അ​ന്ത​ർ​സം​സ്ഥാ​ന മോ​ഷ്ടാ​വ് പോ​ലീ​സ് കസ്റ്റഡിയിൽ;സേലം സ്വദേശി രാജശേഖരന്‍റെ മോഷണ പരമ്പര അന്വേഷിച്ച് പത്തനാപുരം പോലീസ്

പ​ത്ത​നാ​പു​രം: കേ​ര​ള​ത്തി​ലും ത​മി​ഴ്നാ​ട്ടി​ലു​മ​ട​ക്കം നി​ര​വ​ധി കേ​സു​ക​ളി​ല്‍ പ്ര​തി​യാ​യ അ​ന്ത​ർ​സം​സ്ഥാ​ന മോ​ഷ്ടാ​വി​നെ പോ​ലീ​സ് ക​സ്റ്റ​ഡി​യി​ൽ വാ​ങ്ങി.​സേ​ലം സ്വ​ദേ​ശി രാ​ജ​ശേ​ഖ​രാ​നാ​ണ്(38) പ​ത്ത​നാ​പു​രം പോ​ലീ​സി​ന്‍റെ ക​സ്റ്റ​ഡി​യി​ലു​ള്ള​ത്.
കൊ​ല്ലം റൂ​റ​ൽ, തൃ​ശൂ​ർ, ത​മി​ഴ്നാ​ട് എ​ന്നി​വി​ട​ങ്ങ​ളി​ലെ പോ​ലീ​സ് ഉ​ദ്യോ​ഗ​സ്ഥ​രു​ടെ സം​യു​ക്ത പ​രി​ശ്ര​മ​ത്തി​ന്റെ ഫ​ല​മാ​യാ​ണ് മോ​ഷ്ടാ​വി​നെ കു​ടു​ക്കി​യ​ത് .

നി​ല​വി​ൽ ത​മി​ഴ്നാ​ട്ടി​ൽ ആ​റോ​ളം മോ​ഷ​ണ കേ​സു​ക​ളി​ലും ഒ​രു കൊ​ല​പാ​ത​ക കേ​സി​ലും പ്ര​തി​യാ​ണ് രാ​ജ​ശേ​ഖ​ര​ൻ. കൊ​ല​ക്കേ​സി​ൽ പ്ര​തി​യാ​യ ശേ​ഷം ഒ​ളി​വി​ൽ ക​ഴി​ഞ്ഞു​വ​രി​ക​യാ​യി​രു​ന്നു. ഈ ​സ​മ​യ​ത്താ​ണ് തൃ​ശ്ശൂ​ർ മ​ണ്ണു​ത്തി​യി​ലെ ഒ​രു വീ​ട്ടി​ൽ നി​ന്നും 32 പ​വ​ൻ സ്വ​ർ​ണ​വും എ​ഴു​പ​തി​നാ​യി​രം രൂ​പ​യും സി​സി​ടി​വി ഹാ​ർ​ഡ് ഡി​സ്കും മോ​ഷ്ടി​ച്ച​ത്.

പ്ര​തി​ക​ള്‍ സ​ഞ്ച​രി​ച്ചി​രു​ന്ന കാ​ർ (ക​ർ​ണാ​ട​ക ര​ജി​സ്ട്രേ​ഷ​ൻ) പോ​ലീ​സി​ന്റെ ശ്ര​ദ്ധ​യി​ൽ​പ്പെ​ട്ടി​രു​ന്നു. അ​തി​നു​ശേ​ഷം പ​ത്ത​നാ​പു​ര​ത്തെ ഒ​രു വീ​ട്ടി​ൽ മോ​ഷ​ണം ന​ട​ത്തു​ക​യും തു​ട​ർ​ന്ന് ത​മി​ഴ്നാ​ട്ടി​ലേ​ക്ക് ര​ക്ഷ​പ്പെ​ടു​ക​യു​മാ​യി​രു​ന്നു. കൊ​ല്ലം റൂ​റ​ൽ പോ​ലീ​സ് മേ​ധാ​വി എ​സ്. ഹ​രി​ശ​ങ്ക​റും തൃ​ശൂ​ർ പോ​ലീ​സും ന​ൽ​കി​യ വി​വ​ര​ങ്ങ​ളു​ടെ അ​ടി​സ്ഥാ​ന​ത്തി​ൽ ത​മി​ഴ്നാ​ട് പോ​ലീ​സാ​ണ് പ്ര​തി​യെ പി​ടി​കൂ​ടി​യ​ത്.

കോ​ട​തി​യി​ൽ ഹാ​ജ​രാ​ക്കി റി​മാ​ൻ​ഡ് ചെ​യ്ത പ്ര​തി​യെ പി​ന്നീ​ട് പ​ത്ത​നാ​പു​രം പോ​ലീ​സ് ക​സ്റ്റ​ഡി​യി​ൽ വാ​ങ്ങു​ക​യാ​യി​രു​ന്നു. ഇ​യാ​ളു​ടെ മോ​ഷ​ണ പ​ര​മ്പ​ര​യെ കു​റി​ച്ച് കൂ​ടു​ത​ൽ അ​ന്വേ​ഷ​ണം ന​ട​ത്തി​വ​രി​ക​യാ​ണ​ന്ന് പ​ത്ത​നാ​പു​രം പോ​ലീ​സ് പ​റ​ഞ്ഞു.