കോ​വി​ഡ്കാ​ല പ​രി​ശോ​ധ​ന; അ​ന​സ് കു​ടു​ങ്ങി​യ​ത് ല​ക്ഷ​ങ്ങ​ളു​ടെ ല​ഹ​രി​യു​മാ​യി; രണ്ടുലക്ഷത്തോളം വിലവരുന്ന ലഹരിയെത്തിച്ചത് ഗോവയിൽ നിന്ന്


ആ​ലു​വ: കോ​വി​ഡ് അ​തി​വ്യാ​പ​ന​ത്തി​ന്‍റെ പ​ശ്ചാ​ത്ത​ല​ത്തി​ൽ മ​യ​ക്കു​മ​രു​ന്ന് ഉ​പ​യോ​ഗി​ക്കു​ന്ന​വ​രെ​യും വി​ല്പ​ന​ക്കാ​രെ​യും ക​ണ്ടെ​ത്താ​ൻ പോ​ലീ​സൊ​രു​ക്കി​യ വ​ല​യി​ൽ കു​ടു​ങ്ങി​യ​ത് ന്യൂ​ജെ​ൻ ല​ഹ​രി മാ​ഫി​യ​യി​ലെ പ്ര​ധാ​നി.

പ​ട്ടി​മ​റ്റം കു​മ്മ​നോ​ട് പ​റ​ക്കാ​ട് വീ​ട്ടി​ല്‍ അ​ന​സ് (32)നെ​യാ​ണ് വി​ല്പ​ന​യ്ക്കാ​യി കൊ​ണ്ടു​വ​ന്ന 25 ഗ്രാം ​ഹാ​ഷി​ഷും 9 ഗ്രാം ​എം​ഡി​എ​മ്മു​മാ​യി റെ​യി​ൽ​വേ സ്റ്റേ​ഷ​നു സ​മീ​പം വ​ച്ച് ആ​ലു​വ പോ​ലീ​സാ​ണ് അ​റ​സ്റ്റ് ചെ​യ്ത​ത്.

എ​റ​ണാ​കു​ളം റൂ​റ​ല്‍ ജി​ല്ലാ പോ​ലീ​സ് മേ​ധാ​വി കെ. ​കാ​ര്‍​ത്തി​ക്കി​ന് കി​ട്ടി​യ ര​ഹ​സ്യ വി​വ​ര​ത്തി​ന്‍റെ അ​ടി​സ്ഥാ​ന​ത്തി​ല്‍ ന​ട​ത്തി​യ അ​ന്വേ​ഷ​ണ​ത്തി​ലാ​യി​രു​ന്നു അ​റ​സ്റ്റ്.

അ​ന​സി​ൽ​നി​ന്നും പി​ടി​ച്ചെ​ടു​ത്ത മ​യ​ക്കു​മ​രു​ന്നു​ക​ൾ​ക്ക് ര​ണ്ടു ല​ക്ഷ​ത്തോ​ളം രൂ​പ വി​ല​വ​രും. ഗോ​വ​യി​ൽ​നി​ന്നും ആ​ലു​വ​യി​ലെ​ത്തി​ച്ച് യു​വാ​ക്ക​ളു​ടെ ഇ​ട​യി​ൽ വി​ല്പ​ന ന​ട​ത്തി വ​രി​ക​യാ​യി​രു​ന്നു.

അ​ന​സ് ഗോ​വ​യി​ൽ മ​യ​ക്കു​മ​രു​ന്നു വാ​ങ്ങാ​ൻ പോ​യ വി​വ​രം പോ​ലീ​സി​നു ല​ഭി​ച്ചി​രു​ന്നു. തു​ട​ർ​ന്ന് കു​റ​ച്ചു ദി​വ​സ​ങ്ങ​ളാ​യി എ​സ്പി​യു​ടെ നേ​തൃ​ത്വ​ത്തി​ലു​ള്ള പ്ര​ത്യേ​ക ടീ​മി​ന്‍റെ നി​രീ​ക്ഷ​ണ​ത്തി​ലാ​യി​രു​ന്നു ഇ​യാ​ൾ.

നാ​ട്ടി​ലെ​ത്തി​ക്കു​ന്ന ല​ഹ​രി​മ​രു​ന്നു​ക​ൾ ഡാ​ർ​ക്ക് ഒ​ൺ​ലൈ​ൻ സൈ​റ്റു​ക​ൾ വ​ഴി​യാ​ണ് വി​ൽ​പ്പ​ന ന​ട​ത്തി​യി​രു​ന്ന​ത്. വി​ദ്യാ​ർ​ത്ഥി​ക​ള​ട​ക്കം ആ​വ​ശ്യ​ക്കാ​രാ​യി എ​ത്തി​യി​രു​ന്ന​താ​യി പ്ര​തി പോ​ലീ​സി​നോ​ട് സ​മ്മ​തി​ച്ചു.

ഗോ​വ കേ​ന്ദ്ര​മാ​ക്കി​യു​ള്ള ല​ഹ​രി മാ​ഫി​യ​യി​ലെ പ്ര​ധാ​ന ക​ണ്ണി​യാ​ണ് ഇ​യാ​ൾ. നേ​ര​ത്തെ സ​മാ​ന​മാ​യ കേ​സി​ൽ മു​ള​ന്തു​രു​ത്തി പോ​ലീ​സ് അ​ന​സി​നെ പി​ടി​കൂ​ടി​യി​ട്ടു​ണ്ട്.

ആ​ലു​വ ഡി​വൈ​എ​സ്പി ടി.​എ​സ്. സി​നോ​ജി​ന്‍റെ നേ​തൃ​ത്വ​ത്തി​ലാ​യി​രു​ന്നു അ​ന്വേ​ഷ​ണം. കോ​വി​ഡ് നി​യ​ന്ത്ര​ണ​ങ്ങ​ൾ പ്ര​കാ​രം ബാ​റു​ക​ള്‍​ക്കും മ​റ്റും പ്ര​വ​ര്‍​ത്ത​നാ​നു​മ​തി നി​ഷേ​ധി​ച്ച സാ​ഹ​ച​ര്യ​ത്തി​ല്‍ വ്യാ​ജ വാ​റ്റും അ​ന​ധി​കൃ​ത മ​ദ്യ വി​ല്പ​ന​യും മ​യ​ക്കു​മ​രു​ന്ന് വി​പ​ണ​ന​വും ത​ട​യു​ന്ന​തി​ന് ജി​ല്ലാ പോ​ലീ​സ് മേ​ധാ​വി ക​ർ​ശ​ന നി​ര്‍​ദ്ദേ​ശം ന​ല്‍​കി​യ​തി​ന്‍റെ അ​ടി​സ്ഥാ​ന​ത്തി​ല്‍ പോ​ലീ​സ് പ​രി​ശോ​ധ​ന​ക​ള്‍ ശ​ക്ത​ക്കി​യി​ട്ടു​ണ്ട്. ഇ

​തി​ന്‍റെ ഭാ​ഗ​മാ​യി കാ​ല​ടി പോ​ലീ​സ് ക​ഴി​ഞ്ഞ ദി​വ​സം വ്യാ​ജ ചാ​രാ​യം പി​ടി​കൂ​ടി​യി​രു​ന്നു.

Related posts

Leave a Comment