മു​ട്ടാ​റി​ന്‍റെ മു​ത്ത​ശിക്ക് അഭയമൊരുക്കി നല്ല അയൽക്കാരൻ;  സോജന്‍റെയും കുടുംബത്തിന്‍റെയും നന്മകളിലൂടെ….

ബെ​ന്നി ചി​റ​യി​ൽ
മു​ട്ടാ​ർ: പ്ര​ള​യ​ദു​രി​ത​ത്തി​ൽ കു​ട്ട​നാ​ട് ക​ര​ക​വി​ഞ്ഞ​പ്പോ​ൾ മു​ട്ടാ​റി​ലെ നൂ​റു​വ​യ​സു​കാ​രി ഭാ​ര​തി​യ​മ്മ​യ്ക്ക് അ​ഭ​യ​മാ​യ​ത് തു​രു​ത്തേ​ൽ സോ​ജ​ന്‍റെ വീ​ടി​ന്‍റെ ര​ണ്ടാം​നി​ല. മു​ട്ടാ​ർ കു​മ​ര​ഞ്ചി​റ സെ​ന്‍റ് തോ​മ​സ് പ​ള്ളി​ക്ക​ടു​ത്തു​ള്ള കു​ടും​ബ​വീ​ട്ടി​ലാ​യി​രു​ന്നു ഭാ​ര​തി​യ​മ്മ ക​ഴി​ഞ്ഞി​രു​ന്ന​ത്. വെ​ള്ളം വീ​ടി​നെ വി​ഴു​ങ്ങി​യ​പ്പോ​ൾ ഭാ​ര​തി​യ​മ്മ​യെ മ​ക്ക​ൾ ചു​മ​ലി​ലേ​റ്റി അ​ര​കി​ലോ​മീ​റ്റ​ർ അ​ക​ലെ​യു​ള്ള മ​ക​ൾ അ​മ്മ​ണി​യു​ടെ വീ​ട്ടി​ലെ​ത്തി​ച്ചു.

വീ​ണ്ടും മ​ഴ​ശ​ക്തി​പ്പെ​ട്ട​തി​നേ​തു​ട​ർ​ന്ന് അ​മ്മ​ണി​യു​ടെ വീ​ടും വെ​ള്ള​ത്തി​ൽ മു​ങ്ങി. ഇ​തി​നി​ട​യി​ൽ അ​യ​ൽ​വാ​സി​ക​ൾ വ​ള്ള​ങ്ങ​ളി​ലും ബോ​ട്ടു​ക​ളി​ലു​മാ​യി ച​ങ്ങ​നാ​ശേ​രി​യി​ലേ​ക്കു പ​ലാ​യ​നം ചെ​യ്തു. ചി​ല​ർ മു​ട്ടാ​ർ സെ​ന്‍റ് തോ​മ​സ് പ​ള്ളി​യി​ലും അ​ഭ​യം​തേ​ടി. ശ​യ്യാ​വ​ലം​ബ​ിയാ​യ ഭാ​ര​തി​യ​മ്മ​യു​മാ​യി വെ​ള്ള​ക്കെ​ട്ടി​ലൂ​ടെ എ​ങ്ങോ​ട്ടും പോ​കാ​നാ​കാ​തെ അ​മ്മി​ണി​യും സ​ഹോ​ദ​ര​ങ്ങ​ളും കു​ഴ​ങ്ങി.

അ​മ്മി​ണി നി​റ​ക​ണ്ണു​ക​ളോ​ടെ സ​മീ​പ​വാ​സി​യാ​യ തു​രു​ത്തേ​ൽ സോ​ജ​ൻ-​സെ​ലി​ൻ ദ​ന്പ​തി​ക​ളോ​ടു വി​വ​രം പ​റ​ഞ്ഞു.
ഭാ​ര​തി​യ​മ്മ​യേ​യും മ​ക​ൾ അ​മ്മി​ണി​യേ​യും സോ​ജ​ന്‍റെ കു​ടും​ബം ത​ങ്ങ​ളു​ടെ വീ​ട്ടി​ലേ​ക്കു സ്നേ​ഹ​പൂ​ർ​വം സ്വീ​ക​രി​ച്ചു. സോ​ജ​ന്‍റെ വീ​ടി​ന്‍റെ ര​ണ്ടാം​നി​ല​യി​ൽ ഭാ​ര​തി​യ​മ്മ​യ്ക്ക് ഇ​ട​വും ക​ട്ടി​ലു​മൊ​രു​ക്കി ന​ൽ​കി.

ഭാ​ര​തി​യ​മ്മ​യും അ​മ്മി​ണി​യും കൂ​ടാ​തെ മ​റ്റു മൂ​ന്നു കു​ടു​ംബ​ങ്ങ​ളും ഉ​ൾ​പ്പെ​ടെ 18 പേ​ർ​ക്ക് സോ​ജ​ന്‍റെ വീ​ടി​ന്‍റെ ര​ണ്ടാം​നി​ല അ​ഭ​യ​മാ​യി​ട്ടു​ണ്ട്. ഈ ​ര​ണ്ടാം​നി​ല​യി​ലാ​ണ് ഇ​വ​ർ ഭ​ക്ഷ​ണം പാ​ച​കം ചെ​യ്യു​ന്ന​തും ഉ​ണ്ണു​ന്ന​തും ഉ​റ​ങ്ങു​ന്ന​തും.
രാ​മ​ങ്ക​രി​യി​ൽ ചെ​റി​യ ക​ച്ച​വ​ടം ന​ട​ത്തി​യാ​ണു സോ​ജ​ൻ കു​ടും​ബ​ത്തെ പോ​റ്റു​ന്ന​ത്. വെ​ള്ള​പ്പൊ​ക്ക​ത്തി​ൽ സോ​ജ​ന്‍റെ വീ​ടി​ന്‍റെ താ​ഴ​ത്തെ നി​ല മു​ങ്ങി.

പോ​ർ​ച്ചി​ൽ കി​ട​ന്ന കാ​റും വെ​ള്ള​ത്തി​ലാ​യി. കൈ​വ​ശ​മു​ള്ള ഭ​ക്ഷ്യ​സാ​ധ​ന​ങ്ങ​ൾക്ക് ദൗ​ർ​ല​ഭ്യം നേ​രി​ട്ടി​ട്ടു​ണ്ട്. മു​ട്ടാ​റു​കാ​ർ​ക്ക് ര​ക്ഷ​ക​നാ​യി മാ​റി​യ കു​മ​ര​ഞ്ചി​റ​പ​ള്ളി വി​കാ​രി ഫാ.​ജ​സ്റ്റി​ൻ കാ​യം​കു​ള​ത്തു​ശേ​രി​യാ​ണ് ഇ​വ​ർ​ക്ക് ആ​ഹാ​രം എ​ത്തി​ച്ചു ന​ൽ​കു​ന്ന​ത്.