നടന്‍ ശ്രീനാഥ് ഭാസി അമ്മയിലെ പ്രാഥമികാംഗത്വത്തിന് വേണ്ടി അപേക്ഷിച്ചിട്ടുണ്ട്. അവസാന തീരുമാനം എക്‌സിക്യുട്ടീവ് കമ്മിറ്റിയുടേതായിരിക്കും. അമ്മയിലെ അംഗത്വത്തിന് വേണ്ടി അപേക്ഷിച്ച് വര്‍ഷങ്ങള്‍ക്ക് ശേഷമാണ് എനിക്ക് ലഭിച്ചത്.
അതുകൊണ്ട് അതിന്‍റെ വില നന്നായി അറിയാം. തെറ്റുപറ്റുമ്പോള്‍ ചൂണ്ടിക്കാട്ടാനും പ്രതിസന്ധി വരുമ്പോള്‍ പിന്തുണയ്ക്കാനും ഒരു സംഘടനയുടെ പിന്‍ബലം നല്ലതാണ്.
എല്ലാവര്‍ക്കും ഏതെങ്കിലുമൊരു സംഘടനയില്‍ അംഗത്വം വേണ്ടി വരുന്ന സാഹചര്യമാണുള്ളത്. ഒരു പ്രശ്‌നം വരുമ്പോള്‍ പ്രൊഡ്യൂസേഴ്സ് അസോസിയേഷന്‍, സംഘടനകളുമായി മാത്രമേ ചര്‍ച്ച ചെയ്യൂ.
പത്തുവര്‍ഷത്തിലേറെയായി സിനിമയിലുള്ള ശ്രീനാഥ് ഭാസി ഇപ്പോള്‍ സംഘടനയില്‍ അംഗത്വമെടുക്കാന്‍ മുന്നോട്ട് വന്നതിന്‍റെ അര്‍ഥം അദ്ദേഹത്തിന് മാറ്റമുണ്ടായിട്ടുണ്ടെന്നുതന്നെയാണ്. എല്ലാം കലങ്ങി തെളിയുന്ന സമയം വരും. -ബാബുരാജ്
