ലാല്‍ജോസിന്റെ ‘ഡയമണ്ട് നെക്ലേസ്’ എന്ന സിനിമയിലൂടെ മലയാള സിനിമയില്‍ ഹരിശ്രീ കുറിച്ച നടിയാണ് അനുശ്രീ.
ചിത്രത്തിലെ രാജശ്രീ എന്ന കഥാപാത്രം ഏറെ ശ്രദ്ധ നേടിയിരുന്നു. ‘മധുരരാജ’ എന്ന സിനിമയില്‍ മമ്മൂട്ടിക്കൊപ്പം അഭിനയിച്ചപ്പോഴുള്ള അനുഭവങ്ങള്‍ ഇപ്പോള്‍ വെളിപ്പെടുത്തുകയാണ് നടി.
മധുരരാജയില്‍ വാസന്തി എന്ന കഥാപാത്രമായി ഇതുവരെ ചെയ്തതില്‍ നിന്നും വ്യത്യസ്തമായൊരു വേഷത്തിലാണ് അനുശ്രീ എത്തിയത്.
ചിത്രത്തില്‍ മമ്മൂട്ടിയോട് അനുശ്രീ ദേഷ്യപ്പെടുന്ന സീനുകളുണ്ട്. എന്നാല്‍ ആ സീനുകള്‍ ചെയ്യാന്‍ തനിക്ക് മടിയായിരുന്നു, മമ്മൂക്ക നിര്‍ബന്ധിച്ചിട്ടാണ് അത് ചെയ്തത് എന്നാണ് അനുശ്രീ പറയുന്നത്.
മമ്മൂക്കയുടെ ദേഹത്ത് തുപ്പല്‍ തെറിച്ചാലോയെന്ന് വിചാരിച്ച് മധുരരാജയിലെ ചീത്ത പറഞ്ഞ് ആട്ടുന്ന സീനില്‍ റിഹേഴ്സല്‍ ചെയ്യാന്‍ പോലും മടിയായിരുന്നു. പക്ഷെ മമ്മൂക്ക ധൈര്യം തന്ന് ചെയ്യിപ്പിച്ചു” എന്നാണ് അനുശ്രീ പറയുന്നത്. 2019 ഏപ്രില്‍ ആണ് ചിത്രം റിലീസ് ചെയ്തത്.
27 കോടി ബജറ്റില്‍ ഒരുക്കിയ ചിത്രം 100 കോടി കളക്ഷന്‍ നേടിയിരുന്നു. മമ്മൂട്ടിക്കൊപ്പം ജഗപതി ബാബു, ജയ്, സിദ്ദിഖ്, നെടുമുടി വേണു, വിജയരാഘവന്‍, സലിം കുമാര്‍, മഹിമ നമ്പ്യര്‍, അന്ന രാജന്‍, വിനയ പ്രസാദ്, ചരണ്‍ രാജ് തുടങ്ങി നിരവധി താരങ്ങളും അണിനിരന്നിരുന്നു.
