി മേ​ക്കും ക​ര​യി​ൽ ആ​ൽ​ബി​ൻ രാ​ജ് (38) ആ​ണ് ഇ​ന്ന​ലെ അ​റ​സ്റ്റി​ലാ​യ​ത്.

കോ​യ​മ്പ​ത്തൂ​രി​ൽ ഉ​ള്ള ഇ​യാ​ളു​ടെ ബ​ന്ധു​വി​ന്റെ വീ​ട്ടി​ൽ നി​ന്നും ക​ഴി​ഞ്ഞ ദി​വ​സം രാ​ത്രി ഹ​രി​പ്പാ​ട് സി​ഐ ആ​ർ. ഫ​യാ​സി​ന്റെ നേ​തൃ​ത്വ​ത്തി​ലു​ള്ള അ​ന്വേ​ഷ​ണ സം​ഘ​മാ​ണ് ഇ​യാ​ളെ പി​ടി​കൂ​ടി​യ​ത്.

പോ​ലീ​സി​നെ ക​ണ്ട് ര​ക്ഷ​പ്പെ​ടാ​ൻ ശ്ര​മി​ച്ച ഇ​യാ​ളെ ബ​ല​പ്ര​യോ​ഗ​ത്തി​ലൂ​ടെ സാ​ഹ​സി​ക​മാ​യാ​ണ് കീ​ഴ്പ്പെ​ടു​ത്തി​യ​ത്. ഇ​തോ​ടെ കേ​സി​ലെ പ്ര​തി​ക​ളെ​ല്ലാം പി​ടി​യി​ലാ​യി.

മ​റ്റു ര​ണ്ടു പ്ര​തി​ക​ളാ​യ ഹ​രി​പ്പാ​ട് സ്വ​ദേ​ശി അ​പ്പു​ണ്ണി എ​ന്ന് വി​ളി​ക്കു​ന്ന ഷൈ​ബു, തി​രു​വ​ന​ന്ത​പു​രം കാ​ട്ടാ​ക്ക​ട സ്വ​ദേ​ശി ഷി​ബു എ​ന്നി​വ​രെ ക​ഴി​ഞ്ഞ ദി​വ​സം പോ​ലീ​സ് അ​റ​സ്റ്റ് ചെ​യ്തി​രു​ന്നു. ഇ​വ​ർ ഇ​പ്പോ​ൾ റി​മാ​ൻ​ഡി​ൽ ആ​ണ്.

ആ​ൽ​ബി​ൻ രാ​ജി​ന്റെ ബ​ന്ധു​വി​ന്റെ കോ​യ​മ്പ​ത്തൂ​രി​ൽ ഉ​ള്ള വീ​ട് കു​റ​ച്ചു നാ​ളാ​യി പോ​ലീ​സ് നി​രീ​ക്ഷ​ണ​ത്തി​ലാ​യി​രു​ന്നു.

തൊണ്ടിമുതൽ…
തി​രു​വ​ന​ന്ത​പു​രം, കാ​ട്ടാ​ക്ക​ട പ്ര​ദേ​ശ​ങ്ങ​ളി​ൽ ആ​ൽ​ബി​ൻ രാ​ജി​നെ തെ​ളി​വെ​ടു​പ്പി​നാ​യി കൊ​ണ്ടു​വ​ന്നു. തൊ​ണ്ടി മു​ത​ൽ ക​ണ്ടെ​ടു​ത്ത​താ​യാ​ണ് സൂ​ച​ന.

ക​ഴി​ഞ്ഞ തി​ങ്ക​ളാ​ഴ്ച​യാ​ണ് സം​ഭ​വ​വു​മാ​യി ബ​ന്ധ​പ്പെ​ട്ട് മ​റ്റ് ര​ണ്ട് പ്ര​തി​ക​ളെ പോ​ലീ​സ് അ​റ​സ്റ്റ് ചെ​യ്യു​ന്ന​ത്. ഒ​രു മാ​സം നീ​ണ്ട സ​മ​ർ​ഥമാ​യ അ​ന്വേ​ഷ​ണ​ത്തി​നൊ​ടു​വി​ലാ​ണ് പോ​ലീ​സ് പ്ര​തി​ക​ളെ പി​ടി​കൂ​ടി​യ​ത്.
സെ​പ്റ്റം​ബ​ർ മൂ​ന്നി​നാ​ണ്

ക​രു​വാ​റ്റാ സ​ർ​വീ​സ് സ​ഹ​ക​ര​ണ ബാ​ങ്കി​ൽ നി​ന്നും നാ​ല​ര കി​ലോ സ്വ​ർ​ണ​വും നാ​ല​ര ല​ക്ഷം രൂ​പ​യും മോ​ഷ​ണം പോ​യ​ത്. ആ​സൂ​ത്രി​ത​മാ​യി മോ​ഷ്ടാ​ക്ക​ൾ ന​ട​ത്തി​യ മോ​ഷ​ണ​ത്തി​ലെ പ്ര​തി​ക​ളി​ലേ​ക്കെ​ത്താ​ൻ 350 ഓ​ളം പേ​രെ ചോ​ദ്യം ചെ​യ്യു​ക​യും 150 പേ​രു​ടെ മൊ​ഴി​യെ​ടു​ക്കും ക​യും ചെ​യ്തു.