ഗൃഹനാഥൻ ചവിട്ടേറ്റ് മരിച്ചു, വളർത്തുമകൻ അറസ്റ്റിൽ; ഞാ​യ​റാ​ഴ്ച രാ​ത്രി​യി​ലാ​ണ് സം​ഭ​വം

ഏ​റ്റു​മാ​നൂ​ർ: ചവിട്ടേറ്റ് ഗൃഹനാഥൻ‍ കൊല്ലപ്പെട്ടു. ഏ​റ്റു​മാ​നൂ​ർ ന​രി​ക്കു​ഴി​യി​ൽ മ​ണി​ രാ​ഘ​വ​നാ​ണ്(70) കൊ​ല്ല​പ്പെ​ട്ട​ത്. ഇ​യാ​ളു​ടെ വ​ള​ർ​ത്തുമ​ക​ൻ മ​നു(34)വി​നെ ഏ​റ്റു​മാ​നൂ​ർ പോ​ലീ​സ് അ​റ​സ്റ്റ് ചെ​യ്തു. മ​ദ്യ​ല​ഹ​രി​യി​ലു​ണ്ടാ​യ വ​ഴ​ക്കാ​ണ് കൊ​ല​പാ​ത​ക​ത്തി​ലേ​ക്ക് ന​യി​ച്ച​തെന്ന് പോലീസ് പറഞ്ഞു.

ഞാ​യ​റാ​ഴ്ച രാ​ത്രി​യി​ലാ​ണ് സം​ഭ​വം. ദി​വ​സ​വും മ​ദ്യ​പി​ച്ച് എ​ത്തു​ന്ന മ​ണി​ രാ​ഘ​വ​ൻ വീ​ട്ടി​ൽ സ്ഥി​ര​മാ​യി വ​ഴ​ക്കു​ണ്ടാ​ക്കു​ക പ​തി​വാ​യി​രു​ന്നു. ര​ണ്ടു മാ​സം മു​ൻ​പാ​യി​രു​ന്നു മ​നു​വി​ന്‍റെ വി​വാ​ഹം. ഞാ​യ​റാ​ഴ്ച രാ​ത്രി വ​ഴ​ക്ക് മൂ​ത്ത​തി​നെ തു​ട​ർ​ന്ന് സ​ഹി​കെ​ട്ട മ​നു മണിരാ​ഘ​വ​നെ ച​വി​ട്ടി വീ​ഴ്ത്തി. ച​വി​ട്ടേ​റ്റ് വീടി​ന്‍റെ തി​ണ്ണ​യി​ൽ വീണ മ​ണി​ രാ​ഘ​വ​ൻ ബോ​ധ​ര​ഹി​ത​നാ​യ​തോ​ടെ അ​ക​ത്തു ക​ട്ടി​ലി​ൽ ക​യ​റ്റി കി​ട​ത്തി. രാ​വി​ലെ പ​രി​ശോ​ധി​ച്ച​പ്പോ​ൾ മ​രി​ച്ച​താ​യി ക​ണ്ടെ​ത്തി. ഇ​തോ​ടെ മ​നു സ്വ​ഭാവി​ക മ​ര​ണം എ​ന്ന രീ​തി​യി​ൽ പോ​ലീ​സി​നെ​യും നാ​ട്ടു​കാ​രെ​യും വി​ളി​ച്ചുവ​രു​ത്തി.

എ​ന്നാ​ൽ പോ​ലീ​സി​ന്‍റെ പ​രി​ശോ​ധ​ന​യി​ൽ അ​സ്വഭാ​വി​ക​ത തോ​ന്നി​യ​തോ​ടെ ഇ​ൻ​ക്വ​സ്റ്റ് ത​യാ​റാ​ക്കി മ്യ​ത​ദേ​ഹം മെ​ഡി​ക്ക​ൽ കോ​ള​ജി​ൽ പോ​സ്റ്റ​്മോ​ർ​ട്ടം ന​ട​ത്തി. പോ​സ്റ്റ്മോ​ർ​ട്ട​ത്തി​ൽ മ​ണി രാ​ഘ​വ​ന്‍റെ ര​ണ്ട് വാ​രി​യെ​ല്ല് ഒ​ടി​ഞ്ഞ​താ​യി ക​ണ്ടെ​ത്തി.

ക്രൂ​ര​മാ​യ മ​ർ​ദ​ന​മേ​റ്റാ​ണ് മ​ര​ണം സം​ഭ​വി​ച്ച​​തെ​ന്ന് ഇ​തോ​ടെ വ്യ​ക്ത​മാ​യി. മ​നു​വി​നെ പോ​ലീ​സ് ക​സ്റ്റ​ഡി​യി​ൽ എ​ടു​ത്ത് ചോ​ദ്യം ചെ​യ്ത​തോ​ടെ കൊ​ല​പാ​ത​ക​മെ​ന്ന് സ​മ്മ​തി​ച്ചു. മ​ദ്യ​ല​ഹ​രി​യി​ലു​ണ്ടാ​യ വ​ഴ​ക്കാ​ണ് കൊ​ല​പാ​ത​ക​ത്തി​ലേ​ക്ക് ന​യി​ച്ച​തെ​ന്ന് പോ​ലീ​സ് പ​റ​ഞ്ഞു. മ​നു​വി​ന്‍റെ അ​റ​സ്റ്റ് രേ​ഖ​പ്പെ​ടു​ത്തി. ഇ​യാ​ളെ ഇ​ന്നു കോ​ട​തി​യി​ൽ ഹാ​ജ​രാ​ക്കും.

മ​നു​വി​ന് ആ​റു വ​യസു​ള​ള​പ്പോ​ഴാ​ണ് അ​മ്മ​യോ​ടൊ​പ്പം മ​ണി​രാ​ഘ​വ​ൻ താ​മ​സം തു​ട​ങ്ങി​യ​ത്. അ​ടി​ച്ചി​റ​യി​ൽ പു​റ​ന്പോ​ക്കി​ലാ​യി​രു​ന്നു താ​മ​സം. ഏ​താ​നും വ​ർ​ഷം മു​ൻ​പ് മ​നു​വി​ന്‍റെ അ​മ്മ അ​പ​ക​ട​ത്തി​ൽ മ​രി​ച്ചു. ഇ​ൻ​ഷ്വ​റ​ൻ​സ് ക്ലെ​യിം കി​ട്ടി​യ പ​ണ​ത്തി​ന് ഏ​റ്റു​മാ​നൂ​രി​ൽ വീ​ട് വാ​ങ്ങി ഇ​രു​വ​രും താ​മ​സി​ച്ചു വ​രി​ക​യാ​യി​രു​ന്നു.

സ്ഥി​ര​മാ​യി ബ​ഹ​ള​മു​ണ്ടാ​ക്കി കേ​സി​ൽ​പ്പെ​ടു​ന്ന മ​ണി രാ​ഘ​വ​നെ സ്റ്റേ​ഷ​നി​ൽ നി​ന്ന് കൂ​ട്ടി​ക്കൊ​ണ്ടു​വ​രു​ന്ന​ത് മ​നു​വാ​യി​രു​ന്നു. പെ​റ്റി​ക്കേ​സി​ൽ​പ്പെ​ടു​ന്ന മ​ണി രാ​ഘ​വ​ന് കോ​ട​തി​യി​ൽ പ​ണം അ​ട​യ്ക്കു​ന്ന​തു പോ​ലും മ​നു​വാ​യി​രു​ന്നുവെന്ന് പോലീസ് പറയുന്നു.